Migallas no Resío

Hoxe os nenos e nenas de 3º e 4º gozamos dunha sesión de Contacontos  e música  "ELAS CONTAN MOITO" a cargo de Bea Campos e Manuel Pombal, da compañía Migallas Teatro. Con eles revivimos as historias de "Rosa Caramelo", "Daniela Pirata", "O libro dos porcos" e "Papá, por favor, achégame a lúa" dun xeito moi divertido. Grazas, artistas!

 

 (Preme na foto para ver máis)

Esta actuación é parte dos agasallos que obtivo a escola tras gañar a nosa alumna Iria Portabales o Concurso IGUALITARIO da Deputación de Pontevedra "Búscase a Talento. Estivemos tamén acompañad@s da Deputada e Concelleira Ana Laura Iglesias.

 

 

 

 

TRISTE NOTICIA

Hoxe deixounos Domingo Villar, escritor que levou á nosa cidade ao cumio literario; Vigo, as súas parroquias, os seus arredores , os seus lugares senlleiros, e as súas rúas foron descritas por el nos seus libros.

Dende O Resío sumámonos ao pesar de tódolos vigueses e de todos os seus lectores

 

 Libros de Domingo Villar

Maios e Letras Galegas 2022

 O venres 13 de maio celebramos na nosa escola a festa dos Maios e o Día das Letras Galegas, que este ano 2022 está adicado a Florencio Delgado Gurriarán. 

Ao longo da semana estivemos traballando diversas actividades para coñecer a súa obra e a súa traxectoria vital. Os materias cos que traballamos foron estes.

As primeiras horas da mañá adicámolas a montar o maio e preparar as grilandas para decoralo. Despois, entre todas as aulas fomos adornando o noso maio coas grilandas confeccionadas na clase. Ao rematar, cantámoslle as coplas.

Aquí podedes ver as fotos que fixemos ao longo da xornada: 

FOTOS 1

FOTOS 2

Máis tarde, o alumnado de 4º de Ed. Primaria bailou a danza das fitas, como é tradición na nosa escola.

Despois cantamos todos o Himno e rematamos a xornada nun ambiente de festa. 

O nivel musical estivo moi alto, como demostrou o noso grupo folclórico "Airiños do Resío".

Acompañáronnos nesta celebración as pendeireteiras "As mozas de ouro" e os gaiteiros Xacobe e Luís, todos eles procedentes de Coruxo, aos que lles estamo moi agradecidos e agardamos que nos volvan acompañar en próximas ocasións.

QUEN SERÁ?

 

RESUMO DAS XORNADAS DE EXPERTOS "ALÉN DO RESÍO"

EXPERTOS NA HISTORIA DE VIGO EN QUINTO DE PRIMARIA

 <div class="container-wrapper-genially" style="position: relative; min-height: 400px; max-width: 100%;"><video class="loader-genially" autoplay="autoplay" loop="loop" playsinline="playsInline" muted="muted" style="position: absolute;top: 45%;left: 50%;transform: translate(-50%, -50%);width: 80px;height: 80px;margin-bottom: 10%"><source src="https://static.genial.ly/resources/panel-loader-low.mp4" type="video/mp4" />Your browser does not support the video tag.</video><div id="62717d28173c8e00153ee5ea" class="genially-embed" style="margin: 0px auto; position: relative; height: auto; width: 100%;"></div></div><script>(function (d) { var js, id = "genially-embed-js", ref = d.getElementsByTagName("script")[0]; if (d.getElementById(id)) { return; } js = d.createElement("script"); js.id = id; js.async = true; js.src = "https://view.genial.ly/static/embed/embed.js"; ref.parentNode.insertBefore(js, ref); }(document));</script>

NAVEGA CON RUMBO

 

Hoxe, tivemos a sorte de contar con Ramón, peersoa pertencente ao Colexio Profesional de Enxeñaría en Informática de Galicia (CPEIG),  que  en colaboración coa Xunta de Galicia, axudounos e ensinounos como podemos navegar pola Rede con seguridade. 

