OBRADOIROS EMOCIONAIS CON DANIEL NOVOA

O pasado venres día 1 o alumnado do terceiro, cuarto e quinto cursos de educación primaria gozaron dun obradoiro emocional grazas ao Plan Proxecta Emociona-T.  

Estes obradoiros foron levados a cabo polo psicólogo Daniel Novoa, un gran profesional que foi quen de transmitir o seu entusiasmo no coñecemento e xestión das emocións. Coñecer o que sentimos é moi importante, recoñecer as emocións é fundamental para un bo autocontrol. Traballar as emocións axuda a mellorar a autoestima, mellora as nosas relacións interpersonais, fai que sexamos máis felices, axudanos na resolución de conflitos e incluso mellora a capacidade de aprendizaxe.

 

Un pracer que compartise con nós os seus coñecementos e preparase estes obradoiros en función das necesidades do noso alumnado.

 

 

OBRADOIROS DE ILUSTRACIÓN: AS EMOCIÓNS NOS DEBUXOS ANIMADOS

 Esta semana tivemos o pracer de poder contar na nosa escola con Iago Araújo e María Villar, KAME COMIC.

 Ao longo de dúas xornadas todo o alumnado dende o sexto curso de infantil ata o sexto curso de primaria, gozaron dunha sesión de ilustración das emocións a través dos debuxos animados. Foi unha clase de cómic, e eles os mellores mestres, pois dedicanse a traballar diso. Poderiamos dicir deles que son debuxantes, guionistas, creadores de historias, deseñadores, ilustradores, caricaturistas,... 

Traballamos o CARTOON,  e con eles as emocións.

 

Aprendemos como facer un bosquexo.

 

E como cos mesmos elementos, podemos facer infinidade de caras dependendo do tamaño e do lugar onde se pintan cada unha delas.

Enganos de caricaturista.

Debuxamos un corpo.

E entre todos, fixemos fermosas produccións.

SEXTO GOZA DUN OBRADOIRO DE CREACIÓN AUDIOVISUAL

 Hoxe, o alumnado do sexto curso de primaria tivo o pracer de levar a cabo un obradoiro de creación audiovisual grazas ao programa da Consellería "Cinema con perspectiva".

 

Foi unha mañá moi completa na que  recibimos en primeiro lugar formación de cómo facer un corto, tipos de imaxes, planos,... Logo buscamos un tema para a curta que tivera que ver coa igualdade de xénero, elaboramos un guión, buscamos un título e distribuimos funcións. Actores, directores, cámaras, guionistas,.. 

Grazas Manuel por facernos pasar un rato tan entretido!. Aprendemos moitas cousas! 

Aquí a nosa curta, grazas a Né Ogando, con FICCBUEU

 

Este foi o guión, e estos cómics, un resumo do que foi a nosa curta.

 

DÍA 68 #NaCasa, SOGAMA PUBLICITA O NOSO TRABALLO

 Hoxe SOGAMA, faise eco da nosa actividades. Grazas por contar con nós.

"Crea o teu maio con material de refugallo"

• Así se titula o proxecto co que o CEIP “Virxe do Rocío” de Vigo, un dos 25 centros de primaria que participan este curso académico no programa “Recíclate con Sogama”, quixo render a súa particular homenaxe ao Día Internacional da Reciclaxe.
• Coa colaboración das familias, os escolares plasmaron, nunha serie de obras elaboradas con materiais de refugallo, como é este mes de maio desde as súas casas.
• A través dos distintos traballos pódese comprobar que o espírito primaveral non decaeu, manténdose tamén firme o compromiso dos pequenos co medio ambiente e, sobre todo, a ilusión e a esperanza de que podamos superar este mal momento.

Cerceda, a 21 de maio de 2020.- “Crea o teu maio con material de refugallo”. Baixo este título, o CEIP “Virxe do Rocío” de Vigo levou a cabo unha atractiva iniciativa para render a súa particular homenaxe á xestión sostible dos residuos urbanos e conmemorar dunha forma moi especial o Día Internacional da Reciclaxe (17 de maio).
No marco da crise sanitaria orixinada polo COVID-19, as clases presenciais suspendéronse a mediados do pasado mes de marzo e, tanto profesores como alumnos, tiveron que facer un gran esforzo para adaptarse ás novas circunstancias e seguir traballando desde a distancia para que a aprendizaxe tivera continuidade.
Pero esta situación non limitou a creatividade nin a imaxinación da comunidade educativa, nin moito menos a iniciativa deste centro de cara a promover actividades atractivas que poidan estimular o interese do alumnado e a participación das familias nos seus proxectos.
Os escolares reflectiron nos seus traballos como é este mes de maio que non poden gozar como quixeran, pero que non truncou para nada a esencia e o colorido da primavera, o anticipo do verán e das vacacións, e, sobre todo, a ilusión e a esperanza de que podamos superar este mal  momento.
Os pequenos lograron que revistas, cartóns, briks, tapóns, restos de teas, botellas plásticas e de vidro, e papel, entre outros materiais, se vestiran de gala e se converteran en distintas obras nas que retrataron a natureza: árbores, animais, flores, xarrón, bonecos e plantas.
A mensaxe da reciclaxe está moi presente neste labor pedagóxico a través do cal os pequenos comprenden e interiorizan como o aparentemente inservible se converte en algo útil e como o aparentemente feo se transforma en beleza. En definitiva, como os residuos poden converterse en recursos a través dunha axeitada xestión.
O colexio Virxe do Rocío é un dos 25 centros escolares de primaria que este curso académico participa no programa educativo “Recíclate con Sogama”, a través do Plan Proxecta da Xunta de Galicia.
A súa dedicación, interese, entusiasmo e esforzo traspasou as aulas, posibilitando que a reciclaxe se estenda a cada fogar e a cada familia.
Desde Sogama, o noso máis sincero agradecimiento.

