USAMOS A CORTADORA LASER MR BEAN

 Este curso chegaron a escola moitos materiais dos Polos Creativos, e o primeiro que tivemos que facer, foi desembalar a nova ferramenta tecnolóxica, instalala, colocar un computador co seu programa de funcionamento e ser quen de fomentar a curiosidade nos compañeiros e compañeiras para que se animasen a utilizala nas aulas cos cativos.

 

As actividades realizadas co profesorado foron as seguintes:

1. Montaxe e configuración da cortadora láser

   • Familiarización co funcionamento da máquina.

   • Axuste de parámetros segundo o material empregado.

2. Elaboración dun cartaz 

   • Creación dun cartaz en madeira de balsa coa mensaxe NON PODES PASAR DE LELO, destinado á nova estantería da biblioteca dos pais.

   • Uso da cortadora láser para gravar e recortar o deseño con precisión.

3. Deseño e creación de marcapáxinas

   • Experimentación con diferentes materiais e estilos para personalizar marcapáxinas.

   • Aplicación de técnicas de gravado para incorporar detalles decorativos.

4. Proposta de medalla para os mellores lectores e lectoras

    Elaboración dun deseño especial de medalla que premie o alumnado con maior hábito de lectura e a avaliación de distintos formatos e materiais para a súa produción final.

    

Actividades realizadas con alumnado

5. Creación de corazóns para disfraces de mimos

    

   • Deseño e recorte de corazóns en goma eva de purpurina vermella.

   • Aplicación práctica da cortadora láser para traballar con este material.

     

     
     
     
     

6. Elaboración de letras para o cartaz "Poesía á escena"

   • Creación de letras decorativas para o cartaz da actividade literaria.

   • Axuste do tamaño e estilo das letras segundo o deseño final.

      

Este proxecto non só permitiu ao profesorado adquirir habilidades no uso da tecnoloxía láser, senón que tamén integrou ao alumnado en procesos creativos e colaborativos.

CREACIÓN DE CIRCUITOS ELÉCTRICOS EN MAQUETAS

 

EXPLORANDO A ELECTRICIDADE

Nesta actividade da materia de ciencias naturais, o alumnado de sexto curso explorou o funcionamento dos circuítos eléctricos e a súa aplicación en maquetas, combinando teoría e práctica para comprender a utilidade da electricidade no día a día.

Para comezar, na aula, os estudantes experimentaron coa creación de circuítos pechados, empregando pilas grandes, bombillas e diversos elementos complementarios como hélices para ventiladores e muiños. Este proceso permitiulles observar como a enerxía eléctrica circula e activa distintos mecanismos, reforzando conceptos clave sobre condutores, illantes e o uso responsable da electricidade.

A actividade completouse cun proxecto de creación de maquetas na casa, coa colaboración das familias. Aplicando os coñecementos adquiridos, cada alumno deseñou e construíu unha maqueta funcional, integrando elementos eléctricos para ilustrar diferentes aplicacións prácticas. Esta fase permitiu fortalecer a aprendizaxe mediante a experimentación e fomentou a implicación das familias no proceso educativo, creando un ambiente de aprendizaxe compartida.

Finalmente, as maquetas foron presentadas na aula diante dos compañeiros, promovendo a expresión oral e a capacidade de comunicar ideas de forma clara e estruturada. Este momento de exposición axudou aos alumnos a perder o medo escénico, reforzando a súa autoconfianza e capacidade de síntese. Explicar o seu propio traballo permitiulles desenvolver habilidades fundamentais como a argumentación, a oratoria e a comunicación efectiva, aspectos esenciais en calquera ámbito da vida.

 

 

A través desta actividade, non só adquiriron coñecementos sobre electricidade, senón que tamén potenciaron competencias transversais como a creatividade, o traballo en equipo e a expresión oral. A aprendizaxe converteuse nun proceso dinámico e participativo, onde cada estudante puido sentirse protagonista do seu propio desenvolvemento.

 

DESCUBRIMOS O KAPLA

 Á escola chegaron varios xogos de Kapla. Este é un xogo de construción baseado en pequenas táboas de madeira de pino, todas do mesmo tamaño, que se apilan sen necesidade de cola nin fixacións. O principal obxectivo deste xogo é fomentar a creatividade, a precisión e o equilibrio a través da construción libre ou guiada (existen varios libros con exemplos de construción).