Na charla, tentouse que o alumnado se mentalizase da necesidade de facer un uso responsable das novas tecnoloxías.A Internet é divertida e útil. Pódese buscar información para realizar traballos e tamén coñecer e comunicarte cunha chea de persoas ou divertirte xogando.  Hai un principio común a todas elas: non fagas en Internet nada do que non farías na túa vida real. 

A Internet representa un mundo de posibilidades para o lecer e a aprendizaxe pero tamén supón unha serie de riscos, aprendamos a viaxar polo seu espazo.

 

SAAABOR!!!, TEATRO NO RESÍO

 Hoxe recibimos na nosa escola a Félix Rodríguez e Fran Rei que fixeron as delicias das nosas nenas e nenos co seu espectáculo SAAABOR!!!

Dous reputados chefs chegan a un pobo para amosarnos as súas habilidades culinarias. Pero as cousas non remaan de ir ben!

Música, humor, máxia e a cociña polo medio, fixeronque o noso alumnado de primeiro, segundo, terceiro e cuarto curso de primaria pasasen un bo rato gozando desta divertidísima representación.

Pasámolo xenial!!!

XADREZ NA ESCOLA

 Segunda xornada do programa de Xadrez na escola, grazas ao programa xogade. 

O alumnado do terceiro curso de primaria aprenden e coñecen o xadrez, un xogo educativo que permite o desenvolvemento do pensamento computacional. Xogando o alumnado identifica, analiza e resolve os problemas que se lle propoñen. 

Seguiremos a coñecer este deporte tan fermoso!

CONCURSO: HAPPY EASTER

 Fermosa a exposición creada entre todos os paticipantes neste tradicional concurso que se desenvolve na escola dende hai varios anos.

Gañe quen gañe todos somos gañadores pois gozamos do deseño e decoración do noso ovo.

Aquí tedes a ligazón as imaxes da exposición.

 

DÍA DO LIBRO

Logo da pandemia, por fin, volvemos a gozar dun día do libro no que os apadriñamentos lectores foron o máis significativo. Nenos e nenas de cuarto, quinto e sexto curso de primaria apadriñaron aos máis cativos da escola. Prepararon cadanseu libro e gozaron dun intre de lectura compartida.

Na seguinte ligazón tedes todas as imaxes do acto que rematou coa entrega dos premios do concurso de identificativo para o evento.

 

Os gañadores foron:

• Xoana Barcia
• Xacobe Barcia
• Brais Miguelez

E houbo rascas para todos os participantes.

 

 

EXPERTOS NAS ESCULTURAS DE VIGO

EXPERTOS NA FAUNA E NA FLORA EN VIGO

O alumnado do quinto curso de infantil, expertos na fauna e na flora de Vigo, explícannos os seus descubrimentos. Noraboa polo voso traballo!

EXPERTOS NOS MEDIOS DE COMUNICACIÓN DE VIGO

Os rapaces  máis pequen@s da escola son expertos nos medios de comunicación. Fixádevos cantas cousas nos ensinan.

EXPERTOS NOS MEDIOS DE TRANSPORTE DE VIGO

Marabillosa conferencia a dada hoxe polo alumnado do cuarto curso de primaria.

Os rapaces falaron dos diferentes medios de transportes en Vigo: aéreos, marítimos e terrestres.

 

 

EXPERTOS NAS FESTAS DE VIGO

Magnífica conferencia do alumnado do terceiro curso de primaria, na que fixeron un percorrido por todas as festas, romerías e feiras máis importantes da nosa cidade.

 

HOXE VISITOUNOS A ESCRITORA TERESA GONZÁLEZ COSTA

Comeza o mes de abril, comeza o mes dos libros. Mañá día 2 celébrase o DÍA DO LIBRO INFANTIL E XUVENIL. Na escola temos unha visita moi especial para celebralo:

 TERESA GONZÁLEZ COSTA

 Teresa González Costa, escritora de libros tan importantes como:

• "A filla do ladrón e bicicletas"
• "A memoria dos Paxaros"
• "A nena e o monstro e o mar"
• "Pingueiras e tarteiras"
• "A noite das bicicletas"
• "Eu, pel"
• "Fred Quincalla, o nómade do mar"
• "Sempre quixen bailar un tango"
• "Unha abella máxica no camiño", entre outros.

