LETRAS GALEGAS 2014

Este martes día 20, celebramos na escola o Día das Letras Galegas, que este ano dedicábase a Xose María Díaz Castro. Como xa ven sendo costume, elaborouse un álbum de cromos coa vida e obra do autor. Esta actividade segue a ser un éxito entre os maiores.Comprobade como a gozaron.


BAILE DAS FITAS.

OS MAIOS 2014

 

 A festa dos Maios, tamén coñecida simplemente como os Maios, é unha festa popular de orixes ancestrais. Esta celebración da primavera celebrase habitualmente o 1 de maio.
CANTIGA AO MAIO:

REVISTA ESCOLAR ORBALLO. ANO 2014. SUXESTIÓNS TURÍSTICAS.

Dentro do proxecto GALICIA 3 6 5, e grazas á colaboración das familias, conseguimos ter unha revista escolar dixital que nos permitirá coñecer algúns dos lugares máis bonitos da nosa terra.

Aproveitade este tempo vacacional e...

 coñecede a nosa terra!.

ÚLTIMA XORNADA DE EXPERTOS NA GASTRONOMÍA GALEGA.

CUARTA XORNADA: OS NENOS DE CATRO ANOS CONTAN TODO O QUE INVESTIGARON SOBRE O PORCO CELTA.

 Chegou o turno dos nenos e nenas do quinto curso de educación infantil, que con so catro anos explicanlles a todos os nenos e nenas da escola todo o que investigaron sobre o porco celta.. Unha conferencia do máis interesante.

Noraboa, rapaces!

 

O noso porco celta from macusanbla
 

TERCEIRA XORNADA DE EXPERTOS. SEXTO DE PRIMARIA. O CAMIÑO DE SANTIAGO.

O Camiño de Santiago, é unha das máis antigas e principais vías de peregrinación da cristiandade. Desde O descubrimento do sepulcro do Apóstolo Santiago innumerables peregrinos se puxeron en camiño cara a Compostela para venerar as súas reliquias.

Peregrinar é un rito común á inmensa maioría das relixións. Santiago é unha das tres grandes cidades de peregrinación do cristianismo, xunto a Xerusalén e Roma. Cando os cristiáns europeos ven amenazada a súa fe polo avance do Islam afírmanse nela peregrinando ao recén descuberto Sepulcro de Santiago Apóstolo, a partir do século IX. Así crearonse, paso a paso, rutas que conducían a Santiago de Compostela, dando lugar a unha forma de unidade entre os diferentes países e rexións europeos.

O Camiño de Santiago.

Tradicionalmente, o peregrino partía do seu fogar para chegar á "Casa de Santiago", á Catedral, e polo tanto sería difícil establecer todas as rutas de peregrinación.

 Existen distintas rutas para peregrinar a Santiago e sobre esto versou a conferencia dos rapaces de sexto curso, que amenizaron a todos explicándonos cantos camiños hai e como se poden facer.

 

• O Camiño Francés

Ruta máis frecuentada hoxe en día e que entra na Península por Roncesvalles, pasando por Pamplona, Logroño, Burgos, León, Astorga, Ponferrada, entrando en Galicia por O Cebreiro.

• O Camiño do Norte

Bordea a costa cantábrica, pasando por Irún, San Sebastián, Bilbao, Santander, Xixón, Avilés e entrando a Galicia desde Ribadeo.

• O Camiño Primitivo

Parte de Oviedo e conduce ao peregrino hacia Santiago polo interior de Asturias, pasando por Lugo e uníndose no último tramo ao Camiño do Norte e ao Camiño Francés.

• O Camiño Inglés

Así coñecido pola afluencia de peregrinos das illas británicas, que viaxaban por man desembarcando na Coruña ou Ferrol e desprazándose desde alí a pe.

• O Camiño Portugués

Discorre por distintas rutas en Portugal (interior e costa) ata entrar en territorio galego por Tui.

• A Vía da Plata

Procede de Sevilla, Mérida, Zamora e que entra en Galicia por Ourense.

BO TRABALLO, RAPACES!

SEGUNDA XORNADA DE EXPERTOS. EDUCACIÓN INFANTIL 3 ANOS. OS SÍMBOLOS DE GALICIA.

Continuamos coas XORNADAS de EXPERTOS na escola, onde os nen@s de tres anos, continuando co  PROXECTO GALICIA 365

 foron os encargados de explicar os SÍMBOLOS DE GALICIA.

A BANDEIRA, O ESCUDO, O HIMNO e a LINGUA.

 Para aprender máis.

 

 http://centros.edu.xunta.es/ceipopineirino/recursos/galicia/galicia.html

 

COMEZAN AS XORNADAS DE EXPERTOS

Hoxe comezaron as 

XORNADAS de EXPERTOS 

na escola, onde cada curso presenta nunha conferencia, o seu PROXECTO de traballo sobre 

GALICIA 365

Os nen@s de 5 anos foron os encargados de inaugurar estas XORNADAS tan especiais na nosa escola.

