DECORANDO BOLSAS DE TEA CON ARTE, LITERATURA E TRADICIÓN.

Logo do desenvolvemento de distintos proxectos ao longo do curso escolar, imos decorar co alumnado de educación primaria bolsas de tea cheas de arte, literatura e tradición.

 

 Obxectivos:

·       Fomentar a expresión artística a partir de referentes culturais e literarios galegos.

·       Relacionar a creatividade coa observación da natureza e a preservación ambiental.

·       Honrar a figura de Alfonso Daniel Rodríguez Castelao, conmemorando o Ano Castelao 2025 no 75 aniversario do seu pasamento.

·       Celebrar o Día das Letras Galegas resaltando a importancia das cantareiras e da tradición oral galega.

·       Visibilizar o legado de Adolfina e Rosa Casás, Eva Castiñeira, Prudencia, Asunción Garrido e Manuela Lema, mulleres fundamentais na conservación da lingua e da cultura popular.

·       Mostrar os traballos artísticos do alumnado nunha exposición final, recollendo as creacións do Laboratorio das Artes e das Ciencias ao longo do curso.

A rapazada de 1º, 2º, 3º e 4º de primaria decorarán as súas bolsas de tea con ilustracións de aves e niños de paxaros, baseándose no traballo previo do Proxecto 100 niños para paxaros.

O alumnado de 5º de primaria representará escenas inspiradas no libro Cousas de Castelao, integrando así a celebración do Ano Castelao 2025.

@s nen@s  de 6º curso ilustrarán pandeiretas, pandereiteiras e cantareiras en homenaxe ao Día das Letras Galegas, recoñecendo o papel das mulleres na transmisión da cultura galega.

Desenvolvemento dos obradoiros:

A actividade estivo estruturada en catro sesións:

1.   Marcado da zona de pintura e estarcido nas bolsas de tea.

 

2.   Deseño a lápis da ilustración, planificando os elementos gráficos.

3.   Rotulación das imaxes utilizando útiles de pintura sobre tea.

 

4.   Coloración e detalles finais para dar vida aos deseños e completar as ilustracións.

 

 

 

Ao rematar o proxecto, fíxose unha exposición onde se mostran todas as bolsas decoradas, converténdoas nunha parte esencial da mostra dos traballos anuais desenvolvidos no Laboratorio das Artes e das Ciencias. Esta exposición permitirá que toda a comunidade educativa poida apreciar o esforzo e a creatividade do alumnado, así como a riqueza cultural que este proxecto promove: bolsas decoradas con referencias culturais galegas e conciencia ambiental.

 

 

CREAMOS TEATRO DE MONICREQUES DE ENTROIDO

 Actividade moi competencial e divertida. O alumnado do sexto curso de primaria, elaborou con cartóns de refugallo o seu disfrace. Caixas,tesoiras, cola, silicona, témperas e moita imaxinación. Cada un elaborou o seu cabezudo, logo, fixo a súa presentación.

Gústavos?

Eles gozaron moitísimo na creación  dos monicreques, sacando as fotografías e na grabación dos chatterpix.

 

CREACIÓN DE TEATRILLOS E TÍTERES NA AULA DE PLÁSTICA

 Actividade de creación de teatrillos e títeres na aula de plástica

Nesta actividade, o alumnado participou nun proxecto creativo e colaborativo na aula de plástica, promovendo o traballo en equipo e o desenvolvemento das habilidades manuais.

Para comezar, cada equipo escolleu unha caixa de cartón sen coñecer previamente a súa finalidade. Unha vez repartidas as caixas, explicouse que debían transformalas en teatrillos para guiñol. Para iso, tiveron á súa disposición diferentes materiais, como pistolas de silicona, cola, pegamento en barra, pinturas variadas, Poscas, rotuladores permanentes, témperas, pinceis, botóns, teas e outros elementos de refugallo. O obxectivo era fomentar a creatividade e a reutilización de materiais, reforzando a idea da economía circular (ODS 12: Producción e Consumo Responsable).

 

Unha vez construídos os teatrillos, cada alumno creou o seu propio títere empregando fieltro, fío, agulla e outros materiais de manualidades. Este proceso permitiu traballar destrezas motoras finas e potenciar a imaxinación.

 

 

Finalmente, en grupos cooperativos, escribiron un pequeno texto para representar unha historia na aula STEAM. Durante este proceso, empregaron tabletas e programas de edición dixital para mellorar a calidade da gravación e incorporar efectos que enriqueceron a representación. O uso destas ferramentas favoreceu a aprendizaxe tecnolóxica e fomentou unha utilización responsable dos recursos dixitais, vinculando a actividade ao ODS 4 (Educación de Calidade) e ao ODS 9 (Industria, Innovación e Infraestrutura).

