domingo, 27 de decembro de 2020

DESCUBRIMOS A GIANNI RODARI

 Ola , familias !

Supoño que despois destes días solleiros, tivestes tempo de dar uns paseíños por Bouzas e por Navia e atopastes os Carteis do Xogo :  Descubrimos a Rodari que están situados en diferentes lugares das dúas parroquias.


Se queredes xogar, seguide estes pasos:

- Saíde da casa cun móbil e a Carta de Xogo co plano dos lugares onde hai cartel.( Bouzas e Navia). 


- Cando atopedes algún deles, tomade nota do número que ten ese cartel e lede o código QR co móbil que vos levará a un vídeo.

- Veredes un vídeo de nenas e nenos do colexio falando sobre un conto de Rodari , a cada cartel correspondelle un vídeo distinto . Hai 14.

- Mirade na parte de atrás da Carta de Xogo onde aparecen os libros, relaciona o que contan no vídeo con algún dos contos .

-Entrade aquí no blogue e escribide abaixo en Comentarios as respostas : número de cartel co título do conto . 

Non esquezades poñer o voso nome !!!

Non é necesario encontrar os 14 , pero cantos máis mellor, mais Pikeuros conseguiredes. Podedes entrar a comentar cantas veces queirades. Os comentarios non se farán públicos ata rematado o xogo á volta das vacacións.

Felices paseos !,

 Felices contos ! 

e ....    

 BO NADAL!




mércores, 23 de decembro de 2020

AGASALLO DE NADAL

 Unha fermosa árbore colaborativa, para a porta de entrada da escola. Grazas familias pola vosa colaboración para elaborar entre todos unha fermosa ÁRBORE DE NADAL.

 


Con ela mailos debuxos do alumnado, seleccionados tras un proceso totalmente democrático, unha agarimosa POSTAL DE NADAL.

 






martes, 22 de decembro de 2020

FESTIVAL DE NADAL

 Benqueridas familias, chegou o día, hoxe, por primeira vez, e por mor dunha pandemia mundial, temos que facer un FESTIVAL DE NADAL VIRTUAL.
 O alumnado nas aulas estivo a preparar con moito agarimo o seu agasallo de Nadal, unha marabillosa actuación que foi gravada nestes días para presentar hoxe ás 10.30h. e poder gozar con él en todas as aulas de xeito simultáneo.
 
 
Aquí vos deixamos a ligazón as fotografías do evento. 
 
PREME NA IMAXE

 
Grazas por toda a vosa colaboración e paciencia neste trimestre tan "especial"

BO NADAL!

luns, 30 de novembro de 2020

VIDEO CONFERENCIA "TE LO CUENTAN LAS MATEMÁTICAS"

 

Coa intención de rematar este trimestre co programa matemático: " Te lo cuenta la criptografía", no día de hoxe celebramos un encontro con XABIER GARCÍA, un xove investigador en matemáticas.
 
 


  Foi retransmitido en directo por streaming a través de UVigo TV, e participamos con moitos coles da contorna. 
Unha fermosa experiencia para o alumnado que continuaremos nos vindeiros trimestres.
Nesta ocasión nos falaron de   Ada Lovelace, Agnes Meyer Discroll y Xabier García.

martes, 24 de novembro de 2020

25 de santos, DIA DA NON VIOLENCIA

 Hoxe, mércores 25 de santos, é un día moi especial. Os organismos internacionais establecen esta data como o DÍA INTERNACIONAL DA ELIMINACIÓN DA VIOLENCIA DE XÉNERO. 

Xorde do movemento feminista latinoamericano (1981),  pola data na que as irmáns Miralba foron asasinadas na República Dominicana. Este movemento tivo tanta forza que no ano 1999  a ONU, estableceu oficialmente esta data  para conmemorar o movemento.

Na nosa escola festexamos que todas as persoas, homes e mulleres, vivimos en igualdade.

Agradecemos a vosa participación neste vídeo tan significativo. Esperamos que vos guste tanto como a nós.






