GALICIA 3 6 5

Estimadas familias, como sabedes este curso escolar estamos a traballar GALICIA 3 6 5. Grazas pola vosa participación na exposición de maquetas. Sen o voso traballo isto non sería posible. 

En breve, pedirémosvos a vosa colaboración para facer un traballo moi bonito que se chamará

 DONA GALIZA. 

Quen será Dona Galiza?

Como será?

O curso pasado coñecimos o noso barrio, Bouzas. Finalizado o curso escolar, fixemos unha guía do barrio onde está a nosa escola. Lembradevos? Quedara así de chula.

CONFERENCIA DA PROFE MARICRUZ,PARA TOD@S,EN BOUZAS.

GRAZAS AO ATENEO-VILA DE BOUZAS,POLA DIFUSIÓN DO NOSO TRABALLO E POLO ACHEGAMENTO DA CULTURA AOS BOUCENSES.

ESTADES TOD@S CONVIDAD@S!

VISITA AO MUSEO DO MAR DE VIGO.

OS NEN@S DE 4º DE ED. INF.FIXEMOS UNHA EMOCIONANTE VISITA AO MUSEO DO MAR DE VIGO .SE QUEREDES MIRAR O QUE APRENDIMOS E O SEU FERMOSO ACUARIO,PREMEDE NA FOTO DESTES VERDADEIROS MARIÑEIROS.

ADEMÁIS VISITAMOS UN POBOADO OESTRYMNIO QUE ESTÁ TAMÉN SITUADO ALÍ.

XA SABEDES QUE NÓS SOMOS EXPERTOS EN"OS PRIMEIROS HABITANTES DE BOUZAS",SE QUEREDES MIRAR A NOSA CONFERENCIA E APRENDER CÓMO XURDÍU O NOSO BARRIO "BOUZAS",PREMEDE NA FOTO QUE NOS FIXEMOS NO POBOADO.

FOI ESPECTACULAR!

NON PUIDEMOS TER MELLOR COLOFÓN  PARA O NOSO PROXECTO DE AULA

E PARA O PROXECTO DE CENTRO"BOUZAS".

COÑECENDO BOUZAS: TERCEIRA SEMANA. OS SERVIZOS DE BOUZAS.

Como todo o bo remata, chega a terceira e definitiva semana do xogo de coñecemento do barrio da nosa escola. Animádevos!!!!.

O ECO DO ROCÍO.

Con esta actividade os nenos e nenas traballaron o xornal, sobre todo,  dúas seccións moi relacionadas cos proxectos que se están a levar a cabo na escola: Bouzas e 12 meses 12 paisaxes. Neste traballo a colaboración das familias foi fundamental.

Grazas.

EN ABRIL, LIBROS MIL.

Benqueridas famillias, o mes que hoxe remata, ABRIL, é o mes dos libros e como  noutros cursos, neste período do ano temos un maior número de actividades ao redor do LIBRO e o seu mundo. Entre outras cousas...

• Concurso de creación e ilustración de LENDAS DE AMOR.

• Visita da autora e ilustradora VIOLETA MONREAL.

   

• Recitación e agasallo de poesías entre os membros da comunidade escolar.

• 4º Concurso de deseño dun Autocolante no que o lema foi ." DÍA DO LIBRO 2013" encadrado en BOUZAS. 

  Actividade de madriñas e padriños lectores e lectoras. Os nenos maiores len un conto aos máis cativos da escola.

• Visita do contacontos profesional IGNACIO VILARIÑO. 

   

• Visita do autor de poesía, narrativa e xornalismo FRAN ALONSO, posuidor de diversos premios literarios coma a distinción do White Ravens de " A casa de luna", o Premio Neira Vilas ao mellor libro do ano "A araña e máis eu", o premio Rañolas de poesía ao seu libro "Cidades" e tantos outros...

   

   

  
  

• Visita de ANXO FARIÑA , ilustrador, escritor e deseñador de libros infantís e xuvenís, posuidor do Premio Merlín 2011 pola súa novela "A chave da Atlántida", autor, entre outras obras da afamada serie dos Megatoxos.

