17 DE MAIO, DÍA INTERNACIONAL DA RECICLAXE

Hoxe, 17 de maio celébrase o día mundial da reciclaxe. Na escola co gallo da tradicional festa dos maios, e por mor da actual situación socio sanitaria, temos de deixar de facer a tradicional recreación da festa dos MAIOS e buscar unha alternativa segura. Por ese motivo, fíxose unha proposta "en familia" para crear uns maios de reciclaxe. Grazas pola vosa colaboración, os maios quedaron espectaculares.

 

Moita creatividade e ilusión demostrades nas vosas produccións.

 Grazas pola vosa axuda e colaboración, ...

As FAMILIAS sodes parte esencial

 da nosa escola, O RESÍO.

DÍA 68 #NaCasa, SOGAMA PUBLICITA O NOSO TRABALLO

 Hoxe SOGAMA, faise eco da nosa actividades. Grazas por contar con nós.

"Crea o teu maio con material de refugallo"

• Así se titula o proxecto co que o CEIP “Virxe do Rocío” de Vigo, un dos 25 centros de primaria que participan este curso académico no programa “Recíclate con Sogama”, quixo render a súa particular homenaxe ao Día Internacional da Reciclaxe.
• Coa colaboración das familias, os escolares plasmaron, nunha serie de obras elaboradas con materiais de refugallo, como é este mes de maio desde as súas casas.
• A través dos distintos traballos pódese comprobar que o espírito primaveral non decaeu, manténdose tamén firme o compromiso dos pequenos co medio ambiente e, sobre todo, a ilusión e a esperanza de que podamos superar este mal momento.

Cerceda, a 21 de maio de 2020.- “Crea o teu maio con material de refugallo”. Baixo este título, o CEIP “Virxe do Rocío” de Vigo levou a cabo unha atractiva iniciativa para render a súa particular homenaxe á xestión sostible dos residuos urbanos e conmemorar dunha forma moi especial o Día Internacional da Reciclaxe (17 de maio).
No marco da crise sanitaria orixinada polo COVID-19, as clases presenciais suspendéronse a mediados do pasado mes de marzo e, tanto profesores como alumnos, tiveron que facer un gran esforzo para adaptarse ás novas circunstancias e seguir traballando desde a distancia para que a aprendizaxe tivera continuidade.
Pero esta situación non limitou a creatividade nin a imaxinación da comunidade educativa, nin moito menos a iniciativa deste centro de cara a promover actividades atractivas que poidan estimular o interese do alumnado e a participación das familias nos seus proxectos.
Os escolares reflectiron nos seus traballos como é este mes de maio que non poden gozar como quixeran, pero que non truncou para nada a esencia e o colorido da primavera, o anticipo do verán e das vacacións, e, sobre todo, a ilusión e a esperanza de que podamos superar este mal  momento.
Os pequenos lograron que revistas, cartóns, briks, tapóns, restos de teas, botellas plásticas e de vidro, e papel, entre outros materiais, se vestiran de gala e se converteran en distintas obras nas que retrataron a natureza: árbores, animais, flores, xarrón, bonecos e plantas.
A mensaxe da reciclaxe está moi presente neste labor pedagóxico a través do cal os pequenos comprenden e interiorizan como o aparentemente inservible se converte en algo útil e como o aparentemente feo se transforma en beleza. En definitiva, como os residuos poden converterse en recursos a través dunha axeitada xestión.
O colexio Virxe do Rocío é un dos 25 centros escolares de primaria que este curso académico participa no programa educativo “Recíclate con Sogama”, a través do Plan Proxecta da Xunta de Galicia.
A súa dedicación, interese, entusiasmo e esforzo traspasou as aulas, posibilitando que a reciclaxe se estenda a cada fogar e a cada familia.
Desde Sogama, o noso máis sincero agradecimiento.

21 Mai 2020

 

http://www.sogama.gal/gl/noticia/crea-o-teu-maio-con-material-de-refugallo

DÍA 65 #NaCasa, 17 de maio, DÍA INTERNACIONAL DA RECICLAXE

No marco do DÍA INTERNACIONAL DA RECICLAXE, dende a escola propúxose ás familias: 

CREA O TEU MAIO 

CON MATERIAL DE REFUGALLO,

proposta que tivo unha  excelente acollida; polo que temos que agradecer a  colaboración e implicación de tódalas familias e do alumnado. 

Grazas pola vosa participación!

CREA O TEU MAIO, DÍA MUNDIAL DA RECICLAXE

Benqueridas familias, agardamos que sigades ben. Confiemos en que, aos poucos, comecemos a ver a luz. Namentres, coidádevos moito.

 

Debido ás excepcionais circunstancias nas que nos atopamos neste maio de 2020 por mor da epidemia do COVID-19 non se puideron levar a cabo moitos dos proxectos que desde a nosa escola facemos cada ano para conmemorar dúas festas tradicionais na nosa terra:

•       A festa dos maios
•       O día das Letras Galegas.

No marco do “Día Mundial da Reciclaxe”, que se celebrará o próximo 17 de maio, queremos facervos unha proposta:

CREA O TEU MAIO

CON MATERIAL DE REFUGALLO

1.   Fai un cono con cartón
2.   Recúbreo cun manto verde, sempre de refugallo 
3.   Decórao como máis che guste, botóns, tapóns, macarróns,...

