NOVA ENTREGA DO CLUB DE LECTURA DO RESÍO

Hoxe o alumnado de 4⁰, 5⁰ e 6⁰ curso de primaria recolleu os libros que imos ler nesta nova entrega do Club de Lectura de Picolindo. 

Sete títulos que van dar moito que falar!

 Grazas Picolindo!

 Grazas Ana, por facernos gozar da lectura!

 

CINE NO CLUB DE LECTURA

Hoxe a rapazada dos catro clubs de lectura gozou dunha tarde de peli e flocos.

Proxectamos a película WONDER baseada no libro do mesmo nome e relacionada tamén con Pájaro Blanco, dous dos libros lidos nesta primeira parte do curso. Tralo éxito de asistentes á volta tocará Anne Frank.

 

FALADOIRO SOBRE OS NENOS E NENAS REFUXIADOS

 

Hoxe María, Natalia e Vanesa, viñeron á escola a falarnos sobre cousas que debemos saber dos nenos e nenas refuxiados.

Na escola, no Club de Lectura do libro "Cuando brillan las estrellas"; libro no que os protagonistas son dous nenos que viven nun campo de refuxiados. A súa vida é moi dura, nunca teñen comida suficiencia, o acceso aos médicos non é sinxelopor esto e outras cousas máis, a rapazada sentiu a necesidade de saber máis. A familia Folgar, indicounos que un familiar traballaba na Rede ACOGE, e viñeron a dar un faladoiro moi interesante aos cursos cuarto, quinto e sexto de primaria.

A Rede Acolle é un grupo de persoas que axudan a aqueles que veñen doutros países a vivir en Galicia. Eles axudan aos nenos e ás súas familias a aprender o idioma, a atopar un lugar onde vivir e a facer novos amigos na escola. Así, todos poden sentirse benvidos e felices no seu novo fogar.

Grazas por colaborar con nós!

 

 

CLUB DE LECTURA CON HÉCTOR CAJARAVILLE

 No club de lectura de Picolindo aproveitamos a visita de Héctor Cajaraville aos cativos de Educación Infantil, para falar do seu libro "Kusuma", que tanto nos está gustando e que ten moito que ver co noso tema anual "Un planeta cheo de vida"

 

ENCONTRO CO ESCRITOR PEDRO FEIJOO. CLUB DE LECTURA FAMILIAS E MESTRES.

  

Esta tarde o Club de Lectura Café Entre liñas do Resío coouse no faladoiro co gran escritor Pedro Feijoo que organizou o Club Ás seis no Seis, do CEIP Seis do Nadal. Conversamos durante máis de dúas horas sobre o libro "Ninguén contará a verdade" da Editorial Xerais. Grazas por este encontro tan enriquecedor. 

Vémonos na seguinte lectura!

CLUB DE LECTURA FAMILIAS

 O Club de Lectura de nais e profes tiveMos a nosa primeira quedada para falar das nosas impresións sobre o libro de Pedro Feijóo "Ninguén contará a verdade" da Editorial Xerais. Que sorpresa cando o mesmiño Pedro se uniu a nós por videochamada.

 

BOTAN A ANDAR OS CLUBS DE LECTURA

 Esta semana botaron a andar os diversos clubs de lectura do Resío. Neles participaron un total de 29  alumnos e alumnas do cuarto, quinto e sexto curso de primaria. Os libros elexidos son:

·       A botella de lentellas de Leticia Barbadillo,

·       Trece avisos, de Paula Carballeira

·       Cuando brillan las estrellas de  Victoria Jamieson y Omar Mohamed

 A vindeira semana será o Club de adultos “Café entre liñas”,  co libro Ninguén contará a verdade de Pedro Feijoo, o que terá a súa primeira xuntanza; pais, nais e mestres e mestras reuniranse por compartir impresións sobre o libro ao redor dun café.

CEIP VIRXE DO ROCÍO, participa no programa Clubs de Lectura da Xunta de Galicia dende hai tres anos. É unha iniciativa moi ben valorada pola comunidade educativa e que ano tras ano gaña socios e socias.

Trala lectura e análise dos libros, os membros dos clubs de lectura gozan de encontros cos autores, roteiros didácticos, realizan podscast para a radio escolar...

 

 

A PRENSA FAISE ECO DO NOSO CLUB DE LECTURA

 

CLUB DE LECTURA

 Hoxe foi un día moi importante, os cativos elexiron os libros que traballaremos este trimestre no club de lectura.

 

NON PENSES NUN ELEFANTE ROSA

 

Hoxe puxemos punto e  final ás conversas arredor do libro de Antía Yáñez "Non penses nun elefante rosa". Moito nos deu de falar, rir e chorar este libro. A seguinte estación será "Golpes de luz" de Ledicia Costas. Se alguén máis quere unirse, nós encantadas.

 

Visita de Beatriz Maceda ao Club de lectura da escola

Hoxe na previa da celebración do DÍA DO LIBRO os nenos e nenas do Club de Lectura gozamos coa visita de Beatriz Maceda que viu falarnos do seu libro "Las en ningures".

Conversamos dos campos de refuxiados, guerras, ONGs e do famoso alemán Man de Camelle, ao que a escritora coñeceu personalmente. Grazas Beatriz e grazas, Editorial Xerais, por facelo posible! 

 

XORNADA DE CLAUSURA DOS CLUBS DE LECTURA DO RESÍO

 Hoxe tivemos a Xornada de Clausura dos Clubs de Lectura e menuda clausura!

Tocaba falar de O Xenio da Cidade do Sal, de Fina Casalderrey, editado pos Xerais.

Acompañounos o virtuoso frautista internacional Luis Souto, coordinador e intérprete do CD que acompaña ao libro- e "ideador" do proxecto. 

Grazas, Luis, por facernos voar coa música.

 

(PREME NA IMAXE)