 


 

luns, 23 de novembro de 2020

OS PEQUENOS ARTISTAS DOS CONTOS

 Estamos artellando un mural, precisamos darlle forma ao cartaz do tema anual:

NO RESÍO CONTAMOS MOITO

Nas aulas de primaria o alumnado está traballando arreo. Faltan poucos días para que gocemos del na parede da biblio.

Esperamos que sexa do voso agrado.


 

domingo, 22 de novembro de 2020

FUNDACIÓN FRANCISCO DE SALES

 O alumnado do 5º e 6º cursos da E. P.  visitaron o xoves 19 a Fundación Sales, onde aprenderon moitísimas cousas sobre o mundo vexetal e mesmo plantaron unha leituga que levaron para as súas casas.

Un día espléndido acompañounos durante a súa visita, á que foron camiñando por unha ruta, elaborada sobre mapa, polo alumnado de 6º.


ESTUPENDA SAÍDA!!!

👌🌲🌴🌵



xoves, 12 de novembro de 2020

CONTANCHO AS MATEMÁTICAS

 

Ao longo deste curso escolar, a nosa escola participará no programa educativo:

" Te lo cuentan las matemáticas"

  Búscase o fomento da vocación matemática no alumnado do sexto curso de educación primaria. É un programa financiado polo Ministerio de Ciencia e pola Universidade de Vigo. 
Levaranse a cabo dous obradoiros por trimestre. Este mes xa desenvolvimos dous, o primeiro versou sobre a criptoloxía, traballamos coa figura de Julio Cesar, e as súas mensaxes secretas en clave 3 .
 
No segundo obradoiro falamos dos algoritmos e traballamos co SCRATCH.
A rapazada gozou en ambos obradoiros.
 
 




Xa estamos á espera dos seguintes!



martes, 10 de novembro de 2020

MAGOSTO 2020

 
Que gañas tiñamos, por fin chegou o mes de Santos, un mes que comeza co SAMAÍN, e que continúa co MAGOSTO. A rapazada apañou as castañas para poder celebrar esta celebración tan popular na nosa terra.
Hoxe, celebramos o noso CORONA-MAGOSTO. Un magosto diferente, pero moi emocionante. 
Hoxe, a nosa castañeira, traía un día espectacular, gozamos do VERANIÑO DE SAN MARTIÑO.
 
Nesta ocasión non puidemos contar coas familias no centro, pero si que tiñamos dúas representantes da ANPA, que estiveron asando toda a mañá as castañas para a rapazada.

 
Mentras elas traballaban arreo, o alumnado gozou de obradoiros nas aulas e xogos nos diferentes espazos do patio.  
Carreiras de sacos, castañas culleres, peóns, zancos, tragacastañas, música,...
Para finalizar a xornada coa gran castañada.
Xa estamos desexando facer outro. 
 
 
 
PREMA NA IMAXE PARA GOZAR DO NOSO MAGOSTO.
 





 

luns, 9 de novembro de 2020

Esconxuros no Samaín 2020

Durante os días do Samaín  est@s meigas e bruxos viñeron pola biblioteca nos recreos e contaron esconxuros máxicos , moitos nenos perdidos, névoas, chuvias e demais andiveron por estes lugares.






domingo, 8 de novembro de 2020

CANCIÓN DOS ESQUELETOS EN SAMAIN

Este curso, pola culpa do protocolo contra o Covid 19, o grupo de 6º  interpretou a canción desde a aula de música sen poder colaborar co grupo de 5º e sen poder facelo en directo para todo o colexio coma outros anos, polo mesmo motivo só puideron usarse 4 frautas, as demais foron sustituidas por instrumentos de percusión de láminas. Uns artistas !!!!


martes, 3 de novembro de 2020

RECUNCHOS DE MEDO #NaCasa2020

 Pediamos na convocatoria desta proposta que utiizarades a vosa imaxinación, que crearades o voso tunel do medo, real ou imaxinario, no corredor, na sala ou nunha habitación,...

Pediamos que simularades nunha caixa, nun caixón. Disfrazarse, porque non? Utilizar bonecos tamén era boa opción.

Queriamos que nos sorprenderades, e a verdade é que tedes moita imaxinación. Dende a escola esperamos que pasarades un Bo Samaín, con diversión en familia.

