EXPERIMENTAMOS: O MILLO SALTARÍN

 

O experimento do millo bailarín!

Nun bote de vidro botamos auga, bicarbonato e uns grans de millo; logo añadimos vinagre e agardamos un pouquiño... 

A maxia apareceu! Os grans de millo comezaron a bailar dentro do bote

 

COMO CONVERTIR UNHA IDEA NUN PROXECTO

 Esta semana tivemos a sorte de  contar con Marcos Cabrera Riande, pai de Mateo e Martíño. Este  físico, nos ofreceu un faladoiro moi ameno e enriquecedor para o  alumnado do quinto e sexto cursos de primaria,  no que nos aprendeu que son as startups.

Grazas Marcos por falarnos de cousas tan interesantes!

Un pracer contar con pais que nos axudan tanto!

 

NAIS E PAIS STEAM

OBRADOIRO DE COCIÑA: FILLOAS

 Hoxe tivo lugar un obradoiro de cociña no sexto curso de primaria: Filloas.

Aproveitouse para traballar, en equipo, a roda dos alimentos, etiquetas nutricionais, data de caducidade e etiquetado dos envases.

Creamos a nosa marca de filloas e deseñamos o seu envase para comercializalas; aprpveitamos os coñecementos adquiridos en xeometría, xa que os envases son volumes xeométricos! 

 

11 DE FEBREIRO, DÍA DA NENA, A MULLER E A CIENCIA

O día 11 de candeas conmemorase o Día Internacional da muller e a nena na ciencia a través de actividades que visibilizan o traballo das mulleres que se dedican ás areas STEAM, creando así referentes femininos para a rapazada e tamén pretende dar a coñecer os distintos factores que afectan ás mulleres para alcanzar a igualdade de xénero no ámbito científico. 

Esta data celébrase dende o ano 2015. 

No recibidor da escola temos un xogo con grandes mulleres científicas, co que traballaremos ao longo desta semana. Ademáis,   pedimos a colaboración familiar para levar a cabo experimentos científicos. 

Aquí tedes os traballos recibidos. 

 

Moitas grazas familias!

NAIS E CIENTÍFICAS

 Investigamos sobre as nais científicas da escola, vos enviamos a ligazón da presentación de todas elas. NAIS E CIENTÍFICAS DO RESÍO.

 

CIENCIA #NACASA DÍA INTERNACIONAL DA MULLER, A NENA E A CIENCIA

 

OS NENXS DO RESÍO E A CIENCIA NO LABORATORIO DO DOUTOR BACILUS

11 DE CANDEAS: DÍA INTERNACIONAL DA MULLER E A NENA NA CIENCIA

 
Hoxe, 11 de febreiro, conmemorase o Día Internacional da Muller e a Nena na Ciencia co obxectivo de visibilizar o traballo das mulleres que se dedican ás areas STEM. 

 

Con este motivo, na escola comezamos unha nova aventura investigando sobre as mulleres científicas presentes nas rúas de Vigo. Se acudimos ao plano de Vigo, vemos que, das case 2000 rúas e prazas que o compoñén, arredor de 40 se lle dedican a mulleres, e delas 3 son científicas.

Na entrada da escola, convertemos o laboratorio do Doutor Bacilus nun gran fondo submariño, no que hoxe apareceu o barco de Ángeles  Alvariño. Coñecemos aspectos da súa vida e a aprendemos algo dela e do seu traballo. Con Ángeles investigamos sobre a auga  e a relación que ten co noso corpo e coa contorna.  Hoxe, no tempo de lecer, a rapazada, presentou ante os seus compañeiros de escola distintos experimentos nos que a auga é fundamental. 

Investigamos sobre as nais científicas da escola, vos enviamos a ligazón da presentación de todas elas. NAIS E CIENTÍFICAS DO RESÍO

 

Tamén investigamos a:

• 
  Ángeles Alvariño, Científica galega recoñecida internacionalmente. Estudou Ciencias Naturais e
  foi a primeira muller en viaxar como científica nun buque de investigación británico.  Os seus traballos tiveron especial relevancia e aplicación na oceanografía e na bioloxía mariña.çEn Vigo traballou no IEO (Instituto ESpañol de Oceanografía), logo marchou aos Estados Unidos a seguir investigando. Descubriu 22 especies novas de ZOOPLANCTO. Os seus estudos foron de grande importancia para mellorar a pesca, que tanto depende da presenza do plancto.Hai unha rúa que leva o seu nome na urbanización de Cabo Estai en Canido.  
                                             
  
• Olimpia Valencia. Foi a primeira galega que fixo un doutoramento. Foi en Medicina en Madrid. Exerceu de xinecóloga na cidade olívica durante décadas, sendo a primeira médica con consulta propia.              
  
• Madame Curie. Naceu en Polonia e dá o seu nome a unha praza da Universidade. Descubriu un comportamento estraño nos átomos duns materiais, e chamoulle: Radioactividade. Foi a primeira muller en recibir o premio Nobel e... por dúas veces, en 1903 de física e en 1911 de Química.                                                       

E agora, precisamos a vosa axuda, vos convidamos a participar e colaborar con nós e vos facemos a seguinte proposta:

Nesta fin de semana podedes facer experimentos científicas en familia, gravalos en vídeo e mandalos ao wasap do cole, 658715569.

Durante a vindeira semana, todxs xs que queirades poderedes amosarnos os vosos experimentos durante o recreo no Laboratorio do Doutor Bacilus.

Veña, poñede os ollos científicos e ...

A DESCUBRIR!!

A EXPERIMENTAR!!! 

 

CONGRESO PRADARÍAS MARIÑAS

 Hoxe, un grupo reducido de alumnado do quinto curso de primaria representou á nosa escola no 

I CONGRESO sobre PRADARÍAS MARIÑAS que tivo lugar en OLEIROS.

Seis foron os alumnos seleccionados para explicar a outros rapaces doutras escolas as nosas experiencias na praia do Adro, o traballo desenvolvido e as conclusións obtidas.

Un fermoso traballo de investigación e divulgación científica. Noraboa! 

 Aquí a nosa exposición: Minuto 43

  <iframe frameborder="0" height="270" src="https://youtube.com/embed/VjCuj96L98E" width="480"></iframe>

11 DE FEBREIRO DIA DA MULLER E A NENA NA CIENCIA

Hoxe queremos visibilizar a todas as mulleres que ao longo da historia do mundo teñen traballado na ciencia pero que parecían invisibles. Entra nesta actividade, participa, xoga e toma nota: ao mellor dentro dun tempo algunha de vos estades nunha lista así. Quen sabe?

Gustouche ? Escribe aquí abaixo nos comentarios (ou ao correo da biblioteca : biblioteca@colexiorocio.com) o teu nome contando cales son as 5 mulleres científicas ou inventoras que máis te interesaron e por que. Recibirás un PIKEURO por cada unha!!!

11 DE FEBREIRO DIA DA MULLER E A NENA NA CIENCIA

O alumnado de 6º de primaria da escola  dobrou ao galego, o curso pasado, este video no que se visibilizan 12 MULLERES CIENTÍFICAS en diferentes campos e de diferentes épocas que abriron o camiño  da ciencia para todos e todas . Agardamos que servan de modelo para outras que virán.