CONCURSO ESCOLAR 8M, E TI, QUE PENSAS DA IGUALDADE?

 Hoxe o alumnado do 6º curso de Educación Infantil, e o alumnado do segundo curso de primaria, acompañados por David Rial de terceiro, acudiron ao CENTRO VACACIONAL DA LANZADA a recoller os premios do concurso escolar do 8M da Deputación de Pontevedra, E TI, QUE PENSAS DA IGUALDADE?

Participou no concurso toda a rapazada da escola, e nesta ocasión acompañamos e felicitamos a: 

• Leo Barbeito, 3º premio, categoría Educación Infantil,
• Alonso Mayáns, 2º premio, categoría Educación Infantil,
• Xulia Rey, 1º premio, categoría Educación Infantil,
• Iago Losada, 3º premio, categoría primeiro ciclo, Educación Primaria,
• Arleth Lara, 2º premio, categoría primeiro ciclo, Educación Primaria,
• Daniel Mayáns, 1º premio, categoría primeiro ciclo, Educación Primaria e, 
• David Rial, 3º premio, categoría segundo ciclo, Educación Primaria.

e logo,... gozamos con Uxía Lambona, a vaca molona. Con eles cantamos, botamos uns bailes e logo... tiñannos preparada unha gran merendola.

 

 

 

Grazas!

BO DÍA DO LIBRO!

 

Hoxe celebramos na escola o Día do Libro. Tal e como vén sendo habitual, desenvolveremos a actividade de apadriñamento lector onde os "maiores" da escola, len e contan aos máis cativos o conto ou contos que seleccionaron días antes, na biblioteca para este día tan especial.

Ledicia dos padriños e madriñas lectores e lectoras.

 

Gran relaxación e compañeirismo durante as lecturas: 

Por outra banda, desenvolveuse o concurso de deseño de chapa identificativa. Moitos foron os deseños presentados.

 Logo dunha preselección, quedaron como gañadores:

• Brais Augusto Miguelez, deseño da chapa de padriños e madriñas lectoras.
• Breogán Villar, deseño de chapa de afillados e afilladas.
• Lucía Figueiredo, deseño do cartaz da celebración do Día do Libro.

 

 Aproveitaremos tamén para facer entrega dos agasallos do concurso de Cómic e Redacción de Ollo-Man e Picolindo. 

Os gañadores:

• Iria Enríquez, narrativa.
• Leo Barbeito, cómic.
• Isabel Diéguez, conto.
• Daniel Fernández, poesía.

En breve gozaredes dos seus traballos publicados no blogue.

 

PREMIOS SOSTENIBILIDADE ATLÁNTICO DIARIO

 

Hoxe fíxose entrega dos premios ao alumnado participante no concurso de sostenibilidade do Atlántico Diario. 

A nosa escola, ten a cinco alumn@s gañadores:

• Fernando Blanco
• Roi Ojea
• Ane Cid
• Ariadna Pereira e, 
• Iria Enríquez

NORABOA aos cinco! 

O agasallo foi entregado polo alcalde da cidade D. Abel Caballero, e aquí tedes os seus traballos. 

 ARIADNA PEREIRA

 

ANE CID

FERNANDO BLANCO

IRIA ENRÍQUEZ

ROI OJEA

 

CARTAS DE AMOR. CONCURSO

 

CONCURSO : E TI, QUE PENSAS DA IGUALDADE?

 Dende a escola participamos no concurso da Deputación de Pontevedra E ti, que pensas da igualdade?

Un bo traballo de reflexión sobre o que é para nós a igualdade e unha representación en forma de debuxo ou cómic. O sexto curso de primaria participou con poema musicado.

Obtivemos varios premios:

3º premio categoría primeiro ciclo de primaria para:

ANDREA BLANCO CORTÉS

 

3º premio categoría terceiro ciclo de primaria  para: 

LETICIA FERNÁNDEZ MARÍA

1º premio categoría terceiro ciclo de primaria  para: 

IVÁN GAMALLO GÓMEZ

 

2º PREMIO GRUPAL POEMA

GRUPO AULA SEXTO PRIMARIA

 

 

Para rematar a festa, gozamos dun concerto con UXÍA LAMBONA e a BANDA MOLONA.

 

CONCURSO CHAPA IDENTIFICATIVA DÍA DO LIBRO.

 Pois xa temos os gañadores! 

Grazas a tódolos participantes, o xurado tivo un traballo difícil para poder facer a selección dos identificativos dos padriños e madriñas lector@s e a dos afillad@s. Mañá coñeceredes o resultado!

 

 

GAÑADORES DA ESCOLA NO CONCURSO DE DEBUXO "VIDA SOSTIBLE"

Dende a aula de plástica participamos no concurso de debuxo "VIda Sostible" organizado polo xornal Atlántico Diario e Fomento de Cosntruccións e Contratas (FCC). O tema do debuxo foi "VIgo, a cidade máis limpa de España"

A través do suplemento educativo Xornal Escolar, os debuxos foron valorados por un xurado que elexiu aos gañadores.

A entrega de premios levouse a cabo no Auditorio Mar de Vigo. Na entrega, estivo presente o Alcalde Abel Caballero, a Concelleira de Medio Ambiente, Nuria Rodríguez, e pola  representante en Vigo de Fomento de Construccions e Contratas (FCC), Mabel Ayo.

Noraboa a Mar, Cloe, Breogán, Uxía,  Olivia e Mia.