21 Mai 2020

 

http://www.sogama.gal/gl/noticia/crea-o-teu-maio-con-material-de-refugallo

CREA O TEU MAIO, DÍA MUNDIAL DA RECICLAXE

Benqueridas familias, agardamos que sigades ben. Confiemos en que, aos poucos, comecemos a ver a luz. Namentres, coidádevos moito.

 

Debido ás excepcionais circunstancias nas que nos atopamos neste maio de 2020 por mor da epidemia do COVID-19 non se puideron levar a cabo moitos dos proxectos que desde a nosa escola facemos cada ano para conmemorar dúas festas tradicionais na nosa terra:

•       A festa dos maios
•       O día das Letras Galegas.

No marco do “Día Mundial da Reciclaxe”, que se celebrará o próximo 17 de maio, queremos facervos unha proposta:

CREA O TEU MAIO

CON MATERIAL DE REFUGALLO

1.   Fai un cono con cartón
2.   Recúbreo cun manto verde, sempre de refugallo 
3.   Decórao como máis che guste, botóns, tapóns, macarróns,...

Unha vez feito o teu mini-maio, 

1.   Sácalle unha foto

2.   Mándaa ao watshap da escola 658715569

3.   O prazo vai dende o luns 11 ao luns 18 de maio.

Animádevos!    Participade!

Haberá Pikeuros para tod@s.

PLAN PROXECTA: A COMPOSTAXE.

Hoxe tivemos a sorte de contar na escola con INÉS; ela foi a monitora do obradoiro de compostaxe. Os mestres inscribironse no Plan Proxecta: Recicla con Sogama, sendo un dos 25 centros seleccionados pola Consellería para participar neste programa.

Coa nosa participación, pretendemos que a recollida do lixo sexa selectiva e que toda a Comunidade Educativa coñeza os tres erres: redución, reutilización e reciclaxe.

Inés  axudounos a comprender o proceso da compostaxe.

Nesta formación inicial, a educadora, explicou ao alumnado a cadea alimentaria, logo,  experimentaron e buscaron miñocas en bandexas de compost, e fixeron  unhas boliñas con sementes para botar polo terreo aló pola primavera. 

Máis tarde, nun momento no que cesou a choiva, saímos á horta para colocar as composteiras. Explicáronnos como se ten que compostar para logo botalo na horta. 

TRABALLANDO A TERRA

CHEGOU A PRIMAVERA, E CON ELA...

A NOSA HORTA

Levabamos días preparando a terra dos bancais da escola, e hoxe, celebrando a chegada da primavera...

 Tocou sementar, que ben o pasamos!

 E que fermosos quedaron as nosas leiras. Agora toca coidala, regala e mantela todos os días para que chegado o verán teñamos unha gran recolleita.

DOUS MESES SEN TRABALLAR, AGORA TOCA LIMPAR

O alumnado deuse conta do estrago que produce na terra o non coidala durante un tempo. Sacamos malas herbas, regamos e abonamos a nosa leira para volver a traballala.

 

O SABOR DA AVENTURA ESTÁ NO MAR

Os nenos e nenas do quinto e sexto curso de primaria da escola participaron no programa 

 "O Sabor dá Aventura está no Mar",

visitando o porto, a lonxa e o mercado de Bueu.

 Esta actividade, ofertada dentro do PLAN PROXECTA "ALIMENTA-T BEN", está ofertada pola Xunta de Galicia e é de balde para o alumnado.

Os nenos e nenas  puideron coñecer como se descarga o peixe, máis concretamente o polbo, e como se poxa  na lonxa. Deron  unha volta polo porto e aprenderon a distinguir  os distintos tipos de embarcacions.  Ensinaronlles distintas artes de pesca, miraron traballar ás redeiras e por último visitaron o mercado onde tiveron un obradoiro de alimentación. Disfrutaron dunha merenda mariñeira.