 

Ademais de estimular a creatividade e o traballo en equipo, esta actividade contribúe á consecución do ODS 4 (Educación de Calidade), fomentando a aprendizaxe activa e inclusiva, e do ODS 11 (Cidades e Comunidades Sustentables), ao integrar o concepto de reutilización de materiais e conciencia ecolóxica.

A gravación final permitiu que tanto o alumnado como as familias desfrutasen do resultado.

OBRADOIRO DE CARTÓN CON TON ARENAS E A BIBLIOTECA CREATIVA. OBRADOIRO DE CABEZUDOS.

 

Canto divertimento tivemos hoxe na escola! Ninguén podía imaxinar que unhas simples caixas de zapatos puidesen dar tanto xogo.

Grazas á participación no programa de BIBLIOTECA CREATIVA, na escola puidemos contar con TON ARENAS, pertencente á Compañía MIRCROMINA TEATRO DE TÍTERES. Él dí que é un artesán dos Muiños en Mondoñedo. Crea, constrúe teatriños, bonecos, títeres e cabezudos.

Mostrounos a súa técnica e con tan só caixas, cinta de papel, tesoiras maila nosa imaxinación creamos...

DESEÑANDO NAS IMPRESORAS 3D

 O alumnado do terceiro ciclo de educación primaria embarcouse nun fascinante proxecto de deseño e impresión 3D, onde as matemáticas e a creatividade camiñaron da man. A partir dos coñecementos xeométricos adquiridos na aula, os nenos e nenas deseñaron chaveiros, medallóns e mesmo unha reprodución da mascota da biblioteca escolar, Picolindo, aplicando conceptos de dimensións e proporcións con gran destreza.

Pero o proxecto non quedou só no deseño! O espírito investigador e colaborativo guiou a busca de obxectos para imprimir nas impresoras 3D da escola. 

 

Entre os deseños seleccionados destacaron os renos de Nadal, pensados como agasallos para os finalistas do concurso de postais, e os paxariños sonoros, creados para os participantes no concurso de escritura de cartas de amor, enmarcado no reto "100 niños de paxaros" e na celebración do Día da Candelaria.

 

Para levar a cabo este traballo, o alumnado explorou programas dixitais como Thingiverse, Tinkercad e MakerWorld, desenvolvendo habilidades de busca de información e coñecemento tecnolóxico. Ademais, tiveron a oportunidade de experimentar coa montaxe e configuración da impresora  Creatily. 

LUZ NEGRA POLO NADAL

Hoxe, na aula de música aconteceu algo moi especial que deixou abraiada á rapazada.

A maxia do Nadal fixo posible esta experiencia inolvidable.

 

OS ARTÍSTAS DO RESÍO

 

 

Na escola O Resío, cada neno e nena é protagonista do seu propio talento. Neste proxecto educativo, os nosos pequenos artistas idearon un escenario único e adornárono cun marco artístico cheo de creatividade.

 

 

No centro dese escenario, debuxáronse como soñan ser: cantantes que iluminan coas súas voces, futbolistas que xogan con paixón, pintores e debuxantes que enchen o papel de vida, patinadores e esquiadores que deslizan cos seus soños, científicos e científicas que exploraron o descoñecido, modistos que deseñaron estilos únicos…

E para dar vida a eses debuxos, transformáronse en arte! Colocáronse no seu escenario e captaron a súa imaxe, igual que se representaran no papel. Porque no Resío, a creatividade non só se debuxa, senón que se vive.

FACEMOS CERÁMICA COA MAMÁ DE ESTELA E ROI

 Hoxe visitounos Paula, nai dos alumn@s Estela e Roi, para levar a cabo un obradoiro de artesanía. Explicounos como manipula, coce e decora o barro no seu taller de cerámica e a continuación tivemos a oportunidade de experimentar co barro e decorar uns vasiños agasallo de Paula, que posteriormente cocerá no seu forno e traerá rematados.

Moitísimas grazas, Paula, por esta experiencia tan gratificante!. Encantounos!

 

 

CONCURSO : E TI, QUE PENSAS DA IGUALDADE?

 Dende a escola participamos no concurso da Deputación de Pontevedra E ti, que pensas da igualdade?

Un bo traballo de reflexión sobre o que é para nós a igualdade e unha representación en forma de debuxo ou cómic. O sexto curso de primaria participou con poema musicado.

Obtivemos varios premios:

3º premio categoría primeiro ciclo de primaria para:

ANDREA BLANCO CORTÉS

 

3º premio categoría terceiro ciclo de primaria  para: 

LETICIA FERNÁNDEZ MARÍA

1º premio categoría terceiro ciclo de primaria  para: 

IVÁN GAMALLO GÓMEZ

 

2º PREMIO GRUPAL POEMA

GRUPO AULA SEXTO PRIMARIA

 

 

Para rematar a festa, gozamos dun concerto con UXÍA LAMBONA e a BANDA MOLONA.