FESTIVAL DE NADAL

 

FESTIVAL DE NADAL

 

O RESÍO ARRECENDE A NADAL

Na Escola do Resío xa arrecende a Nadal. Nestas datas tan especiais para as familias, o centro énchese de vida, ilusión e cor, converténdose nun espazo no que aprender tamén significa convivir, crear e desfrutar xuntos.

Como vén sendo tradición, aulas e corredores vístense para a ocasión:

•  os vidros pintados, unha das actividades plásticas máis agardadas polo alumnado, 
  
  
  
  
  
  
  
  
  
•  as aulas decoradas con esmero,
•  os corredores ambientados e,
• un hall de entrada que destaca polo seu carácter acolledor e creativo, froito do traballo conxunto de toda a comunidade educativa. 
  
  
  
  
  
  
  
  
  
  

Se na nosa cidade as rúas brillan con millóns de luces, na nosa escola son as oliveiras as que nos reciben cheas de luz. Ao acceder ao centro, atopámonos cunha gran árbore temática de Nadal, símbolo dun Nadal “feito a man”, construído con ilusión e colaboración entre alumnado, profesorado e familias. 

Queremos agradecer especialmente a estas últimas a súa implicación, achegando unha gran variedade de adobíos elaborados en familia con materiais naturais.

Xunto á árbore, cobran protagonismo outros elementos singulares: o Apalpador, figura destacada do Nadal galego; a cheminea, a grande estrela construída con cabaletes de madeira e a casiña do Nadal, que esperta a curiosidade de grandes e pequenos.

 

Durante estes días tamén traballamos valores fundamentais. O alumnado escribiu cartas de desexos non materiais e deseñou a postal de Nadal coa que o centro felicitará as festas ás familias. Tras unha preselección, os propios nenos e nenas participaron nun proceso democrático de votación para elixir os debuxos de cada ciclo que conforman a postal deste ano. 

 

OBRADOIRO DE XOGOS EN FAMILIA

 

CALENDARIO DE NADAL UN PEQUENO AGASALLO

 

FESTIVAL MÁXICO DE NADAL

 Non hai mellor agasallo para as familias que as actuacións dos seus fillos e fillas. Hoxe foi un día marabilloso no que puidemos gozar dun gran espectáculo artístico.

Comezou o día coa visita ao Paxe Real. Tódolos cursos pasaron polo recibidor e pediron os seus desexos de Nadal.

Se premes na seguinte ligazón podes acceder ás imaxes do evento. 

 

 

6ºB

 

 

 

6A

 

5ºEP

4º EP

3º EP

2º EP

1º EP

6º EI

5º EI

4º EI

 Logo desenvolveronse as distintas actuacións que poderedes gozar de novo na seguinte presentación. Un gran traballo o desenvolvido nas aulas polo que se mereceron todos un chocolate con churros ofrecido pola ANPA da escola.

Finalizado o festival, a rapazada gozou dun merecido tempo de lecer e finalizamos a mañá coas tradicionais Badaladas de Nadal. Para poder desenvolvelas temos que agradecer novamente á ANPA que mercou as uvas e colaborou en preparar todos os vasos coas uvas para que a rapazada desfrutara deste acto.

Agora é tempo de descanso e familia. Vémonos o 8 de xaneiro, xa no 2025!

Grazas a tódalas familias pola súa axuda e colaboración!

 

LUZ NEGRA POLO NADAL

Hoxe, na aula de música aconteceu algo moi especial que deixou abraiada á rapazada.

A maxia do Nadal fixo posible esta experiencia inolvidable.

 

FESTIVAL DE NADAL

 

 

ACTIVIDADE INTERCENTROS: O NADAL DE SHREK

 Felicitar aos organizadores desta actividadeintercentros onde o alumnado de primeiro e bacharelato de Artees nos ofreceu a obra de teatro "O Nadal de Shrek". O noso alumnado e profesorado quedou encantado coa experiencia

Esperamos poder ter máis actividades colaborativas co IES ALEXANDRE BÓVEDA, instituto ao que estamos adscritos. 

 

AGASALLO DE REIS, OS VIDEOS DO FESTIVAL DE NADAL

CALENDARIO ANO 2024. AGASALLO DE NADAL

 

POSTAL DE NADAL

 

DECORAMOS A PÉRGOLA DE BOUZAS. COLABORAMOS COA ASOCIACIÓN CULTURAL VILA DE BOUZAS

 

Hoxe, e segundo o acordado coa Asociación Cultural Vila de Bouzas, o alumnado de Infantil, primeiro e segundo curso de Primaria fixemos unha saída ao noso barrio de Bouzas.  Estivemos decorando a pérgola cos adornos feitos por nós. Tamén fixemos un percorrido polo barrio e miramos as fermosas decoracións do Nadal das casas.