ITINERARIO LECTOR

 

QUEN VEU HOXE VISITARNOS?

 

FESTIVAL DE NADAL

 

 

 

 

QUEN VEU HOXE VISITARNOS?

 

ÁRBORE CREATIVA

 Unha proposta,

 

 un gran traballo colaborativo.

 Grazas, familias!

QUEN VEU HOXE VISITARNOS?

 

MIGUEL LÓPEZ, HEMATOCRÍTICO

Grazas por facernos gozar do teu bo facer, do teu sorriso, das túas escritas, do teu talento...

Con bágoas no corazón...

Ata sempre, mestre.

 

QUEN VEU HOXE VISITARNOS?

 

25 DE SANTOS DÍA INTERNACIONAL CONTRA A VIOLENCIA DE XÉNERO

 

 Non temos mellor xeito de manifestar o noso rexeitamento a violencia, que manifestalo todos xuntos.

 

A nosa comunidade educativa elaborou un video colaborativo.  Familias, grazas pola vosa axuda.

 

QUEN VEU HOXE VISITARNOS?

 

QUEN VEU HOXE VISITARNOS?

 

FESTA DO MAGOSTO

 Este venres día 10, celebrouse na
escola a tradicional festa do Magosto. Esta festa non sería posible sen mamás, papás, avós e avoas  ,profes e ANPA que con agarimo prepararon todo para gozar dunha fermosa mañá.

 

 

 Os mestres prepararon moitos xogos e obradoiros, a ANPA mercou castañas para a festa e un grupo de familiares colaboraron nos xogos e asaron todas as castañas. O tempo non acompañou, pero o Magosto foi todo un éxito.

En equipos interniveis, os rapaces desfrutaron de xogos populares, peóns, zancos, carreira de sacos, tiro da corda, tragacastañas, varrecastañas, circuíto de castañas, a chave, pinta o magosto, baile, ... Foi un sen parar, so botamos en falla o veraniño de San Martiño.

CIRCUÍTO DE CASTAÑAS

PREPARADOS PARA O XOGO

TIRO DA CORDA

CARREIRA DE SACOS

PEONS

VARRE CASTAÑAS

PINTANDO O MAGOSTO

TIZNAMOS A CARA

PREME NA IMAXE E GOZA COAS FOTOGRAFÍAS DO MAGOSTO

 

MOITAS GRAZAS, FAMILIAS COLABORADORAS!

MOITAS GRAZAS, ANPA!

ESCONXUROS DE SAMAÍN

MAGOSTO

QUEN VEU HOXE VISITARNOS?

 

HOXE SAÍMOS NA PRENSA

 

A prensa faise eco do noso proxecto de reciclaxe.

 

FESTA DO SAMAÍN

 Hoxe, 31 de outono, véspera do Día de Tódolos Santos, todos os rapaces da escola viñeron disfrazados  para celebrar o SAMAÍN. Esta festa, marcaba hai tempo o fin do periodo das colleitas e o comezo do frío e a escuridade.  Os vellos dín que esta era a noite na que se abría unha porta pola que as almas dos mortos podía cruzar ao mundo dos vivos.

Este era un rito pagán do que pervive o feito de que nalgunhas casas galegas se deixe acesa unha candea nas ventás. Posteriormente, esta tradición emigrou a Estados Unidos  e co paso do tempo esta festa trasnformouse no actual Halloween.

Na escola hoxe vivimos a actividade terrorífica de pasar polo túnel do medo, onde aparecen personaxes terroríficos tales como a bruxa do saltón, a bruxa verde, a bruxa do cadaleito, o esqueleto, o albatros, os  teixugos, as cabazas decoradas, as arañeiras,...

Pasámolo,... de MEDO!

Se premedes na imaxe poderedes gozar da galería de fotografías do día de hoxe.

 Fíxose entrega dos premios da VI Edición do Concurso de Microrrelatos de medo e os maiores da escola deleitaronnos cun concerto de cancións terroríficas con diferentes instrumentos musicais.

 

 

RESOLUCIÓN VI CONCURSO DE MICRORRELATOS DE MEDO E MISTERIO

 Trala deliberación do xurado, os relatos presentados, e os premiados son os que seguen.

Esperamos que gocedes tanto cos relatos coma nós!

 

QUEN VEU HOXE VISITARNOS?