O  proxecto centrouse no

CINE EN GALICIA

A súa curiosidade: 

COMO SE FAN AS PELÍCULAS 

DE DEBUXOS ANIMADOS?

Nesta presentación podedes entender a evolución do proxecto

Expertos cine galego from ceipvirxedorocio

A exposición do traballo diante de todo o alumnado da escola é unha experiencia 
ÚNICA.

Expresando as nosas ideas en público,

e superando emocións como a vergoña e o medo escénico...traballamos competencias e adquirimos aprendizaxes funcionais que nos servirán para toda a vida!!
Aprender deste xeito ten moito sentido!!

Mira as imaxes da conferencia e imaxina todas as emocións do momento!!

Pero o momento que TODOS estabamos esperando era a ESTREA da PELÍCULA!!

Unha curtametraxe feita coa técnica de STOP MOTION coa que aprendimos a darlle vida aos  personaxes de plastilina.
Mira como o fixeron...
Elaboramos un GUIÓN e debuxamos un STORYOBOARD

 
Creamos os ESCENARIOS E PERSONAXES

 
 
Gravamos a ANIMACIÓN con fotografías

Así se fixo

 Eliximos a banda sonora, traballamos a dobraxe e a POST-PRODUCIÓN da curtamentraxe con ferramentas tecnolóxicas.

E agora sí!!

Chegou o momento de presentar para todo o público MUNDIAL

"ESTAMOS EN PERIGO"

Esperamos que vos guste e animámosvos a que comentedes e compartades o noso traballo.

DEBUXANDO O ENTROIDO.

APRENDEMOS COUSAS DO ENTROIDO.

ORELLAS DE ENTROIDO

ENTROIDO, GALICIA 3 6 5

O Entroido é unha festa popular que ten a súa orixe como indicación da fin do inverno e o comezo da primavera. 
Os entroidos máis famosos de Galiza son os ourensáns. Laza, Verín e Xinzo ...

O ENTROIDO EN VIGO. 

OS MERDEIROS.

 Os nenos e nenas de sexto de primaria, decidiron representar o entroido vigués a través da figura do MERDEIRO. O merdeiro é un personaxe do entroido vigués de caracter popular. Este personaxe prohibiuse a través dun bando municipal na década dos 20, por ser uns personaxes escatolóxicos. 

Esta figura aparece no Berbés e plasma a rivalidade existente entre a xente do mar e a do campo. Os mariñeiros burlábanse dos agricultores,  que baixaban ao porto na busca de vísceras de peixe e algas para abonar os seus campos. Coa chegada do entroido, os mariñeiros, disfrazados de MERDEIROS, ían polas rúas do Casco Vello tirando tripas de peixe podre e molestando a todas aquelas persoas que paseaban polas mesmas. A figura do Merdeiro reaparece na nosa cidade aló polo ano 2006. O Merdeiro dedícase a berrar, insultar,  correr e brincar polas rúas tentando asustar á xente e golpeala coa súa vasoira.

 

"Os merdeiros, a recuperación", é un documental de Breixo Parcero e Vanessa Rodríguez.

 

AS PANTALLAS DE XINZO .

 Os nenos e nenas de quinto de primaria, decidiron disfrazarse este ano de PANTALLAS. Este é o traxe típico do entroido de Xinzo. As Pantallas levan camisa e pantalón brancos, capa, pañoleta, polainas e zapatos negros. Levan posto un faxín, do que colgan unhas campaíñas.

O elemento principal do disfraz son as vexigas que son golpeadas entre sí.

 
A pantalla, faise dunha soa peza, ten cara de diaño. A parte de arriba adórnase con motivos astrais.

A súa función é vixilar que ninguén pasee polas rúas sen disfrace. A quen "pillen", terá que convidar a unha rolda de viño, de non ser así, será perseguido  e levado en brazos ata o bar máis próximo para pagarlle uns viños ás pantallas. 

A pesares de non levar as vexigas, os nenos e nenas de quinto estaban guapísimos.

O ENTROIDO EN VERÍN.

                      OS CIGARRÓNS.

O CIGARRÓN é o personaxe central do entroido en Verín. O traxe pesa arredor de 25 kg.  Non é sinxelo de levar xa que as chocas pesan moitísimo. A carauta é de madeira e se prolonga cunha especie de mitra de metal cun debuxo dun animal.

O traxe está composto por unha camisa branca, unha garavata e unha chaleco curto  atado con fitas de tres cores.

 Levan unha faixa vermella enrolada á cintura. Enriba da faixa levan colgadas as chocas que polo seu peso  dificultan  o movemento.