 

En primeiro lugar, deixeille o xogo aos rapaces para que experimentaran e  puideran  crear as estruturas que quixeran. Ao estar xogando en equipo tiveron que planificar antes de construír. Experimentaron e xogaron coas simetrías, o equilibrio e as proporcións. 

Traballaron de dous xeitos: primeiro ideando e construíndo un deseño libre e logo seguiron os modelos dos manuais Kapla a través dunha construción guiada.

 

EXPERIMENTAMOS COS NOVOS MATERIAIS DA AULA STEAM

 

Korbo é un xogo de construción baseado en engrenaxes e rodas dentadas, que permite aos nenos e nenas crear estruturas que se moven.

Poderiamos dicir que é un xogo que permite a aprendizaxe e que desenvolve a creatividdade e a imaxinación nos cativos. Eles poden construír libremente ou seguir o manual do libro explicativo.

Permite mellorar a motricidade fina e a coordinación ollo-man, pois teñen que encaixar de xeito preciso as pezas. Aprenden xa dende tan cativos como funcionan as engranaxes a través da proba-erro.

 

ROBÓTICA EDUCATIVA COS MÁIS PEQUENIÑOS DA ESCOLA

 O alumnado do cuarto curso de Educación Infantil, traballaron na aula STEAM co xogo "Code&Go Robot Mouse"

Os cativos programan os movementos do rato, quen lle permite aprender os fundamentos da codificación sen necesidade dun computador ou pantalla. 

Foi unha actividade moi divertida! Fixemos túneles e creamos laberintos para o noso rato.

 

ARTELLANDO NA AULA STEAM CO MAKEY MAKEY

Na aula Steam, é tempo de experimentar e artellar. Imos traballar cos Makey Makey.  

 

 MATERIAL NECESARIO:

• 1 placa MAKEY MAKEY
• 1 computador
• 1 cable de conexión da placa co computador
• 7 cables clip caimán
• cable
• cartón
• encuadernadores 

Con este proxecto buscamos que o alumnado aprenda a  conectar diferentes materiais que conducen a electricidade grazas a unha placa que contén unha interface moi sinxela.

 

 https://photos.app.goo.gl/pi6SgpmbPQ1VazzP6

O profesorado elaborou un titorial  que seguirá o alumnado   para experimentar diferentes circuítos eléctricos.

Moi interesante a  aprendizaxe en equipos colaborativos!

Máis interesantes os titoriais que elaboraron entre eles para que outros compañeiros poidan experimentar con este material. 

 

 

A DIRECTORA XERAL DE ORDENACIÓN E INNOVACIÓN EDUCATIVA VISITA A NOSA ESCOLA

 Hoxe foi un día moi especial, Judit Fernández, Directora Xeral de Ordenación e innovación educativa visitou a nosa escola para a presentación oficial do programa de Biblioteca creativa, ao que pertencemos dende hai xa moitos cursos. Esta iniciativa busca a iniciación do alumnado no pensamento computacional a través de actividades manipulativas, entre outras, introducindo un espacio de creación e experimentación. O traballo en equipo é primordial.

 Aproveitou para coñecer os nosos proxectos, compartindo unha sesión de traballo na aula Steam, e comprobar como a rapazada domina o traballo cos MAKEY-MAKEY mailo programa de programación SCRATCH.

 

Desenvolvimos uns obradoiros moi divertidos e deunos os parabéns.

 

Tiramos unha foto xuntos e aproveitou para coñecer as nosas instalacións.

Grazas!

BENVID@S AO CURSO 2024/2025

 Este mércores día 11, voltamos ás aulas. Os mestres estamos preparados, e vos?

Esperamos que vos guste o noso recibimento. Nós pasámolo fenomenal facéndoo!

 

O VIOLÍN DE LUISA

 Con motivo da celebración do Día das Letras Galegas, e tendo en conta a faceta musical de Luisa Villalta, dende a biblioteca, proponse na sesión Steam, un proxecto no que o alumnado traballando en equipos colaborativos, sexa quen de facer un violín sonoro.

