mércores, 27 de decembro de 2017

FESTIVAL DE NADAL: SEGUNDA PARTE

O alumnado do quinto curso de primaria, axudados polo seu titor Juan, indagaron sobre a orixe do nome das terras nas que se atopa a nosa escola e nos "ensinan" nesta preciosa obra de teatro, a orixe do topónimo.




O alumnado do cuarto curso realizou un exercicio de percusión corporal, 

ACTUACIÓNS NADAL 2017. PRIMEIRA PARTE DO FESTIVAL

Como cada curso escolar, o noso alumnado agasalla ás familias cunha pequena actuación de Nadal. Como son en directo, as veces aparece o medo escénico, pois enfrontarse ao público é cousa de expertos,, por iso, no transcurso  do festival acontecen imprevistos, caída de decorados, esquecemento de textos, ... pero como non, todo resulta estupendo!
Comezamos polos máis cativos, o alumnado de 4º de educación infantil,


 Agora 5º de educación infantil,


 
e finalmente, os maiores da etapa, sexto de educación infantil. 




Primeiro curso de Educación Primaria,


Segundo curso de Educación Primaria,

martes, 26 de decembro de 2017

FESTIVAL DE NADAL

Esperamos que o disfrutárades tanto coma nós. Un bo xeito de finalizar o primeiro trimestre, un Festival de Nadal, no que en equipo acádanse grandes resultados. Deixamos as imaxes nos seguintes enlaces.
https://photos.app.goo.gl/m2Rd3Zc2zTk5Y5Fa2
PREME NA IMAXE E PODERÁS GOZAR DAS FOTOS DA CARTEIRA REAL


https://photos.app.goo.gl/RQDTYI8aEXx54ZL22


PREME NA IMAXE E GOZARÁS DAS IMAXES


https://photos.app.goo.gl/QNlxW83HWldazfRu1

mércores, 20 de decembro de 2017

DEBUXANDO O NADAL

O alumnado da escola, debuxa o Nadal. Os debuxos serven para elaborar a postal de Nadal que se entrega ás familias. O profesorado fai unha preselección e o alumnado vota os debuxos que máis lle gustan. Este curso, esta é a nosa postal: 
O CEIP VIRXE DO ROCÍO 
QUERE DESEXARVOS 
UN BO NADAL
 E 
UN VENTUROSO ANINOVO 
2018 

OS DEBUXOS FENOMENAIS DO NOSO ALUMNADO



UN AGASALLO DE NADAL

venres, 15 de decembro de 2017

COOPERAR E LEMBRAR


No CEIP do Rocío levamos a cooperación a tódolos eidos da vida escolar e por iso a decoración do Nadal foi feita por todos os membros da comunidade escolar; como?
Lembrando o traballo das mulleres galegas que logo de atender horta e animais, dedicaban tempo aos labores do fogar entre os que se atopan todos aqueles que teñen que ver co vestido: tecer, calcetar ou facer labor de gancho.

Así pois toda a comunidade educativa participou na confección dunha fermosa árbore feita de pezas de la confeccionadas a calceta ou labor de gancho.

O resultado é espectacular

xoves, 30 de novembro de 2017

CROSS ESCOLAR ZAMÁNS NOVEMBRO 2017

No día de hoxe, o alumnado de segundo, terceiro, cuarto, quinto e sexto curso de primaria participaron nun CROSS ESCOLAR, organizado pola DEPUTACIÓN DE PONTEVEDRA. O noso alumnado gozou dun día de deporte xunto con outras escolas da contorna. Estupenda iniciativa que permite achegar aos máis cativos ao mundo da competición.
SODES UNS CAMPIÓNS!
SE PREMES NA IMAXE PODERÁS VER E DESCARGAR FOTOS DO CROSS ESCOLAR

mércores, 29 de novembro de 2017

@S BOOKTUBERS, UNHA NOVA SECCIÓN DA NOSA BIBLIOTECA

Hoxe queremos darvos a coñecer unha nova sección da nosa bibiloteca, OS BOOKTUBERS. Sabemos que sodes moitos os que dedicades moito tempo a ler e seguro que nalgún momento, non sabedes cal escoller ou dubidades sobre un libro ou outro. Pensamos que ninguén mellor que vós para poder indicar a outros nenos e nenas cales son os libros mais populares e que vos fixeron pasar momentos máxicos.

Por iso, o primeiro luns de cada mes, podes achegarte a biblioteca da escola no recreo e recomendar algún libro que pensas que non podemos pasar de lelo.