 

DIFERENTES PERO IGUAIS. IDENTIDADE PERSOAL

 Como primeiro traballo de biblioteca creativa, imos traballar coas tablets. Familiciaremonos coa cámara e grabaremos un pequeno video no que falemos de nós mesmos. Buscaremos que os demás nos coñezan un pouquiño máis, descubriremos algún dos nosos talentos e demostraremos que as persoas compartimos características semellantes pero somos tan diversos que non atoparemos a ningunha persoa igual que nós. Somos UNICOS E IRREPETIBLES.

Queredes coñecernos?. Traballar en equipo non foi sinxelo, pero este só é o noso primeiro traballo.

 

QUEN VEU HOXE VISITARNOS?

 

FESTA DO SAMAÍN

 

VI CONCURSO DE MICRORRELATOS DE MEDO

 Lembrade, que este luns día 23 de outono ás 23.59h. remata o prazo de presentación dos microrrelatos.

ANIMÁDEVOS!

QUEN VEU HOXE VISITARNOS?

 Algo acontece na casa de Picolindo. Temos que axudalo a descubrir quen se presentou  cear na súa casa.

Tódolos luns, sairá unha Edición Especial do Xornal do Resío, baixo o título QUEN VEU HOXE  VISITARNOS?. Só tedes que escribir un comentario no Blogue de Picolindo ou no instagram da escola indicando de quen se trata.

Tod@s @s que adiviñen quen se presentou, recibirán pikeuros. Se ademáis entregades un debuxo do animal indicado na biblioteca, obteredes un raña.

 

TRABALLO COLABORATIVO EN FAMILIA: CELEBRAMOS O DÍA DAS ESCRITORAS

 Hoxe, 16 de outono celébrase o DÍA DAS ESCRITORAS. Esta é unha celebración de carácter anual que se convoca dende hai cinco anos, o luns máis próximo á data do 15 de outono, en conmemoración a data do falecemento de Tareixa de Ávila.

Esta conmemoración xorde por iniciativa da Bibliteca Nacional de España, a Asociación Clasicas e Modernas e da FEDEPE ( Federación de mulleres directivas e empresarias) para recuperar o legado das escritoras, visibilizar o seu traballo no ámbito da literatura e combater a discriminación histórica.

A nosa aportación a VIII celebración do Día das escritoras, é grazas ás familias que atenderon á proposta. Grazas a tod@s pola vosa axuda e colaboración.

Esperamos que gocedes co video.

 

CONCURSO DE MICRORRELATOS DE MEDO E MISTERIO

 VI Edición do CONCURSO DE MICRORRELATOS DE MEDO E MISTERIO

Chegando o tempo do outono e como preparación para o Samaín, presentamos a sexta edición do Concurso de Microrrelatos de Medo e Misterio, no que o alumnado e as súas familias teñen a oportunidade de participar e mostrarnos o seu talento narrativo.

 

As diferentes CATEGORÍAS nas que poden participar os vosos relatos son: 

- AUDIO: Poderán presentarse a esta categoría os microrrelatos gravados nun audio. 

Animámosvos a participar nesta categoría! É moi sinxelo: pensa nun bo tema, escribe o guión e grávate! A túa historia publicaráse nos programas de Radio Resío que se emitan durante este outono.

- VÍDEO: Participarán nesta categoría os relatos que fagan un pequeno relato audiovisual en formato Vídeo.

Fai a túa curta! Móstranos o Alfred Hitchcock que levas dentro. 

Fíxate ben nas normas que hai establecidas para ambas as dúas categorías. Que non quede fóra a túa historia por un pequeno despiste!

NORMAS para os relatos: 

1- Estes pavorosos microrrelatos terán que estar elaborados en Lingua Galega. 

2- O tema ten que ser de medo ou de misterio. 

3- Deben de ter unha duración máxima de DOUS MINUTOS. 

4- Poden realizarse nas modalidades de Audio e de Video. 

5- Tedes que envialos por unha destas canles: 

· E mail: juanlf@colexiorocio.com 

· WhatsApp da nosa escola 658715569 

· Traer á escola nun Pen drive 

6- A data límite para entregar os vosos relatos será o LUNS 23 de outubro ás 23:59h. 

 

Os microrrelatos de misterio e medo serán avaliados tendo en conta os seguintes criterios: 

CRITERIOS DE PUNTUACIÓN

-A corrección idiomática 

-Os efectos especiais 

-A participación do alumnado 

-A entonación e interpretación

-A estrutura do relato: inicio, nó, e desenlace. (Non  ten que ser necesariamente nesa orde!)