Teresa falou coa rapazada do libro "Unha abella máxica no camiño" e comentaron ilustracións, trama, desenlace,... Poderá escribir unha continuación a este libro?.

Teresa asinou no libro de visitas ilustres da nosa biblioteca e nos escribiu a cada un de nós unha dedicatoria no libro.

GRAZAS TERESA E GRAZAS XERAIS POLA VISITA!

 

EXPERTOS NAS PARROQUIAS DE VIGO

Como dixemos onte Vigo é moi grande, pero como se divide administrativante?

Vigo se divide en Parroquias, en cantas?

Estade moi atentos que os superparroquianos volo imos explicar.

Esperamos que aprendades moito da vosa cidade.

ATLETISMO EN PISTA

 O alumnadodo quinto curso de primaria participou hoxe 31 de marzo nunha divertida xornada de atletismo xunto a outras escolas da cidade. Facía frío nas pistas do CUVI, mais os nosos rapaces fixeron unha gran actuación e pasárono moi ben competindo nas carreiras, lanzamentos e salto de lonxitude. A proba máis emocionante foi a carreira de remudas, na que os nosos equipos conseguiron clasificarse na segunda posición.

 

EXPERTOS NA HISTORIA

O alumnado do quinto curso de primaria, leva todo o ano investigando e aprendendo a nosa historia. Coma en todas as cidades a historia de Vigo é longa.

Que é unha cidade?

Por que ten este nome?

Como xurdiu?

Como medrou?

Como se organiza?

Como está deseñada?

 

EXPERTOS NA ARQUITECTURA DE VIGO

Que é a arquitectura?

Cantos tipos de arquitectura hai?

Construccións Defensivas, construccións Relixiosas, Pazos, Casas Señoriais, Arquitectura Modernista,  Arquitectura Contemporánea, Rañaceos, ...

Sabedes cal é o rañaceos máis alto de Vigo?

Efectivamente, o rañaceos máis alto e máis antigo da nosa cidade é o da Cidade da Xustiza, antigo Hospital Xeral que mide 75m de altura; foi construído no 1955. 

 

EXPERTOS NA INDUSTRIA VIGUESA

XORNADA INAUGURAL DA XI XORNADAS DE EXPERTOS.

Hoxe comezan na escola as XI XORNADAS DE EXPERTOS. No presente curso escolar somos expertos ALÉN DO RESÍO.

 Estas xornadas son un dos nosos proxectos estrela, nel se busca que o alumnado sexa quen de falar en público. É moi importante falar pero tamén escoitar. E deso se trata.

Nesta xornada inaugural comeza o alumnado do primeiro curso de primaria que son expeertos en VIGO CIDADE DE COR.

RECONQUISTA 22

 

Por fin chegou o día, hoxe gozamos da Reconquistiña. Día soleado e moitas ganas de festa e troula. O desfile partiu das Avenidas facendo un percorrido sinxelo para a rapazada.

 Fixemos un descansiño na Praza de Compostela onde todos os participantes cantaron e tocaron xuntos. 

Alí, felicitounos o Alcalde e logo continuamos o pasarrúas ata a Praza do Berbés donde gozamos dunha rica merenda e dun concerto da man de OLLO AO PIOLLO.

Grazas á Asociación veciñal e cultural do Casco Vello por convidarnos a participar nesta festa tan importante para a nosa cidade. 

Preme na ligazón se queres gozar das imaxes da Reconquistiña 22.

DESCUBRINDO A TALENTO

1º PREMIO: IRIA PORTABALES

                  CEIP. VIRXE DO ROCÍO

 Hoxe foi un día moi especial, pois a nosa escola recibiu un premio de mans da Deputación de Pontevedra pola nosa participación na Campaña Búscase a talento. 

Este é TALENTO:

e esta é Iria con Talento:

 

Estivo acompañada pola súa familia mailos seus compañeiros e mestres. 