Se te atreves a participar e converterte nun booktuber, tes que estar na porta da biblioteca os 5 primeiros minutos do recreo, logo pechamos as portas e ninguén pode pasar. É tempo para gravar en vídeo as vosas recomendacións.

Hoxe presentamos o primeiro vídeo do mes de novembro. 

O vindeiro luns 4 de decembro volveremos a xuntarnos para gravar mais recomendacións. Achégate a biblioteca e ven contarnos a túa lectura recomendada!!

luns, 27 de novembro de 2017

OBRADOIRO DE GANCHO E CALCETA

O pasado venres día 24, varias familias acompañadas dos seus fillos e fillas, formaron parte do obradoiro de calceta e gancho. Aceptando a proposta de Picolindo, e grazas á colaboración de dúas nais da escola, levouse a cabo unha xornada chea de charlas, sorrisos, e como non, de habilidades manuais. Nos próximos días, gozaremos da nosa árbore colaborativa. 
GRAZAS A TODOS E TODAS POLA VOSA COLABORACIÓN,
 se non fósemos quen de traballar en grupo non o acadaríamos!
Unha mostra do moito que se traballou...
 



DÍA MUNDIAL CONTRA A VIOLENCIA DE XÉNERO



TIRA DE LUIS DAVILA DO FARO DE VIGO

O pasado mércores, o alumnado de quinto e sexto curso de primaria tiveron unha charla informativa na sala de usos múltiples da escola para conmemorar o Día Mundial contra a violencia de xénero. Esta charla impartiuna a Policía Nacional dentro do PLAN DIRECTOR PARA A CONVIVENCIA E A MELLORA  DA SEGURIDADE DOS CENTROS EDUCATIVOS E A SÚA CONTORNA.
GRAZAS! 

mércores, 22 de novembro de 2017

OBRADOIRO DE CALCETA E DE GANCHO

Colle o teu nobelo de cor VERDE!
Gancho...


Resultado de imagen de agujas de ganchillo
Agullas...
Resultado de imagen de agujas de calcetar
É anímate!
VENRES 24, ÁS 16.00
  AULA TIC DA ESCOLA
Haberá obradoiro de gancho e en paralelo un de calceta. Entre todos acadaremos unha gran árbore de Nadal.



luns, 20 de novembro de 2017

PREPARANDO O NADAL

Este ano queremos saltar ao baleiro en relación á decoración de Nadal; pero non queremos saltar sós, queremos que o fagades con nós.

Queremos visibilizar  un traballo que as mulleres galegas facían logo de atender a eira e a capoeira: tecer.
É por iso que pretendemos facer unha árbore de Nadal e os seus adobíos, de calceta ou labor de gancho, para o que precisamos que fagades un triángulo duns 30cm de base, con calquera das técnicas, e de la de cor verde (calquera verde).
Aproveitade restos que teñades pola casa.


Doutra banda, se nalgunha familia hai expertos no tema que estean dispostos a aprender aos demais e facer un obradoiro de calceta, agradeceríamos  se puxeran en contacto co centro para mirar de organizalo.

Cooperando co cole, demostraredes aos vosos fillos, que ese empeño que temos en traballar de xeito cooperativo, non é unha tolería dos mestres.
Grazas  por adiantado, porque sabemos que colaboraredes, coma sempre.

domingo, 19 de novembro de 2017

A FESTA DO MAGOSTO

Unha celebración con moito arraigamento na nosa terra: O MAGOSTO.
Excelente a actitude das familias que achegaaron o seu entusiasmo e bo facer nos obradoiros.
O primeiro obradoiro, ataniscado de castañas na sala de mestres. As familias revisaron as castañas que trouxeron os nenos e nenas da súa casa e amosegaron os 25 kg. de castañas doados pola Anpa.
Logo, preparación do espazo para o asado. Houbo que trasladar os asadores, a leña e preparar a zona para evitar riscos co alumnado.
O seguinte obradoiro consistiu nun traballo de pintura e o último foi, converterse en verdadeiros castañeiros e castañeiras.
Sen esquecer o APOIO dado nos distintos obradoiros nos que participaron os nenos e nenas.
Estupendo o voso traballo! Grazas por colaborar cos mestres e cos alumn@s e facer posible esta actividade!
 
https://photos.app.goo.gl/eTy0JBVMMVkCldU72
SE PREMES NA IMAXE PODERÁS VER E DESCARGAR FOTOS DO MAGOSTO
 Logo foi a quenda dos nosos alumnos, que organizados en grupos cooperativos desenvolveron diversos obradoiros. Se queres ver como o pasaron, preme na imaxe de abaixo.

