O pasado mércores día 5 e hoxe, o alumnado do sexto curso de primaria levaron a cabo uns obradoiros tecnolóxicos e manipulativos impartidos por alumnado da Universidade de Vigo, cos títulos:
"TE LO CUENTAN LOS MAPAS"
"TE LO CUENTA UNA AVIADORA"
Grazas á Nerea, o alumnado foi quen de descubrir como se poden medir as distancias e cal é o camiño máis curto nunha viaxe. Traballouse no taller manipulativo cun globo terráqueo hinchable, unha cinta métrica, un mapa e unha ficha de medidas.
No obradoiro tecnolóxico traballouse o programa GEOGEBRA mailo globo terráqueo.
So queda pendente un encontro virtual cunha científica. Agardamos por él.
Pasámolo estupendamente e queremos agradecer á UVIGO por acollernos nesta iniciativa.
A familia de Jose e Álvaro gozaron a pasada semana da mochila contista. Infórmannos de que pasaron uns ratos estupendos e comparten connosco o seu traballo.
Hoxe finalizan coa novena xornada as XORNADAS DE EXPERTOS correspondientes ao curso 2020/2021, xornada na que os máis cativos da escola nos falan sobre os contos de lobos.
Esperamos que foran do voso agrado, pola nosa parte, estamos moi satisfeit@a do traballo desenvolvido polo noso alumnado.
Hoxe comezan os máis cativos as súas conferncias de expertos. Comezamos co alumnado do sexto curso de infantil que nos van falar dos distintos tipos de contos de animais.
Grazas polo voso esforzo e traballo.
Hoxe, 23 de abril, conmemórase o ´DIA DO lIBRO. Para celebralo, propuxemos ás familias montar un museo do conto. Un museo que se encheu de contos e pequenos obxectos representativos do mesmo. O resultado foi marabilloso. Agradecemos coma sempre a vosa colaboración.
A rapazada pasou pola sala e gozou das distintas creacións.
Posteriormente e sen perder o costume, fixemos un apadriñamento lector COVID-19. O alumnado de cuarto, quinto e sexto curso apadriñaron aos distintos cursos dos distintos niveis e en diversas zonas da escola levaron a cabo diversas sesións de contacontos.
En breve vos subiremos imaxes e vídeos.
A exposición poderedes visitala o martes ás 16h. cumprindo aforos e o protocolo covid.
Hoxe os nenos e nenas de primeiro e segundo recibimos a visita da actriz e contacontos SABELA GAGO. Con ela afiamos ao lapis da imaxinación e entramos no mundo pirata cos nosos capitáns Miguel e Clara. Disfrutamos moitísimo coa súa visita.
Grazas á Editorial SM por facernos pasar un día tan fantástico, no que esquecemos máscaras e pandemia e cambiámolas por un parche nun ollo e unha pata de pau.
Hoxe os nenos e nenas de sexto de primaria fixeron unha saída didáctica a Fragoselo, nos montes de Coruxo, para coñecer algúns dos moitos petroglifos que hai nesta zona. Tamén puideron gozar coas vistas panorámicas que hai desde o Alto do Polombar. Acompañounos un tempo moi bo así que aproveitaron moi ben a mañá.
Hoxe mércores, o alumnado do quinto e sexto curso de primaria levamos a cabo unha saída didáctica á praia do Adro dentro do proxecto de Padreiras Mariñas, Tesouros da Biodiversidade.
Grazas ao Centro de Extensión Universitaria e Divulgación Ambiental de Galicia, CEIDA, sito en Oleiros, aprendemos a coidar o medio ambiente e a facernos expertos deste campo que case non coñece ninguén.
Baixamos cedo, para aproveitar o bo tempo e debuxar rodeados da natureza, eleximos a perspectiva que máis nos gustou e ... moitas obras de arte xorden desta iniciativa.
Ás 11.30 quedaramos con Verónica, Flor, Vero e Sergi, os nosos guías de aprendizaxe. Xa no primeiro trimestre, foramos á praia e iniciaramos o noso proceso de investigación coa súa axuda.
O obxectivo do día de hoxe foi facer un seguimento científico do estado da "nosa pradeira mariña". Distribuímonos en equipos de traballo para analizar a evolución das Zosteras, a fauna e a flora, analizamos os datos e finalmente realizamos unha avaliación conxunta da actividade.
Atopamos flores na Zostera costeira!
Que ben o pasamos!, por certo, botamos de menos os bañadores. O próximo día seguro que os levamos!
