PERE TOBARUELA, visita o Resío da man da Editorial Xerais, para falar co alumnado do quinto curso de primaria sobre o libro de FORMIGAS, MISIÓN SAMAÍN.
Unha visita na que o alumnado gozou do autor do libro e que puido coñecer de primeira man os sentimentos, e as ideas que lle foron xurdindo a este gran escritor.
Pere agasallounos asinando cada un dos nosos libros, e asinando no libro de visitas ilustres da escola.Nós lle correspondimos agasallándoo coa camiseta do 80 aniversario do cole.
Hoxe gozamos dun fenomenal obradoiro de radio na escola con Damián Alonso. Comezamos na aula. Alí ensinounos todos os pasos necesarios para elaborar un programa. Nós xa tiñamos algo de experiencia, pero... encantounos!
Partindo de calquera situación somos quen de facer un programa de radio.
Creamos o guión, eleximos as personaxes, é... en breve gozaredes do programa de radio maquetado.
Grazas por aprendernos tanto!
Durante estas semanas, o alumnado de 2° estivo construíndo un novo instrumento de música. Trátase dun móbil musical elaborado con pasta de cores, que tinguimos na aula. Unha actividade moi relaxante que consegue estimular todos os sentidos.
Do interese pola planta do patio naceu esta proposta de vida práctica: lavado de follas.
Pintamos figuras xeométricas e formas nun papel, démoslle "pezas soltas" e comezou a combinación!
Con motivo do Día Internacional da Muller (8M), levamos a cabo na escola moitas actividades. Imos contarvos algunhas delas.
No laboratorio das artes e das ciencias desenvolveuse unha actividade moi especial e significativa. O alumnado, organizado en equipos cooperativos, realizou debuxos nos que se puxo en valor o papel da muller na sociedade. A través das súas creacións, quixeron reflectir como as mulleres, xeración tras xeración, se apoian mutuamente na loita por mellorar a súa situación e por recuperar todos aqueles espazos nos que foron discriminadas polo feito de seren mulleres.
A actividade desenvolveuse baixo a dinámica “traballamos a unha man”: cada grupo, formado por cinco alumnos e alumnas, dispoñía unicamente dun rotulador, fomentando así a colaboración, o respecto e a toma de decisións conxunta. Unha vez finalizado o deseño, procederon a colorealo de maneira colaborativa empregando distintos materiais, o que enriqueceu o resultado final.
Durante o proceso creativo, o ambiente estivo acompañado pola escoita de cancións tradicionais relacionadas con esta data, favorecendo a reflexión e a sensibilización arredor da igualdade.
O alumnado debía pegar unha fotografía ou realizar un debuxo da persoa elixida no mandil. Na parte posterior, decorárono de maneira creativa. Posteriormente, todos os mandís uníronse para transformar a entrada do colexio nun gran “tendal” de mulleres importantes para a nosa comunidade educativa, visibilizando así as súas historias e o seu valor.
O máis importante desta actividade foi poñer en valor que se trata de mulleres que realizan tarefas significativas e que nos amosan que todas as persoas podemos chegar a ser o que queiramos.
Grazas á colaboración familiar, o recibidor da escola quedou fermoso.
Destacar tamén a participación no Concurso da Deputación de Pontevedra co título QUE É A IGUALDADE PARA TI?, onde a rapazada elaborou individualmente un debuxo nos cursos inferiores e nos cursos altos un cómic.
Sorte !
E por último informar que participamos noutro concurso de igualdade, neste caso da Consellería de Igualdade, onde todos e todas tivemos que sacar o mellor de nós para crear unha gran producción. Neste momento non podemos dar máis detalles. Irase informando.
Dun pan xurdiu a curiosidade, da curiosidade xurdiu este procesiño: moer grans de millo, observar o cambio, entender de xeito significativo o paso do gran á fariña, probar, cheirar e asustarnos un pouquiño cando o molinillo facía ruído.
Estamos traballando para mellorar a nosa biblioteca e o xeito de traballar nela. Precisamos a túa axuda para que o noso novo Plan de Lectura e Escritura sexa marabilloso. Preme na seguinte ligazón, le con detenemento as preguntas e da resposta a todas elas.
Grazas pola túa axuda.
.png)
PICOLINDO
Día 3 do experimento de Masa NAI.
Na etapa de Educación Infantil decidimos xuntarnos para facer masa nai, mesturamos as crianzas das tres aulas en grupos e fixemos a receita.