https://photos.app.goo.gl/byDSoziss8tudwIg2
MÁIS FOTOS DO MAGOSTO


"A horta en outono mantén o seu dono"

 "Polo San Martiño vai ver o teu soutiño"
 "A horta do San Martiño ten para el e mais para o veciño".

xoves, 9 de novembro de 2017

MAGOSTO 2017

TEMOS TODO PREPARADO!
Mañá, venres día 10 de novembro, celebraremos a festa do MAGOSTO, coa colaboración das familias.
O alumnado está a traer unha manchea de castañas ataniscadas e leña, que xunto coa grande achega da ANPA, facilitará a organización da festa.
De nove a once, o alumnado estará cos seus titores nas aulas, levando a cabo actividades didácticas relacionadas con esta celebración. Logo do tempo de lecer, están programados os obradoiros da RECOLLEITA DAS CASTAÑAS
 O alumnado en grupos colaborativos de distintas idades realizarán catro obradoiros simultáneos:


Preme na imaxe
  • CARREIRAS DE SACOS
  • PEÓNS
  • TIRO DE CORDA
  • REMUDA DE CASTAÑAS
  • BILLARDA
  • RAP DO MAGOSTO
  • ZANCOS
  • GOLF-CASTAÑA
  • PESCAR BOTELLAS
  • CIRCUÍTO DE CASTAÑAS
  • TRAGACASTAÑAS
  • DEBUXAR O MAGOSTO 



Todas estas actividades acompañados pola nosa castañeira e na compaña dos pais/nais/colaboradores nas tarefas de ataniscado, obradoiros e asador.

Ás 13h. as portas da escola estarán abertas para as familias que queiran participar do Magosto da escola.
 

mércores, 8 de novembro de 2017

NA ESCOLA TEMOS UNHA VISITA

Hoxe, chegadas ás dúas da tarde, os nenos e nenas de primaria tiñan a unha persoa esperando a saudalos.
Sabedes quen é?

luns, 6 de novembro de 2017

OS ESCONXUROS DO SAMAÍN

Chegado o Samaín, os conxuros comezan a saír. 
Comezamos con Sandra, alumna do quinto curso de primaria. 

¡ANIMÁDEVOS! 


mércores, 1 de novembro de 2017

GOZAMOS COAS IMAXES DO SAMAÍN



O CONCERTO DE SAMAÍN

O alumnado do quinto e sexto curso de primaria, dan un concerto para o resto da escola.
DANZA MACABRA

XA NON HAI MISTERIO, QUEREDES COMPROBAR O QUE HABÍA TRALA PORTA?

Bruxas,
 magos,
 caveiras
esqueletos,
vampiros
 mortos vivintes, ...
Se  pasar pola escola daba medo...
AGORA...MÁIS

Se queres descargar as nosas fotos, fai click na imaxe:
https://photos.app.goo.gl/CDrlpSM4laTdcFf42




martes, 31 de outubro de 2017

O MISTERIO CHEGA Á PORTA DA ESCOLA

Que acontece?
 Como podemos entrar?


 Haberá unha porta secreta? 

 Que nos agarda dentro?

O MISTERIO RESOLVERASE... MAÑÁ
PERO,...
SEGURO QUE ATOPAMOS A NOSA AMIGA...
  
A BRUXA 

PORQUE ESTAMOS NO TEMPO DO...
SAMAÍN

 

venres, 27 de outubro de 2017

MONICREQUES NA ESCOLA

O alumnado do cuarto curso de Educación Primaria, coa axuda da profe Cris, preparou unha obra de monicreques para conmemorar o Día da Biblioteca. Representaron para os máis cativos da escola.
Noraboa, bo traballo!


martes, 24 de outubro de 2017

A BIBLIOTECA ESTÁ DE ANIVERSARIO

Hoxe, 24 de outubro celébrase o día da biblioteca escolar, polo que na escola celebramos o seu aniversario. Este é un día importante posto que as mochilas viaxeiras volven comezar a súa aventura de casa en casa. Picolindo, a nosa mascota, as levou ás aulas e presentoulle aos cativos os seus contidos. Aos novos alumnos, fíxolles entrega do seu carnet de usuario, e as normas de uso.
Cos maiores da escola, Picolindo coa colaboración  da profe Cris e os nenos e nenas de sexto, prepararon un teatrillo para explicar dun xeito moi sinxelo o funcionamento da CDU.




Dende a Consellería, este ano decidiron que o cartel que fai visible a tarefa das bibliotecas escolares fora a de Xosé Tomás, que é o ilustrador elexido para representar o lema Aprender a pensar coa biblioteca escolar.