 

 

 

A alumna IRIA PORTABALES FERNÁNDEZ, recibiu o primeiro premio de mans da Presidenta da Deputación Dna. Carmela Silva. Ela, igual que o resto do alumnado da escola, creou un xoguete para todas as nenas e nenos do mundo. Esta personaxe xorde da imaxinación de IRIA, e agora, será Dna. LEDICIA COSTAS a encargada de darlle vida nun conto que estará en todas as casas e bibliotecas. Ledicia será a encargada de conarnos as súas historias, as súas aventuras, os seus valores...Ela tamén utilizará a imaxinación para adentrarnos nun mundo cheo de aventuras e igualdade.

Noraboa, Iria!

 

Aquí tedes a ligazón co video da entrega de premios.

Aproveitamos a viaxe para coñecer as ruinas de San Domingo, o Teatro Principal e a contorna do Concello de Pontevedra.

Na seguinte ligazón tedes todas as imaxes do evento.

 

https://photos.app.goo.gl/6iRiJGPAue8F6LUz9

SEGUIMOS A PREPARAR A RECONQUISTIÑA

 Hoxe martes, entramos na escola ataviados coas nosas mellores galas.

 Imos a presentarnos ante os compañeiros e compañeiras da escola. Iamos moi guapiños e temos un estandarte precioso. Esperamos que gocedes do pasarrúas tanto coma nós.

 

IMAXES DO EVENTO, PREME NA LIGAZÓN

https://photos.app.goo.gl/W3onHAu5yYVbD3os6

PREPARANDO A RECONQUISTIÑA

 A festa da Reconquista xa está aquí. Os vigueses e viguesas retrocedemos ao ano 1809 para rememorar un dos episodios históricos máis importantes da nosa cidade.

Cachamuíña, Carolo, Aurora, O abade de Valadares, o alcalde Vázquez Varela, entre outros serán os protagonistas que lle otorgou a nosa cidade o título de "Fiel, leal e valerosa".

Na escola, inmerso no PDI "Alén do Resío", participaremos na RECONQUISTIÑA  que é a festa de época destinada aos máis cativos. A rapazada da nosa escola xunto cos nenos e nenas doutras escolas desfilarán o xoves 24 de marzo polo Casco antigo da nosa cidade.

As familias están convidadas, pero teñen que vestir de época.

Nas casas, xa están a prepararas chambras, as puchas, os corpiños, as calzas, os refaixos, os panos, os dengues, os mantóns, as toquillas, os panos, os mandiles , os zocos, os xustillos mailas enaguas.

Que guapos e guapas imos desfilar.

E como non podíamos desfilar sen tocar os tambores, deixamosvos aquí unha mostra dos nosos ensaios.

 

 

1º PREMIO CONCURSO "BUSCASE A TALENTO"

 Hoxe estamos de noraboa. Unha alumna da escola resultou gañadora do Concurso organizado pola Deputación de Pontevedra "Buscase a Talento".  Dende a área de expresión plástica, traballamos a composición e a creación de personaxes, e froito do esforzo e do traballo de todos, saiu unha gañadora da escola. A galardoada é...

IRIA PORTABALES FERNÁNDEZ

Así de feliz, recibía a nova.

Por certo, quen será talento?

NOVOS OBRADOIROS DE BIBLIOTECA CREATIVA

 Hoxe foi a quenda do alumnado do primeiro, segundo e terceiro curso de primaria. Cada un destes cursos acompañados por PAOLA GUIMERANS desenvolveu uns obradoiros moi interesantes.

Ao longo de toda a mañá, o máis cativos fixeron un obradoiro onde descubriron as propiedades da Plastilina conductora. Plastilina Conductora, foi un obradoiro sinxelo pero divertido que  iniciou á rapazada no mundo do STEAM.

Os de segundo descubriron a amplitude de posibilidades lúdicas e educativas do MAKEY MAKEY e os de terceiro crearon unha cidade  con circuítos de papel. A iluminaron con cinta de cobre adhesiva, pilas e luces led, todo un circuito de papel, no que descubriron como circula a electricidade.