AS CONFERENCIAS DE EXPERTOS

Esta semana comezamos a 2º Xornadas de EXPERTOS

        Despois dun curso traballando "AS EMOCIÓNS" chega o momento de explicarlle os nosos compañeir@s o que aprendimos. Cada clase escolle unha emoción e convértense en EXPERTOS, preparando unha conferencia onde explicarán  o resto do alumnado a súa "especialidade"

Esta actividade ten un importante valor para os nen@s que esperan con ilusión o día da súa conferencia e viven con moitos nervios o momento de falar en público.

O programa de conferencias é o seguinte:

LUNS: 3 anos, presentación de TODAS AS EMOCIÓNS
            4 anos, expertos do MEDO
MARTES: 5 anos, expertos da TRISTURA
MÉRCORES: 1º ciclo (1º e 2º primaria) expertos da LEDICIA
XOVES: 2º ciclo (3º e 4º primaria) expertos no ENFADO
VENRES: 3º ciclo (5º e 6º primaria) expertos no AMOR

Onte, inaguramos as Xornadas de Conferencias sobre "As Emocións" e os nen@s de 3 anos e 4 anos foron os protagonistas!! 

      Nesta exposición déronse a coñecer e compartiron con tod@s os seus sentimentos.

Noraboa nen@s!! 

Sodes uns artistas!! nin a vergoña, nin os nervios, nin todo o público pendente de nós...fixo que perdérades a concentración... Traballáchedes moito e todos os aplausos recibidos son a vosa recompensa!!

Unha mostra da conferencia de presentación....

Imaxes do gran momento!!

Hoxe tamén tiveron protagonismo os nen@s de 4 anos.
Expertos do MEDO, explicaron que lles asustaba e cantaron unha fermosa cantiga para espantar o medo!!


Hoxe seguiremos cos EXPERTOS NA TRISTURA...

Viva a SEMANA DE EXPERTOS!!

VISITA Á BOUZA

VISITA Á BOUZA - diapositivas

DÚAS MESTRAS DA ESCOLA ASISTEN A EDUCACLIC.

A Consellería de Cultura, Educación e Ordenación Universitaria participou onte na II xornada de novas tecnoloxías ‘Educaclic’, celebrada en Santiago de Compostela. O director xeral de Educación, Formación Profesional e Innovación Educativa, José Luis Mira, representou ao departamento educativo da Xunta de Galicia nesta cita. Durante a inauguración, o director xeral salientou o papel chave do profesorado na integración das TIC no sistema de ensino-aprendizaxe. Dúas mestras desta escola participaron na xornada e serviulles para coñecer novas experiencias e ferramentas de traballo, animándoas a continuar potenciando o uso das TIC no centro.

CREAMOS

Traballar con masa de sal foi todo un éxito. Os nenos e nenas gozaron coa actividade de amasado, modelado e posterior pintado das figuras creadas. Nada máis que contar, visualizade a presentación e enviade os vosos comentarios. Un saúdo. Angela.

TOD@S NA DEFENSA DO ENSINO PÚBLICO

HOXE CELEBRAMOS O DÍA DAS LETRAS GALEGAS.

Valentín Paz-Andrade (Pontevedra, 1898 - Vigo, 1987)

Este ano dedícase o Día das Letras Galegas a este home polifacético que destacou como xurista, economista, político, empresario, ensaísta, poeta e xornalista. Sempre tivo presente, tanto na súa obra literaria como na súa faceta empresarial, a Galicia e á súa lingua.

Podes consultar a súa biografía e obra na seguinte páxina: http://www.valentinpazandrade.es/

Nos seguintes arquivos podes visualizar os carteis, publicados pola Xunta de Galicia, que forman parte da exposición que está situada  nos distintos andares da escola.

Open publication - Free publishing

Hoxe, dende as 12h. traballamos en conxunto para acadar completar o album de D. Valentín Paz Andrade. Aprendimos moitas cousas e  pasámolo fenomenal. Por se non revisachedes as mochilas ou simplemente non tivechedes tempo de lelo, aquí o tedes:


Unha vez rematados os albumes, cada curso leu unha poesía e para finalizar a celebración cantamos o noso Himno. Agora imos ver como traballamos.

Angela Novoa Blanco.

O ILUSTRADOR ABRAHAM CARREIRO ESTIVO HOXE NA NOSA ESCOLA.

Outra das actividades realizadas para celebrar o Día Mundial do Libro foi a visita de Abraham Carreiro, un grande ilustrador de contos e de bandas deseñadas, con él tivemos a oportunidade de aprender e pór en práctica diversas técnicas de debuxo.Cunha gran rapidez comezou a crear divertidos personaxes enchendo un papel branco nun intre. Presentounos aos seus piratas cibernéticos, mentres, explicába como conseguir corpos proporcionados, expresar sentimentos,... Falamos do seu libro Xoeliki, aventuras dun ciberpirata e aprendemos a debuxar os personaxes. Tanto o alumnado como o profesorado puxeron moito interese nas cousas que  contaba. Aquí tedes imaxes da súa visita. ANGELA NOVOA BLANCO.