Aquí todas as vosas creacións.

Se premes nesta imaxe, poderás visualizar o vídeo de todas as vosas creacións.
 

 





domingo, 1 de novembro de 2020

SAMAÍN NO RESÍO 2020

 GRAZAS!

GRAN COLABORACIÓN DAS FAMILIAS!

SAMAÍN, festa tradicional galega que significa "fin do verán". É unha festa de orixe Celta que celebraba o final da tempada de colleita e marcaba o inicio do "ano novo".

A proposta do centro tivo unha grande acollida. Nenos e nenas, chegaron orgullosos á escola e locen a súa cabaza. Fermosas creacións. A rapazada contannos quen lle axudou, a súa nai, o seu pai, o seu irmá, a súa avoa, o padriño,...

 Fixemos tres exposicións de cabazas, tantas como portas de entrada temos na escola. 

Deunos mágoa que as familias non poideran nesta ocasión, por mor do protocolo Covid, ver as exposicións e gozar cos túneles do medo, que este ano tiveron que duplicarse.

Compartimos as imaxes para que poidades gozar do traballo desenvolvido na escola.


 


Para gozar de todas as imaxes do Samaín Preme AQUÍ.


 


venres, 30 de outubro de 2020

III CONCURSO DE MICRORELATOS DE MEDO 2020

 Gran participación nesta edición do  concurso de microrrelatos de medo.  Chegou o día, desvelase o misterio, por fin coñecemos os gañadores do Concurso de relatos de medo :


MODALIDADE AUDIO:



1º PREMIO: FAMILIA LÓPEZ FUNDÍN

2º PREMIO: FAMILIA QUINTÁ

3º PREMIO: FAMILIA PORTABALES


MODALIDADE VÍDEO:


 


1º PREMIO: FAMILIA ENRIQUEZ

2º PREMIO: FAMILIA TORRES

3º PREMIO: FAMILIA FIGUEIREDO

Na mañá de hoxe fíxose a entrega dos agasallos aos gañadores.

                            NORABOA!

 

FINALISTAS CATEGORÍA AUDIO


3ª Clasificada: IRIA PORTABALES FERNÁNDEZ (3º Ed. Primaria)

RELATO: Mimá, que susto!!


2ª Clasificada: IRENE BASTOS (3º Ed. Primaria)

RELATO: Unha noite de medo


1º Clasificado: JOSÉ JAVIER LÓPEZ FUNDÍN (6º Ed. Primaria)

RELATO: O Confinamento



FINALISTAS CATEGORÍA VÍDEO


3º Clasificadas: SARA E LUCÍA FIGUEIREDO VILARIÑO

RELATO: Coidado co que desexas!

 

2º Clasificados: ERIC E NORA TORRES IGLESIAS

RELATO: Lentes


1º Clasificados: ELOY E IRIA ENRÍQUEZ RODRÍGUEZ

RELATO: O parque encantado


MOITAS GRAZAS A TODOS OS PARTICIPANTES!!!

venres, 23 de outubro de 2020

23 de OUTONO, celebramos o CENTENARIO do NACEMENTO de GIANNI RODARI

 Hoxe, 23 de outono celébrase o centenario do nacemento do gran escritor 

GIANNI RODARI

Para conmemoralo, fixemos un gran mural entre varios cursos no Laboratorio das Artes e das Ciencias.

 


 

  Nas aulas, estamos a traballar e a coñecer a este escritor, pedagogo e periodista. Comezamos a coñecer parte da súa obra, pois a maior parte da súa produción está dedicada aos rapaces. Na biblioteca temos unha exposición dos seus libros.

Esperamos que gocedes con eles!