 Agora unha pequena curta dos libros,



FELIZ DÍA DA BIBLIOTECA!!

luns, 16 de outubro de 2017

LUME NOS MONTES, NUNCA MÁIS!

INVÁDENOS A CARRAXE DESPOIS DO 15/10/2017
HOXE NON TEMOS VERBAS. 
UN ACTO PARA DICIR:




LUME NOS MONTES, NUNCA MÁIS!
ILUSTRAMOS O NOSO SENTIR,
A NOSA TRISTURA,
 A NOSA DECEPCIÓN,
O NOSO MEDO,
A CORAXE DA XENTE,
O FUME,
...

 NON QUEREMOS VOLVER  VIVIR ESTA EXPERIENCIA!

Lucía Pérez - Adiós ríos, adiós fontes

Tracklist del disco "Volar por los tejados"


AS NOVAS DO LUME
 

luns, 9 de outubro de 2017

A VOZ DO RESÍO

Quenda do alumnado do segundo curso de primaria. A nova é moi importante para a nosa comunidade educativa, polo que Uxía e Inés, redactoras do xornal, informannos do que segue:
Estamos de noraboa!

mércores, 4 de outubro de 2017

OS NOVOS ALUMNOS E ALUMNAS COÑECERÁN A PICOLINDO

 24 de outubro: Día da Biblioteca. 

Desde hai algúns anos, concretamente dende o 2008, a Consellería de Educación vén editando, a comezos de cada curso escolar un cartel co que se pretende facer visibles as bibliotecas das escolas.

O lema do presente curso é:

  A biblioteca escolar, unha chave para o pasado, o presente e o futuro.

E como sempre, Picolindo, a nosa mascota, aproveitará para facerse ver nas aulas dos máis cativos e os sorprenderá co seu agasallo, o carnet de usuario da biblioteca escolar.

Que sorte!



martes, 26 de setembro de 2017

A NOSA BIBLIOTECA

Iniciado o presente curso escolar 2017/2018, e logo duns días de traballo, a biblioteca da escola está xa case lista para botar a andar. 
  A pasada semana tivo lugar o MERCADO DE LIBROS USADOS E DE OCASIÓN, na que o alumnado adquiriu libros cos PIKEUROS acadados con moito esforzo o pasado curso. 


Esta semana xa está aberta na xornada matinal é a partir do luns día 2 de outubro, de 16 a 18h, comezarán os préstamos ás familias. Podedes pasar  pasar e acompañar aos vosos  fillos na súa aventura do saber, e por qué non tamén na vosa aventura do saber.
Temos ademáis un rechuncho de lectura para as familias 
NON PODES PASAR DE LELO.
ANIMÁDEVOS!

luns, 25 de setembro de 2017

PICOLINDO PRESENTANOS AOS SEUS NOVOS AMIGOS.

Picolindo, a mascota da nosa biblioteca, quere presentarnos a uns amigos, que xa levan días nas aulas da escola. Estes catro amiguiños acompañarannos e guiarannos ao longo do tempo para que sexamos quen de levar a cabo a difícil tarefa de traballar cooperativamente.
O debuxante vigués, Jacobo Fernández Serrano, concedeunos a honra de debuxar para nós os distintos roles da aprendizaxe cooperativa con personaxes das súas bandas deseñadas:
    • PORTAVOZ
    • SECRETARIO
    • AXUDANTE
    • COORDINADOR
 Dende o pasado curso escolar,   a Aprendizaxe Cooperativa integrouse nas aulas do Rocío, chegando a converterse nun recurso imprescindible para as mestras e mestres. A finais do curso 2015/2016 decidimos participar nun proxecto de formación en centros para a implantación da Aprendizaxe Cooperativa nas aulas, porque nos parecía un instrumento ideal para  lograr a inclusión e a cohesión social, e  permitíanos o desenvolvemento de estratexias de atención á diversidade na aula, facilitando o desenvolvemento das competencias básicas no alumnado. O profesorado pensa que os contidos traballados con esta metodoloxía afianzanse máis.
 En resumo podemos decir que nas aulas  do Rocío,  o traballo cooperativo forma parte das dinámicas das aulas o que permite acadar unha aprendizaxe eficaz, respectando as individualidades e os distintos ritmos de desenvolvemento e aprendizaxe. O traballo desenvólvese en grupos pequenos de alumn@s heteroxéneos para lograr obxectivos comúns de aprendizaxe. Deste xeito lograremos que os nosos alumnos sexan  persoas capaces de cooperar e de establecer boas relacións humanas.