Hoxe, martes 13 de abril, tivo lugar unha XORNADA DE FORMACIÓN
"CONVIVINDO COAS NOVAS TECNOLOXÍAS,
Foi impartida de 18 a 20h no ximnasio da escola por D. Alberto Casqueiro tentamos crear un espazo onde se compartiron inquedanzas e se intentaron buscar solucións adaptadas ao día a día. Dende a escola búscase velar pola educación dixital dos nosos rapaces.
Pois si, amigas e amigos, as personaxes dos contos andan por Vigo instalados
dende o mes de Xaneiro no que colleron o bus turístico e "okuparon" distintos
lugares de Vigo.
Sodes testigos disto, porque mandastes montóns de debuxos e
historias contandoo .
Aqui abaixo tedes a presentación dos vosos traballos
creativos agrupados por cursos e gustaríanos moitísimo que nos axudarades na
elección dos máis destacados, que podamos considerar
gañadores do concurso pola creatividade, pola ilustración ou pola
orixinalidade. É difícil, pois hai moitos moi chulos e historias que pagan a
pena.
Escribide aquí abaixo nos comentarios os vosos votos,
decindo quen sodes e cales son os tres que mais vos gustaron, non importa de que curso.
Faremos públicos os
resultados o Día do Libro o próximo 23 de abril polo que tedes para votar ata o
domingo 18.
A familia de Irene Chapela, do cuarto curso de educación infantil, fai unha marabillosa representación do conto de CARAPUCHIÑA VERMELLA.
Moitas grazas pola vosa colaboración.
Este programa pode desenvolverse na escola grazas á universidade de Vigo quen a través de estudantes do último curso, tratan de fomentar o gusto polas matemáticas. O programa chámase: Te lo cuentas las matemáticas.
No día de hoxe, o alumnado do sexto curso de primaria gozou dun obradoiro de cónicas. Foi un taller manipulativo no que cun cartón pluma, goma eva, chinchetas, fio de algodón, canica, folios, tesoiras e rotulador aprendimos matemáticas e astronomía.
Levamos a cabo tres experimentos nos que traballamos as distintas hipóteses sobre se a terra xiraba arrodor do sol, se os astros xiraban arredor da Terra,...
O mellor de todo foi ver como gozaban os rapaces e experimentaban para descubrir ás cónicas. Traballamos coa circunferencia, a elipse e a parábola.
Logo de quitar no día de onte as malas herbas, hoxe, dende o laboratorio das artes e das ciencias, ao alumnado, coa axuda do profesorado mailo porteiro vixilante, lle tocou preparar o terreo, botar sustrato e... comezar a sementar.
Amorodos, acelgas, cogombros, tomates, pementos, brécol, coliflor, leitugas, chícharos, cebolas, allos, cabaciñas,... son as pequenas plantas que tiñamos nos alcoubes e que tiñamos que trasplantar. Búscase que o alumnado coñeza as plantas, as identifiquen, coñezan os productos autóctonos e sexan quen de identificar cales son os propios da época.
Chega o tempo de regar, limpar, plantar,... O faremos en grupos colaborativos e cooperativos, sempre cumprindo o protocolo COVID. Imos a horta con botas de auga, sachos e... máscara.
Como goza o alumnado co contacto coa natureza!. O respeto aos pequenos animais do campo e aprenden un estilo de vida saudable.
Durante a última semana de Xaneiro as nenas e os nenos de 1º a 4º participaron voluntariamente no creación e no recitado de poesías de PAZ que despois eles mesmos grabaron.
Por fín chegou o ENTROIDO, unha festa tradicional e divertida que tivemos o gusto de celebrar.
Para levala a cabo, por mor da COVID-19, tivemos que modificar moitas das cousas que faciamos en anos anteriores. Cumprindo o protocolo establecido e coidando todas as medidas de seguridade que necesita o momento actual, renunciando ao pasarrúas na nosa vila de Bouzas, seguimos contando coas familias que colaboraron na montaxe dunha fermosa pasarela, na que dende os máis cativos ata os maiores desfilaron engalanados cos seus fermosos disfraces.
O día acompañou, e nun día capicúa, 12-02-2021, no que brillou o sol, as cores do entroido invadiron a escola.
O día transcurriú rápido e logo do traballo nas aulas, baixamos ao patio de infantil onde sacamos as tradicionais fotografías de grupo.
4º EI: NIN BOS NIN MALOS, LOBO FEROZ.