Felicidades Gianni Rodari, maestro de la imaginación, el juego y el libro 

CONFUNDINDO HISTORIA

Preme na  ligazón

Shttps://youtu.be/A3ZDv_uokC

martes, 20 de outubro de 2020

III CONCURSO DE MICRORELATOS DEMEDO NO RESÍO

 

BASES DO III CONCURSO DE MICRORRELATOS DE MEDO E MISTERIO


- Convócase a todo o alumnado e as familias a participaren no concurso de "Microrrelatos de medo e misterio" de Samaín.
- As categorías que se establecen son as seguintes:
"FAMILIAS": Nesta categoría os relatos poden ser realizados e interpretados polos alumnos e as súas familias.
"ALUMNO/A": Os relatos desta categoría deberán ser interpretados exclusivamente polos alumnos, aínda que poidan recibir axuda para elaborar o guión e a produción do relato. 
- Os relatos deberán ser elaborados en Lingua Galega
- A temática dos microrrelatos deberá ser de medo ou misterio.
- Os relatos deben de ter unha duración máxima de 1 minuto e medio (90 segundos).
- Os relatos poden ser realizados en vídeo ou audio, puidendo presentarse en formato de curtametraxe ou de audio-relato.
- Os relatos poderán ser enviados polas seguintes canles:
 1) WhatsApp da escola 658715569
 2) E-mail: juanlf@colexiorocio.com  
 3) Traer á escola nun Pen drive.
- O prazo de presentación dos microrrelatos rematará o Luns 26 de outubro, este incluído, ata as 23:59:59 h)
- O día 30 de outubro, coñeceremos os microrrelatos gañadores. Os seus autores recibirán un premio arrepiante e monstruoso.

- Os microrrelatos de medo e misterio serán avaliados tendo en conta estes criterios:
  • A participación do alumnado.
  • A corrección idiomática
  • A entoación
  •  A estrutura: introdución, nó e desenlace.
  • Os efectos especiais

venres, 2 de outubro de 2020

BENVID@S DE VOLTA Á BIBLIOTECA !! XA ESTAMOS ABERT@S

 Aquí levaba eu, Picolindo, rodeado de tantos libros, películas, xogos, robots, tablets, pero sentíndome moi só sen vós , desde xa fai tanto tempo… 

Desde que ese fastidioso virus veu dar a lata !

Por sorte xa podemos abrir as portas e podedes vir e gozar de todos os recursos que aquí teño.

Pola contra como ese demo de virus aínda non marchou temos que ser moi estritos coas normas do PROTOCOLO e non despistarnos. 

sábado, 20 de xuño de 2020

AGRADECIDOS

O claustro de mestres agradece o agasallo dunha das súas alumnas, e  manifesta, tamén, o agradecemento ás familias polo gran traballo desenvolvido ao longo destes tres interminables meses de confinamento e por ter sobrevivido á teleformación. Estivemos todos moi preto a través das pantallas dos nosos computadores, agora toca descansar e gozar dunhas merecidas vacacións esperando retomar o ensino presencial no mes de setembro.

venres, 19 de xuño de 2020

GRADUACIÓN 2019/2020

Hoxe despedimos ao alumnado do sexto curso de primaria, por vídeo conferencia, coa  "tele presencia" de alumnos, equipo directivo e parte do Claustro. A titora, dixo unhas verbas aos  titulados na Educación Primaria, e foi nomeando a cada un para  que os seus pais lle fixeran entrega da insignia da escola, do diploma e a orla.
Tamén lles amosou unhaa banda co título oficioso  que  gañaron ao longo do seu paso pola escola e que lle será entregada nun encontro persoal nalgún punto da xeografía viguesa. Así, despedímonos de Mr. Fesvellasverzas, Mrs. Filósofa, Mr. Pacificador, Mrs. Sosego, Mrs. Optimista, Mrs. Fuxefuxe,...
Begoña, deulle a palabra aos rapaces para que lesen a súa carta de despedida; aos pais, que como estaban chorosos non foron quen de articular palabra, pero que quixeron rematar o acto co seu agradecemento ao labor educativo dos mestres que traballaron con eles durante estes anos  e  entregaron a súa mestra Begoña, un fermoso centro de flores e un tapabocas personalizado. Aproveitamos para impoñerlle unha banda co título de Dna. "Ata a corupela..."




GRAZAS FAMILIAS!
BOTARÉMOSVOS EN FALTA,
 E XA SABEDES,
AS NOSAS PORTAS ESTARÁN SEMPRE ABERTAS 
PARA TODOS VÓS.