Para poder levar este traxe, hai que estar moi en forma e para vestirse fai falla que te axuden outras persoas.

O traxe é moi parecido ao do Peliqueiro.Este curso tivemos a gran sorte de contar con catro cigarróns de verdade, pois o pai de Tristán, alumno do segundo curso de Educación Primaria, viu á escola acompañado polo seu irmá, e dous amigos e completaron o noso pasarrúas. Grazas, grazas e grazas. Contamos convosco o vindeiro curso.

Xunto a eles, os nenos e nenas do cuarto curso, desfilaron cos seus marabillosos traxes. Metros e metros de goma azulona utilizaron para facer os volantes, latas e latas de bebidas refrescantes, para convertilas en chocas, e... moita ilusión para facer un disfrace que deleitou a pais, nais e veciños de Bouzas.

Nesta diapositiva podedes comprobar se é certo o que vos conto.

 

 O ENTROIDO NA ALDEA DE BUXÁN. 

O BOLO (OURENSE).

Nos puchos, dos nenos de terceiro,  vese a decoración feita cunhas bonecas e fitas de varias cores. É a  típica máscara de Buxán. Estas máscaras chaman moito a atención, polo  pucho adornado con papeis de cores e fitas brillantes. 

Levan camisa branca e gravata.

Cúbrense cun mantón.

O pantalón tamén é vistoso.

Nas mans levan luvas e nunha delas unha caxata ou espada,  na outra levan un saquiño de fariña. As botas son negras con polainas.

 A máscara é moi bonita como se pode ver nestas fotografías. É ademais rechamante e orixinal.

 

OS LABARDEIROS

NO ENTROIDO

 DE MUGARES, (TOÉN)

  

Labardeiros é o disfrace elixido pola aula de primeiro de educación primaria.

Os traxes son moi vistosos. Os labardeiros van vestidos de branco e na súa camisa e nos pantalóns levan como adorno flores de cores variadas.

 O pantalón vai ata debaixo do xeonllo adobiado de cores variadas. 

A faciana  lévana tapada cunha tea en forma de rede.

Levan posto un pucho con flores e fitas de cores. 

O pasado venres enchemos de cor as rúas de Bouzas. Nas imaxes podedes gozar  co noso pasarrúas.

 

O ENTROIDO DE SARREAUS, 

 OS VERGALLEIROS

O Vergalleiro é o disfrace típico de Sarreaus. O traxe vai composto dunha camisa branca , un pantalón branco con tres fitas entrelazadas en cor verde, negra e vermella. Ademais leva un chaleco de feltro negro e polainas tamén negras con pompóns en vermello que van dende os xeonllos ata os pés. Tamén levan unha faixa de cor vermella con pompóns negros nos extremos. Levan na faixa unhas chocas que lles fan facer ruído alá por onde vaían.
A súa cara é sorrinte. 
Os nenos e nenas de segundo de primaria disfrazaronse destes personaxes. No  pasarrúas  chamaron a atención dos viandantes.

Grazas familias!! 

Sen vós non sería posible que todo fose tan perfecto. 

Grazas familias por acompañarnos no pasarúas por Bouzas!! 

Grazas por participar connosco e trasmitir a toda as persoas da nosa contorna a importancia das nosas festas!! 

Grazas por gozar cos vosos fillos desta festa tan tradicional!

 Viva o ENTROIDO!!

UN BOSQUE ANIMADO CHEO DE PORCOS CELTAS E XOANIÑAS.

Seguindo a temática anual de GALICIA 3 6 5 , os nenos e nenas de EDUCACIÓN INFANTIL, converteronse nun BOSQUE ANIMADO cheo de PORCOS CELTAS e de XOANIÑAS.

O bosque animado é unha película de animación estreada en 2001.Baseada na novela de Wenceslao Fernández Flórez, foi a primeira película de animación 3-D realizada en Europa. Supuxo un grande éxito do audiovisual galego.

Este bosque cheo de carballos, foi o tema elixido polos nenos e nenas de cinco anos.

Os de catro anos son os porcos celtas.

UNHA PRECIOSA MANDA DE PORCOS CELTAS. on PhotoPeach

E os máis cativos, os nenos e nenas de tres anos, son as xoaniñas deste bosque tan fermoso. 

GALICIA 3 6 5

Estimadas familias, como sabedes este curso escolar estamos a traballar GALICIA 3 6 5. Grazas pola vosa participación na exposición de maquetas. Sen o voso traballo isto non sería posible. 

En breve, pedirémosvos a vosa colaboración para facer un traballo moi bonito que se chamará

 DONA GALIZA. 

Quen será Dona Galiza?

Como será?

O curso pasado coñecimos o noso barrio, Bouzas. Finalizado o curso escolar, fixemos unha guía do barrio onde está a nosa escola. Lembradevos? Quedara así de chula.