Unha vez feito o teu mini-maio, 

1.   Sácalle unha foto

2.   Mándaa ao watshap da escola 658715569

3.   O prazo vai dende o luns 11 ao luns 18 de maio.

Animádevos!    Participade!

Haberá Pikeuros para tod@s.

OS MAIOS

E despois de días de traballo, chegou á escola a Festa dos Maios. Esta é unha das festas máis fermosas e tradicionais galegas que se celebra o primeiro día do mes das flores. Na escola recuperamos esta tradición galega que festexa a chegada do bo tempo, o triunfo da primavera sobre o inverno. Grazas á achega de flores, herba, fentos, e ovos, construímos entre todos o noso Maio.

A continuación, cada curso cantou as súas coplas dedicadas á primavera.

 E o alumnado de cuarto, como é tradición na escola, despois de días de preparación agasallounos a todos co BAILE DAS FITAS.

Para finalizar a celebración paseamos o maio
.

OS MAIOS 2014

 

 A festa dos Maios, tamén coñecida simplemente como os Maios, é unha festa popular de orixes ancestrais. Esta celebración da primavera celebrase habitualmente o 1 de maio.
CANTIGA AO MAIO:

LETRAS GALEGAS E MAIOS 2013.

O XOVES,16 DE MAIO,VÉSPERA DO DÍA DAS LETRAS GALEGAS ,TIVEMOS UNHA DOBRE CELEBRACIÓN TRADICIONAL GALEGA:OS MAIOS E O DÍA DAS NOSAS LETRAS ,DEDICADO ESTE ANO A 

ROBERTO VIDAL BOLAÑO. 

 FACENDO O MAIO 

Flores, laranxas, ovos... e moita imaxinación. Estes son os  ingredientes do noso Maio, e de case tódolos Maios. Grazas á colaboración das familias conseguimos facer un maio que honra un dos costumes tradicionais da nosa terra.

  Malia a choiva, fixemos unha festa estupenda, unida ao BAILE DAS FITAS dos nenos e nenas de cuarto curso de Educación Primaria.

Despois sacamos o maio ao xardín, e fomos a completar un libriño elaborado polo Departamento de Normalización Lingüística sobre o máis interesante da vida deste ilustre personaxe. 

Para rematar a festa, cantamos o himno galego.

ACHEGANSE OS MAIOS. DECORAMOS OVOS NA CASA.

Decorar ovos de Pascua non é unha tradición nosa pero grazas ao contacto con outras culturas, o que chamamos interculturalidade, podemos facer disto algo noso. É unha actividade moi divertida para facer cos nosos fillos e fillas. É moi sinxelo e os nosos cativos sintense moi orgullosos do seu traballo. Os ovos quedaron chulísimos e o maio vai a estar moi engalanado. Aquí tedes o traballo de moitos nenos e nenas da escola.

  GRAZAS!

OS MAIOS, FESTA POPULAR GALEGA.

Por segundo ano consecutivo,  celebramos na escola a festa dos Maios. Como sabedes é unha festa popular galega na que se celebra o comezo da primavera e na que se fai unha exaltación da natureza. En Galicia, os Maios celébranse os primeiros días do mes de maio.

Primeiro imos a ver un vídeo para aprender cousas da historia dos maios.

Temos que contar que foi un día de moito traballo no cole porque estivemos moi atarefados facendo o noso Maio e preparando todo para a actuación.

O programa desta xornada foi:

-De 9h a 11:30:

Confección de grilandas nas aulas e colocación do verde no maio.

 

-De 11:30h a 12:00h:

Tempo de lecer.

-De 12h a 12:30h:

Montaxe do maio.

 

Cantiga do maio co retrouso común e estrofas creadas nas aulas. 

 

-De 12:30h a 13:50h:

Visítannos uns gaiteiros e acompañannos no

baile das fitas,

 

na procesión e remate da festa co Himno Galego.

 
 ANGELA NOVOA BLANCO.

 Nestas presentacións queremos amosarvos como traballaron os vosos peques e non tan peques. Cremos que o esforzo tivo unha recompensa.

 GRAZAS FAMILIAS polas flores, fentos, fiúnchos, froitas,...

O primeiro maio no Rocío

Este ano 2011, festexamos por primiera vez unha das festas máis antigas da nosa cultura. A creación dos maios remóntase a era da Prehistoria. Hoxe os nenos e nenas do Rocío gozaron da creación do seu primeiro maio. Foi un día estupendo!!!

O maio do Rocío 2011 - foto montaje

OS MAIOS

A festa dos maios ten moita tradición na nosa comunidade. Pero sabemos algo da súa orixe?

Se queres saber máis preme no título, e se queres ver un video antigo dos maios preme na imaxe.

Bicos

Que son os Maios?

Este ano será o primeiro no que festexemos os Maios no noso cole. Esperamos que esta experiencia sexa o comezo dunha andaina...
Deixámosvos información sobre os Maios elaborada polo Cep. Ventín

Maios

View more presentations from Equipo de ENDL