   

E como abril resultou moi curto deixamos adiadas para o mes de maio as seguintes actividades:

• • Visita da mascota que máis fans ten no colexio: PUPI. Animación a cargo de MANUEL SOLLA que tamén fará unha animación sobre o libro "De chico a chica".

  • Conferencias dos "Expertos na VILA DE BOUZAS nas que cada curso explica a súa maneira ao resto do colexio o aspecto de BOUZAS no que é especialista.

COÑECENDO BOUZAS. SEGUNDA SEMANA. BOUZAS E OS SEUS ESPAZOS ABERTOS.

Continúa o xogo!!

 Estamos na segunda das  catro semanas que vai durar esta actividade e aproveitando que todos os grupos de primaria fixeron un roteiro por Bouzas, PICOLINDO ofrécevos a posibilidade de investigar, buscar, descubrir as resposta ás súas preguntas . Esta fin de semana estivo a entreterse paseando polos espazos abertos de Bouzas. Continúa a convidarvos a pasear e descubrir cousas marabillosas. Aquí tedes a segunda rolda con  quince probas. 

Collede a papeleta na escola e en familia gozade e aprendede, paseade e divertídevos!!!. 

Estas son as probas:

ROTEIRO POR BOUZAS SEGUNDO E TERCEIRO CICLO DE PRIMARIA.

Grazas a inestimable e gratuíta colaboración da ASOCIACIÓN VECIÑAL EDUARDO CHAO coa nosa escola, poidemos darlle un toque de calidade ao noso mergullo na vila de Bouzas. Foi unha ruta cultural  dunha hora e media de duración que resultou moi interesante e que nos permitiu gozar dun anaco da historia de Bouzas. No roteiro realizamos unha ruta peonil a través do casco antigo, centrándonos nos puntos máis salientables do mesmo.

• Igrexa S. Miguel de Bouzas
• Casa do Patín
• AAVV Bouzas
• Casa de Lira
• Capela do Carme
• Alameda
• Cruceiro Vello 
• Xardíns de D .José Casás 
• Monumento a Eduardo Cabello 
• Asociación de Mariñeiros Artesanais e Deportivos de S. Miguel de Bouzas 
• Praia do Adro.

DIA DO LIBRO 2013

Hoxe, 23 de abril

celebramos na escola o DIA DO LIBRO.

Esta conmemoración lémbrase cunha actividade preciosa

que facemos dende hai anos. Todos estamos á espera desta lectura que gusta tanto a pequenos como maiores.

Mira as imaxes da nosa homenaxe!! 

Pero antes de realizar esta actividade, tivemos que facer moitos preparativos. Comezamos por un Concurso de Autocolantes no que participaron moitos nenos e nenas da escola. Houbo dez finalistas e tan só un gañador que adornou as camisetas de todos os padriños, madriñas, afillados e afilladas. 

Todos os participantes recibirán PIKEUROS para o noso MERCADO DE OCASIÓN. 

GRAZAS POLA VOSA PARTICIPACIÓN, SEN VÓS NADA DISTO SERÍA POSIBLE!!!

COÑECENDO BOUZAS.

Comeza o xogo!!

 Estamos na primeira das catro semanas que durará esta actividade. Investiga, busca, descubre e resposta as preguntas da nosa mascota PICOLINDO. Esta fin de semana estivo a entreterse paseando por Bouzas e ao longo desta semana convídavos, coa chegada do sol, a pasear e descubrir cousas marabillosas. Aquí tedes a primeira tanda con  catorce probas.:                                                        O PASEO DOS PEIXES.
Collede a papeleta na escola e en familia gozade e aprendede, paseade e divertídevos. 

Estas son as probas:

 

FONTES  PARA ATOPAR AS SOLUCIÓNS 

A principal fonte de información é o propio paseo.
Ler as placas que acompañan ás esculturas.
Se non podes ir pasear a Bouzas, recomendámosche que busques as respostas nas seguintes páxinas:

www.viladebouzas.com

www.alfesculturasymonumentos.blogspot.com

http://xosecounhago.com

www.pescado-gallego.com 

www.clubdelamar.org

www.wikipedia.org

www.marenostrum.org

www.rapidodebouzas.com/historia

www.vigoenfotos.com Javier Albertos
 

Ademáis, aquí temos un roteiro por Bouzas feito polo profe Juan.