AGASALLO DE NADAL: CALENDARIO 2014

Como vai sendo tradición na escola, polo Nadal agasallamos as familias cun calendario temático. Este ano o tema é GALICIA 365, polo que ao longo dos meses traballamos Os símbolos de Galicia, a gastronomía, a música, o cine, os deportes, a natureza, o Camiño e a Catedral de Santiago, a vendima, a industria, o porco celta, monumentos importantes,...

 

OS NEN@S DE CINCO ANOS TRABALLAN O OUTONO PINTANDO CON Giuseppe Arcimboldo.

Arcimboldo foi un pintor italiano que creou orixinais cadros e retratos nos que empregaba elementos recollidos da natureza tales como froitas, verduras, flores e legumes.
A actividade xorde como un PROXECTO dentro do Plan Anual de Centro GALICIA 365. Na nosa terra no outono temos moitas festas que ensalzan elementos da natureza, polo que este pintor permítenos traballar moitas facetas do mesmo. 
Coñecimos a orixe deste pintor, onde naceu, cando,.. e logo propuxemonos imitar o xeito de pintar deste gran artista,  coa obra "El Otoño".

Pois mans á obra. O primeiro que fixemos foi fixarnos a posición do corpo no retrato. Non é un retrato de fronte, senón de perfil. Sacámonos fotos no corredor da escola e unha vez impresas as nosas fotografías,  comezamos a debuxar cabazas, laranxas, mazás, uvas, castañas, noces,.. Non  foi  unha tarea sinxela, pero... despois de moitas sesións de traballo o acadamos  elaborar o noso propio cadro, imitando a Arcimboldo.

Papis e mamis, contade as follas que están arredor do cadro. Son moitas?, son poucas?, pois tivemos que, entre todos; colorealas e recortalas. Non foi nada sinxelo, pois aínda nos custa moito utilizar as tesoiras. A profe Ángela, díxonos que na casa podemos recortar, pero que temos que coller ben as tesoiras, non serve collelas de calquera xeito. Debemos facelo como ela nos explicou, queredes que volo conte? .
Esperamos que gocedes co noso traballo, nos estamos moi satisfeitos. Estamos contentísimos co noso traballo e quedounos unha exposición fermosa. Dentro duns días, cando chegue o tempo de Nadal, levaremos o traballo para casa e entre todos, buscaremos a parede máis axeitada para colgar a MIÑA OBRA DE ARTE.



 Aproveitamos para traballar, a poesía "El retrato del emperador".

Con frutas, verduras y flores

pintaba Arcimboldo emperadores.

No necesitaba mirar al modelo,

prefería un buen frutero.

Con peras y manzanas

iba haciendo las caras.

Para la frente despejada

una flor bastaba.

Las mejillas sonrosadas

salían con dos manzanas.

Con una pera hacía la nariz

y para la oreja una mazorca de maíz.

Ojos, párpados y cejas

con espigas, guisantes y frambuesas.

Con dos pepinillos

hacía los bigotillos.

Manzanas, ramilletes y castañas

le ponían barbas bien extrañas.

Para el pelo y las melenas

espigas y uvas por docenas.

Aunue parezca mentira el cuello y la garganta

con cebollas, pepinos y nabos no se atragantan.

Sin camisa el pecho

con una calabaza está hecho.

La capa de flores, alcachofa y espigas

es una capa que da mofa y no abriga.

Pero el retrato está hecho,

no parece contrahecho

y Arcimboldo queda satisfecho.

Poesía sacada do libro "Cada cuadro con su cuento"Ed. Anaya.

 

UN OUTONO DE CORES.

VERMELLO,

AMARELO,

LARANXA,

VERDE,

MARRÓN

Nenos e nenas, colleron os pinceis,

pecharon os ollos

e ...
coa  IMAXINACIÓN

isto é o que fixeron.

 

Temos uns  artistas!

PONLLE AS PILAS AO TEU BOCATA. CONSERVAS DO MAR.

No día de onte, tódolos nenos e nenas de Educación Primaria desenvolveron na escola uns obradoiros para o Fomento do consumo de Conservas de Produtos do Mar. Esta actividade está dentro dun dos PLAN PROXECTA, en concreto do ALIMENTA-T BEN, solicitados pola nosa escola.

 

Tentouse explicar aos nosos alumnos a importancia dunha alimentación adecuada, unha alimentación completa e variada para que lles achegue a enerxía necesaria para ir á escola, estudar, facer deporte, xogar,...

Os produtos de mar son uns alimentos ricos en proteínas, materia graxa, vitaminas e sales minerais, e constitúen un dos máis importantes recursos alimenticios.

Tratouse de demostrar aos vosos fillos e fillas que as conservas son unha forma sa e cómoda de gozar dos produtos do mar; podemos saborealos sempre que nos apeteza.

.