Esta tarde, desenvolveuse un obradoiro de robótica en familia na escola. As familias tiveron tempo de anotarse no mesmo, e esperamos que lles gustase moito descubrir, e coñecer de primeira man os robots, e distintos elementos de traballo dos que dispomos na aula STEAM da escola.Óscar comentoulle ás familias que a Robótica pode comezar moito antes de que aparezan os robots enriba da mesa. De feito, tentou explicar dende o primeiro momento que o máis relevante non é a tecnoloxía en si, senón a maneira de pensar que hai detrás dela. O chamado pensamento computacional é, en esencia, unha ferramenta para:
- organizar ideas,
- resolver problemas e
- comprender o mundo de forma lóxica e estruturada.
Nos nenos e nenas pequenas, esta capacidade comeza a desenvolverse a través de accións cotiás, aínda que non sexan conscientes diso.
Para introducir este concepto ás familias, resulta moi efectivo partir dunha situación próxima, como pode ser o proceso de lavar os dentes. A medida que van enumerando accións:coller o cepillo,poñer a pasta,abrir a billa,cepillar,enxaugar,... vaise facendo evidente que están construíndo un algoritmo, é dicir, unha secuencia ordenada de instrucións.
Polo antedito, a través do xogo e a manipulación trabállase o pensamento computacional sen pantallas nin robots. Falou das tarxetas tipo Codi-Robi que permiten representar accións sinxelas como avanzar ou xirar, construíndo pequenas secuencias no chan. Os participantes poden propoñer camiños, resolver retos ou mesmo crear desafíos. Este tipo de actividades reforza a comprensión da secuenciación e da planificación, ao tempo que fomenta a colaboración.
Do mesmo xeito, os xogos de mesa basados en percorridos, micro robots ou temáticas como dinosaurios ou esquíos introducen a lóxica e a estratexia de maneira natural. A medida que xogan, a rapazada acompañados polas súas familias, van tomando decisións, anticipando consecuencias e adaptando as súas accións.
PRIMEIRA ESTACIÓN:
O Robot Earl2 permite unha primeira aproximación sinxela á programación, baseada en movementos básicos como avanzar ou xirar. As familias poden propoñer pequenos percorridos no chan e comprobar como o robot segue as instrucións paso a paso.
SEGUNDA ESTACIÓN:
VinciBot introduce a programación mediante bloques físicos, o que facilita a comprensión visual das secuencias e permite empezar a xogar con ideas como a repetición, é un robot que debuxa con xeometría.
TERCEIRA ESTACIÓN:
CODING SET, é un xogo moi interesante. O alumnado debe colocar bloques con instruccións: avanzar, xirar, repetir,... e colocalos nun taboleiro. Unha torre ou faro, le ese código e o robot executa a secuencia. É o mesmo que se facía na estación anterior coas tarxetas, pero agora é un robot o que responde ás nosas ordes. Non precisamos nin tablet, nin móbil nin computador.
CUARTA ESTACIÓN:Xogos que fomentan o pensamento computacional.
QUINTA ESTACIÓN:
Con Photon Robot IA, dáse un paso máis cara á programación visual a través dunha aplicación, na que se poden resolver retos progresivos e experimentar con decisións máis complexas. Aprendemos a manexar o Robot. Precisamos móbil, táblet ou computador.
A medida que as familias pasaron polas distintas estacións, foron gañando confianza e entendendo que, en realidade, están aplicando as mesmas ideas que se contaron previamente sen tecnoloxía.
O remate do obradoiro caras de ledicia en alumnado e familias.
O profesorado xuntarase para compartir impresións e facer unha pequena reflexión conxunta. Preguntar que foi o máis difícil,... A idea principal que debería quedar é que non se trata de aprender a programar robots, senón de desenvolver unha forma de pensar que lle será útil ao alumnado en moitos ámbitos da súa vida.
.jpg)