ROTEIRO POR BOUZAS.

 Para completar o noso proxecto anual de centro, os nenos e nenas do primeiro ciclo de eduación primaria fixeron unha saída ao barrio de Bouzas. Esta saída foi realizada o pasado mes de marzo.Saimos do Centro de ensino público de Educación Infantil e Primaria VIRXE DO ROCÍO, baixando pola Rúa Rocío, e adentrándonos na Praza do Encontro. Logo visitamos a Alameda Suárez-Llanos adicada a Luis Suarez-Llanos Menacho, alcalde de Vigo durante o franquismo, de 1938 a 1949. O espazo da alameda foi xa delimitado no apeo do bispo Torquemada no ano 1565. Logo paseamos pola Rúa Pescadores, xurdida a raíz do apeo de 1565. Na delimitación do "Campo de Redes", a actual alameda, destinouse parte del a hortas e leiras, deixando sinalada unha nova rúa, a rúa Pescadores, ...Pasamos ao caron do Mercado Municipal de Bouzas, Rúa Eduardo Cabello, Rúa San Miguel,Rúa dos Alfolíns, Pérgola de Jenaro de la Fuente, Igrexa de Bouza,Recheo de Bouzas,Casa do Patín, para rematar o roteiro na praia de Bouzas, onde puxemos luvas e mans a obra,  realizamos unha gran limpeza. 

Foi unha visita moi interesante, moitos nenos descoñecían algún dos lugares polos que pasamos. Nas vindeiras datas baixaremos cos nenos e nenas do segundo e do terceiro ciclo.