Tentaremos ir na busca de imaxes que plasmen o encontro... 
Aquí están as imaxes:
 

domingo, 14 de xuño de 2020

RECOMENDACIÓNS LECTORAS ECO-LÓXICAS

Despois desta crise do coranavirus, nunca antes tivéramos tan claro a importancia do coidado do noso planeta.  Haberá que tomalo en serio, non?
Publícanse moitos libros sobre o tema , aqui presentamos unha pequena selección.

venres, 12 de xuño de 2020

DÍA 89 #NACASA: LEMBRANDO O COLE

Xa é moito o tempo que levan @s nen@s na casa. Aquí temos a Lía que seguro representa a tantos ... que lembran ás súas profes e aos seus compañeiros.

mércores, 10 de xuño de 2020

USO RESPONSABLE DAS PANTALLAS

Nestes días nos que o confinamento  empeza a ceder, é bo recordar a importancia do uso controlado e responsable de todo tipo de pantallas nos nen@s, 


luns, 8 de xuño de 2020

DÍA 85 #NACASA: 8 DE XUÑO DIA MUNDIAL DOS OCÉANOS

Aínda que sexa un día despois non podemos deixar de  ter en conta isto: Os residuos afogan a vida mariña e con ela a nosa propia. Cando imos reaccionar?

Entra nos seguintes vídeos 

               



Actividade extraída do blog A sombra do érbedo

ENIGMA VIII DO DOUTOR BACILUS


domingo, 7 de xuño de 2020

SOLUCIÓN ENIGMA VII DO DOUTOR BACILUS


Novos 5 puntos para: Pablo de 3º, Xoana de 1º, Daniel C. de 6º , Cristian de 5ºe Rebeca de 2º. E 2 puntos para Silvia de 5º por participar.

DÍA 84 # NaCasa, Xoana acepta o reto de Juan

Fermoso vídeo enviado por Xoana, alumna do primeiro curso de primaria, noraboa!

venres, 5 de xuño de 2020

5 DE XUÑO DIA INTERNACIONAL DO MEDIOAMBIENTE

De teren ido as cousas como se pensaran, hoxe teríamos un día de celebración e reivindicación polo noso planeta, pero chegóu o coronavirus e todo alterou.
Aquí imos recordar  a importancia do cuidado do noso entorno. Agora máis que nunca é importante facelo. Empecemos por un conto: ¿ Que le pasa al planeta?



Autoría do cartaz: Estefanía Torres. Mestres de Galicia.
Se  practicas os  ECO-RETOS,  e logras colocar todas as bandeiras , serás un :
ECO-RESPONSABLE






Os nosos cativos fixeron #NaCasa uns debuxos para conmemorar este día.


DÍA 82 #NaCasa: @s cociñeir@s do Resío


domingo, 24 de maio de 2020

SOLUCIÓN ENIGMA V DO DOUTOR BACILUS

NOVOS 5 PUNTIÑOS PARA: CRISTIAN DE 5º, REBECA DE 2º, XIANA DE 3º, SILVIA DE 5º, PABLO DE 3º  E XOANA DE 1º 

DÍA 70 #NaCasa. COCIÑA EN TEMPO DE CONFINAMENTO

O noso alumnado tamén aproveita o tempo de confinamento para aprender a cociñar. Primeiro escriben as receitas, e logo as levan a cabo coa axuda da súa familia. A rapazada pon en práctica as súas habilidades de chef. 

sábado, 23 de maio de 2020

venres, 22 de maio de 2020

22 DE MAIO DIA INTERNACIONAL DA DIVERSIDADE BIOLÓXICA

A biodiversidade é o conxunto de todos os seres vivos do planeta, o ambiente no que viven e a relación que gardan con outras especies.
 Están en perigo? Que opinas?
              Queres saber máis?     ABRE

 Aquí tes tres contos chulis sobre esto para ler doados gratuitamente polos autores/editoriais, algún témolo no cole, alí pechadiño... Toca neles e poderás lelos .
 PAJARO ANIMALES