Os obxectivos da actividade consistían en aprender a usar a placa Makey Makey, comprender os seus principios  e conceptos básicos de circuítos eléctricos e desenvolver habilidades de programación elemental utilizando Scratch. Nesta actividade promovemos o traballo en equipo, a colaboración entre o alumnado e a resolución de problemas.

Ao chegar á aula, presentamos o Makey Makey e explicamos de xeito sinxelo aos rapaces  que é e como funciona.

A continuación facilitamosl a cada equipo encadernadores, fío condutor e o Makey Makey para que cortaran e montaran o violín, colocando de xeito axeitado os fíos condutores.

Logo do anterior, queda facer a Conexión do Makey Makey ao computador do alumnado e facer a conexión dos fíos condutores á placa mediante as pinzas crocodilo e comprobar a condutividade e o funcionamento do circuíto.

Unha vez comprobado, so queda facer a través do Scratch a programación para que cada corda soe cunha nota distinta, ou que cada corda soe como un instrumento diferente,...

 

Só queda que a rapazada faga as probas e axustes necesarios para mostrar aos demais os seus violíns sonoros e que nos expliquen como avalían o traballo desenvolvido.

 

Queda claro que Luisa Villalta foi unha escusa para desenvolver un proxecto que combina tecnoloxía, creatividade e programación.

 

Aproveitamos a ocasión para ensinarlles a condutividade do corpo humano. Probamos a tocar co Makey Makey, o Scratch mailo noso corpo.

 Foi unha experiencia marabillosa!

COMO CONVERTIR UNHA IDEA NUN PROXECTO

 Esta semana tivemos a sorte de  contar con Marcos Cabrera Riande, pai de Mateo e Martíño. Este  físico, nos ofreceu un faladoiro moi ameno e enriquecedor para o  alumnado do quinto e sexto cursos de primaria,  no que nos aprendeu que son as startups.

Grazas Marcos por falarnos de cousas tan interesantes!

Un pracer contar con pais que nos axudan tanto!

 

CREANDO CON LEGOS. CREANDO AO MECO EXPLORADOR

 Continuamos a crear na biblioteca, na aula steam Os máis cativos  con moita paciencia, tiveron que resolver o reto proposto: Coas pequenas pezas dos legos, tedes que construír o Meco da escola, o Meco Explorador.

Estas son algunhas das súas produccións:

 

 Nesta actividade fomentamos o desenvolvemento da creatividade. Os nenos e nenas teñen que construir o meco de xeito totalmente libre o que lle permite desenvolver a súa intelixencia emocional. Tamén contribue este xogo ao desenvolvento cognitivo dos rapaces, pois estimulamos as habilidades motoras finas e outras que tamén interveñen e fundamentalmente estimula o pesamento matemático. As construcción feitas permitenlle comprender o espazo, as dimensións e as proporcións dun xeito divertido.

 

TRABALLAMOS CON STOP MOTION. IMAXINAR PARA CREAR HISTORIAS

 

CREAMOS CON STOP MOTION POR SAN VALENTÍN

NOVOS OBRADOIROS DE BIBLIOTECA CREATIVA

 Hoxe foi a quenda do alumnado do primeiro, segundo e terceiro curso de primaria. Cada un destes cursos acompañados por PAOLA GUIMERANS desenvolveu uns obradoiros moi interesantes.

Ao longo de toda a mañá, o máis cativos fixeron un obradoiro onde descubriron as propiedades da Plastilina conductora. Plastilina Conductora, foi un obradoiro sinxelo pero divertido que  iniciou á rapazada no mundo do STEAM.

Os de segundo descubriron a amplitude de posibilidades lúdicas e educativas do MAKEY MAKEY e os de terceiro crearon unha cidade  con circuítos de papel. A iluminaron con cinta de cobre adhesiva, pilas e luces led, todo un circuito de papel, no que descubriron como circula a electricidade.

BIBLIOTECA CREATIVA. KIT CREATIVO: POSTAL DE NADAL

 

Na aula Steam algo está a acontecer...

• Bolsas
• Mensaxes
• Retos
• Tablets
• Croma
• ...

O que estamos a facer, en breve volo imos contar, o que vos podemos adiantar, é que moi divertido está  a ser.