O martes 31 de outubro teremos a estrea oficial dos microrrelatos finalistas e coñeceremos aos autores  destas terroríficas creacións. 

Haberá uns horribles e monstruosos premios para os finalistas e gañadores das diferentes categorías do concurso. 

Agardamos a vosa participación!!!

 

10 DE OUTONO, DÍA DA SAÚDE MENTAL. RECOMENDACIÓNS LECTORAS

 Hoxe celébrase o Día da Saúde Mental. Dende a escola facemos diferentes recomendacións lectoras. Alumnado do sexto curso de primaria, fai booktrailers recomendando algún deles.

 

 

Ver esta publicación en Instagram

Una publicación compartida por O Rocío Escola (@ceipvirxedorocio)

CELEBRACIÓN DO DÍA DAS ESCRITORAS

 Familias, o vindeiro día 16, celébrase a nivel Nacional o DÍA DAS ESCRITORAS. Un bo punto de partida para traballar e gozar en familia é a seguinte proposta:

Lembrade grabar o video cun texto en galego, facelo en formato vertical e enviar os vídeos ao wasapp da escola 658715569 antes do día 13.

 

BENVID@S AO NOVO CURSO ESCOLAR 2023/2024

 

UN ANO DE BIBLIOTECA NUN CLICK

 

LER NO VERÁN

 

E PARA REMATAR, VIAXE EN BARCO A CANGAS

 

Hoxe tivemos a sorte de ter unha xornada de bo tempo para gozar con tódalas actividades naúticas preparadas. Saímos do peirao de Vigo cara Cangas; unha vez alí, dirixímonos  ao Club Náutico de Rodeira e con Juan e mailos seus compañeiros tivemos a sorte de navegar entre golfiños. Probamos o kayak, as  traíñas, os veleiros, zódiacs, piraguas e big paddle.

Premendo na imaxe, vense todas as fotografías tomadas na actividade. 

Que estupendo xeito de rematar este curso! 

GRADUACIÓNS

 Hoxe foi día de festa e de despedidas, o alumnado de sexto curso de primaria, finaliza a súa etapa na nosa escola. Os nenos e nenas medran non só físicamente, senón que medran como persoas. Este é o momento de iniciar unha nova etapa, a do ensino secundario. Hoxe atópanse algo tristes e nerviosos por ter que deixar atrás tantas cousas... pero outras os están a esperar. Hoxe lembranse de moitas cousas, dos xogos, das saídas, das aprendizaxes, das bágoas e dos sorrisos.

Con moitas máis risas, e non sen nervios, tamén se graduaron os cativos do sexto curso de infantil. Ofreceronnos un baile e a súa profe Olalla, deulles cadanseu diploma. 

O alumnado do sexto curso quixo dedicarnos unhas verbas.

Sabedes que o Resío é a vosa casa, pasade a visitarnos cando queirades!

Con moitas máis risas, e non sen nervios, tamén se graduaron os cativos do sexto curso de infantil. Ofreceronnos un baile e a súa profe Olalla, deulles cadanseu diploma. 

Grazas familias por asistir, xa non lembrabamos como se enche o ximnasio cando facemos estes actos. Por fín, logo de varios cursos cunhas graduacións COVID, puidemos voltar á normalidade.

Se premes na imaxe, podes gozar con tódalas fotografías do evento.

CREAR PERSONAXES DE COMIC EN 3D CON MASA DE MODELAR

 Continuamos a traballar a creación, neste caso de personaxes de Cómic. Non os que todos coñecemos, senón os "nosos". Aproveitamos a actividade para traballar as tres dimensións, o volume, a proporcionalidade. 

Fermosos os traballos creados polo alumnado. Nas seguintes imaxes deixamos unha mostra de  creacións de nenos de 6 ata is 12 anos. Aprecian a diferenza?

 

GRADUACIÓNS 2023

 

 

O vindeiro martes terá  lugar no ximnasio da escola o acto de graduación do alumnado do sexto curso de educación infantil e de sexto curso de primaria. Día moi importante no que se remata unha etapa educativa, os de infantil pasan  a primaria mentras que o alumnado do sexto curso de primaria, deixará de formarse na nosa escola para iniciar unha nova etapa no IES ALEXANDRE BÓVEDA. 

A este acto están convidados os representantes legais do alumnado dos cursos indicados e todos aqueles familiares que queiran gozan dun fermoso acto. Picolindo está axudandolles a preparar esta celebración.