 

CONCURSO DE MICRORRELATOS DE MEDO E MISTERIO

 VI Edición do CONCURSO DE MICRORRELATOS DE MEDO E MISTERIO

Chegando o tempo do outono e como preparación para o Samaín, presentamos a sexta edición do Concurso de Microrrelatos de Medo e Misterio, no que o alumnado e as súas familias teñen a oportunidade de participar e mostrarnos o seu talento narrativo.

 

As diferentes CATEGORÍAS nas que poden participar os vosos relatos son: 

- AUDIO: Poderán presentarse a esta categoría os microrrelatos gravados nun audio. 

Animámosvos a participar nesta categoría! É moi sinxelo: pensa nun bo tema, escribe o guión e grávate! A túa historia publicaráse nos programas de Radio Resío que se emitan durante este outono.

- VÍDEO: Participarán nesta categoría os relatos que fagan un pequeno relato audiovisual en formato Vídeo.

Fai a túa curta! Móstranos o Alfred Hitchcock que levas dentro. 

Fíxate ben nas normas que hai establecidas para ambas as dúas categorías. Que non quede fóra a túa historia por un pequeno despiste!

NORMAS para os relatos: 

1- Estes pavorosos microrrelatos terán que estar elaborados en Lingua Galega. 

2- O tema ten que ser de medo ou de misterio. 

3- Deben de ter unha duración máxima de DOUS MINUTOS. 

4- Poden realizarse nas modalidades de Audio e de Video. 

5- Tedes que envialos por unha destas canles: 

· E mail: juanlf@colexiorocio.com 

· WhatsApp da nosa escola 658715569 

· Traer á escola nun Pen drive 

6- A data límite para entregar os vosos relatos será o LUNS 23 de outubro ás 23:59h. 

 

Os microrrelatos de misterio e medo serán avaliados tendo en conta os seguintes criterios: 

CRITERIOS DE PUNTUACIÓN

-A corrección idiomática 

-Os efectos especiais 

-A participación do alumnado 

-A entonación e interpretación

-A estrutura do relato: inicio, nó, e desenlace. (Non  ten que ser necesariamente nesa orde!)

O martes 31 de outubro teremos a estrea oficial dos microrrelatos finalistas e coñeceremos aos autores  destas terroríficas creacións. 

Haberá uns horribles e monstruosos premios para os finalistas e gañadores das diferentes categorías do concurso. 

Agardamos a vosa participación!!!

 

CONCURSO DE DESEÑO DÍA DO LIBRO 2023

DESEÑAR PARA CREAR. matemáticas creativas.

 Na aula Steam, traballando co programa Tinkercad, o alumnado do quinto e sexto curso de primaria deseña medallas e trofeos para os agasallos dos mellores lectores da biblioteca da escola. Entre todos os deseños elexiremos democráticamente os seleccionados para os premios do presente curso.

O procedemento foi o que segue:

1. Nunha folla con cadros, fixeron o deseño do obxecto a imprimir. Primeiro bocetan a medalla, o trofeo, o chaveiro,...
   
   
   
   
   
   
   
   
   
   
2. A continuación fan o deseño no programa tinkercad. Os seus deseños son todos preciosos. Hai rapaces que lle poñen colores ás distintas partes do deseño sabendo que na escola so podemos imprimir a unha cor.
3. Unha vez elaborado o deseño, exportamos a imaxe a formato .stl, o metemos nun pendrive e llo facilitamos á profe, quen ao longo da semana fai as impresións. Os deseños dos rapaces, leva moito tempo facelos, e a impresora 3d é moi caprichosa, tendendo a atascarse, québrase o filamento, atáscase a boquilla, pero, os deseños acaban impresos. 
4. Unha vez imprimidos, coa axuda da tablet, facemos unha fotografía ao noso obxecto cun fondo neutro, a exportamos á galería da profe, para que nola imprima.
5. Por último, completamos a planilla.
7. 
   

Este é un gran traballo de deseño e producción de obxectos. A rapazada gozou moito con este traballo de creación.

 

ALMA E CORAZÓN

Vir a escola ten moitas cousas boas pero días coma hoxe so acontecen unha vez. 

Orgullosos de todo o noso alumnado, do noso profesorado, e das fermosas verbas de recoñecemento que nos dedicaron hoxe tanto a Presidenta da Deputación, Dona Carmela Silva, coma a grande escritora viguesa, Ledicia Costas. 

Neste acto a protagonista foi Iria Portabales Fernández, creadora de Talento, personaxe principal do novo libro de Ledicia, ALMA E CORAZÓN.

Nesta presentación do libro, a Deputación agasallounos a todos cun exemplar do libro e co espectáculo ASDOMARE, a cargo de Vero Rilo, xunto ao acordeonista Santi Cribeiro,  co que se aproveitou para celebrar o Día Mundial do Teatro. 

 

Magnífica a celebración do acto de entrega do premio do Concurso "Búscase a Talento" da Deputación de Pontevedra.

So nos queda dar as Grazas á Deputación de Pontevedra, polo seu esforzo para que toda a escola puidese participar neste acto, grazas a Carmela, Presidenta da Deputación pola súa cercanía e por poñer en valor as actividades que levamos a cabo na escola, e grazas a Ledicia por convertir en arte todos os seus pensamentos. 

Grazas por este premio tan especial e emocionante!, e...

Noraboa a Iria!

 

 e noraboa aos presentadores do acto, Mar e Xoel.