30 DE XANEIRO, DÍA DA ILUSTRACIÓN

 

Hoxe, 30 de xaneiro, ademáis de celebrarse  o Día da Paz e a Non Violencia, celébrase o DÍA DA ILUSTRACIÓN. Coa intención de non solapar datas, na escola buscamos crear entre tódolos membros da comunidade educativa unha mostra/exposición.  As nosas avoas levan dando cor á nosa infancia dende hai moitos séculos a través de ilustracións feitas con fíos e agullas: cobertores, xerseis, bufandas, manteis ou panos de mesa,... están ilustrados con motivos previamente pensados, calculados matematicamente e debuxados con patróns para que queden proporcionados. Seguro que todas e todos temos algún exemplo por casa. Gustaríanos poder compartilos nunha exposición que terá lugar dende o día 5 ata o 12 de febreiro polo que se pide ás familias que traian as pezas feitas a man antes do día 4.
Grazas pola vosa axuda.

Deixamos aquí o cartaz da Xunta dedicado a Siro, autor homenaxeado este 2026.

 

HOXE VISITANOS... ANDREA GARCÍA MARTÍNEZ

 

Hoxe tivemos outra fermosa visita: Andrea García Martínez veu falarnos do seu primeiro libro "Animais fantásticos de aldea" da Ed. Xerais. Contounos que o escribiu e ilustrou ela todiño no tempo da Covid. Unha gran escritora, ilustradora e estudante de Deseño de interiores que aos seus 24 anos ten moito por ensinarnos. 

Falamos dos seus protagonistas, animais e humanos, e doutros que poderían ter aparecido na historia. 

Antes de dedicarnos os libros, debuxou algún deles.

Grazas, Andrea. Xa nos tarda a seguinte aventura. 

 

JACOBO FERNANDEZ SERRANO NA ESCOLA

O debuxante e ilustrador, pintor e autor de banda deseñada, JACOBO FERNÁNDEZ, visitou o pasado venres día 5 a nosa escola. Este artista vigués, estivo acompañado polo alumnado do primeiro e segundo curso de educación primaria que son seguidores das súas creacións. Encántalles entre outras, MARCOPOLA.
Os nenos estiveron todos moi atentos ao que lles contaba e como despedida fíxo unha dedicatoria personalizada para cada un dos nosos libros, e tamén fixo unha no libro de visitas da escola. Quedou moi bonita!

Grazas Jacobo, por ensinarnos tantas cousas!

EN ABRIL, LIBROS MIL.

Benqueridas famillias, o mes que hoxe remata, ABRIL, é o mes dos libros e como  noutros cursos, neste período do ano temos un maior número de actividades ao redor do LIBRO e o seu mundo. Entre outras cousas...

• Concurso de creación e ilustración de LENDAS DE AMOR.

• Visita da autora e ilustradora VIOLETA MONREAL.

   

• Recitación e agasallo de poesías entre os membros da comunidade escolar.

• 4º Concurso de deseño dun Autocolante no que o lema foi ." DÍA DO LIBRO 2013" encadrado en BOUZAS. 

  Actividade de madriñas e padriños lectores e lectoras. Os nenos maiores len un conto aos máis cativos da escola.

• Visita do contacontos profesional IGNACIO VILARIÑO. 

   

• Visita do autor de poesía, narrativa e xornalismo FRAN ALONSO, posuidor de diversos premios literarios coma a distinción do White Ravens de " A casa de luna", o Premio Neira Vilas ao mellor libro do ano "A araña e máis eu", o premio Rañolas de poesía ao seu libro "Cidades" e tantos outros...

   

   

  
  

• Visita de ANXO FARIÑA , ilustrador, escritor e deseñador de libros infantís e xuvenís, posuidor do Premio Merlín 2011 pola súa novela "A chave da Atlántida", autor, entre outras obras da afamada serie dos Megatoxos.

   

E como abril resultou moi curto deixamos adiadas para o mes de maio as seguintes actividades:

• • Visita da mascota que máis fans ten no colexio: PUPI. Animación a cargo de MANUEL SOLLA que tamén fará unha animación sobre o libro "De chico a chica".

  • Conferencias dos "Expertos na VILA DE BOUZAS nas que cada curso explica a súa maneira ao resto do colexio o aspecto de BOUZAS no que é especialista.

MAÑÁ VISITARÁ A NOSA ESCOLA, VIOLETA MONREAL.

Os nenos e nenas do primeiro e segundo ciclo de educacion primaria terán a sorte de poder gozar coa gran ilustradora e autora de relatos Violeta Monreal.

Espero que poidades ver en directo, como das súas mans saen unha gran cantidade de obras artísticas utilizando a súa gran destreza e imaxinación. 

Violeta Monreal, naceu en Oviedo, licenciouse en Belas Artes e escomezou a súa carreira como ilustradora. Viaxou a Nueva York onde colaborou coa  ONU na
ilustración de varios proxectos. Dende entón se publican
constantemente libros coas súas imáxes nas principais editoriais españolas.

Este e o noso traballo previo a súa visita.