5º EI: OS FEITICEIR@S DOS CONTOS: MEIGAS.
6º EI: ANIMAIS DE CONTO
1º EP: LUGARES DE CONTO
2º EP: OS PRINCIPES E AS PRNCESAS DOS CONTOS
3º EP:OS IMAXINARIOS DOS CONTOS: FADAS, ELFOS, SEREAS, ALICORNIOS E DRAGÓNS
4º EP: APÓCEMA MÁXICA.
5º EP MONIFATES DE CONTO
6º EI MONICREQUES DE LENDA
Tivo lugar o xuizo do Meco, o Sr. OGROVIRUS, ao que rifamos e castigamos por todo o que nos fixo subrir ao longo da semana. A sentenza foi clara, ducha de viricida, máscara e vacina.
Nós gozamos moito da festa e esperamos que os rapaces chegasen a casa cun gran sorriso neste día tan especial.
Hoxe queremos visibilizar a todas as mulleres que ao longo da historia do mundo teñen traballado na ciencia pero que parecían invisibles.
Entra nesta actividade, participa, xoga e toma nota: ao mellor dentro dun tempo algunha de vos estades nunha lista así.
Quen sabe?
Gustouche ?
Escribe aquí abaixo nos comentarios (ou ao correo da biblioteca : biblioteca@colexiorocio.com) o teu nome contando cales son as 5 mulleres científicas ou inventoras que máis te interesaron e por que.
Recibirás un PIKEURO por cada unha!!!
Parece mentira pero,... xa é tempo de Entroido. O tempo pasa e xa estamos preparados para gozar desta festa tan tradicional.
Hoxe apareceu un monstro na escola, verde, e moi feo, uns pensan que é un moco, outros que é o COVID-19, outros... O certo e que é un vilán, un vilán dos contos, é un OGRO.
Todos teñen razón, é o...
OGROVIRUS
Hoxe
xa comezou a facer das súas, e deunos un mandadiño, aquí o tedes, en
tempo de pandemia temos que facer unha retransmisión, non podemos
xuntarnos, polo tanto, temos un MECO virtual.
Este curso costounos moito montar a mochila, e temos que agradecer enormemente á ANPA a fabricación duns fermosos teatriños para que en familia deixedes voar a vosa imaxinación e crear fermosas historias para gozar delas na escola.
O prometido é débeda, o venres celebramos na escola o DÍA DA PAZ.
Todos os anos xuntabámonos no patio para cantar unha canción; este ano,
non ía ser menos, para celebralo adaptamonos as novas circunstancias
pola COVID-19, e... cantando todos ao unisono nas nosas aulas, e coa
axuda das novas tecnoloxías... esto é o que sucedeu.
Hoxe conmemoramos na escola o DÍA DA PAZ E A NON VIOLENCIA, unha celebración moi especial que levamos preparando coas familias dende hai días.
Grazas, pola vosa axuda, grazas pola vosa colaboración, grazas...
Neste ano tan especial, no que as celebracións conxuntas non están permitidas, e nun momento de alto risco sanitario, decídese facer unha celebración nas aulas coa colaboración das familias.
FAGÁMOLO XUNTOS!
Moitas, moitísimas as fotos e preciosas todas e cada unha delas, para formar entre este marabilloso equipo da comunidade educativa do Resío, este fermoso agasallo de paz.
Contamos coa aprobación de CÉ ORQUESTRA PANTASMA, para utilizar as súas cancións na montaxe.
Unha terceira carta chegou á escola, por fín descubrimos o misterio de Picolindo. Él proponnos un RETO EN FAMILIA. Esta é a nosa proposta:
Elexide algunha personaxe de conto. Debuxádea na folla do concurso.
Buscade un recuncho de Vigo, onde imaxinedes que a vosa personaxe lle gustaría vivir. Podedes imprimir unha foto e colala na folla do concurso ou debuxala.
Recortade as personaxes dos contos debuxadas e coládea no debuxo ou fotografía elexida.
Agora tedes que imaxinar e entre todos, redactaredes a historia que inventedes coas personaxes do conto e o lugar elexido para vivir.
Debedes utilizar sempre as follas de participación no concurso.
Coidade a orde e limpeza do traballo entregado.
A historia ten que estar redactada en galego.
Animádevos a participar; é moi divertido!
O prazo de entrega é ata o xoves 18 de febreiro, xusto á volta das vacacións de Entroido.
Haberá premios pola participación, pola orixinalidade, a creatividade, a ilustración,...
