AS FAMILIAS FAN MARABILLAS

Encontro ás cegas cun libro. A colaboración familia escola é un dos nosos piares fundamentais. Estades convidados a visitar a exposición.

 Polas mañás de 9 a 9.30 e polas tardes de 4 a 5h. 

 

GRAZAS!

 

 

CONSTRUÍMOS UNHA CHARCA NA ESCOLA

 O presente curso escolar, a aula do sexto curso de primaria, foi experto na charca. Para poder desenvolver o seu proxecto deciciron, en colaboración de outros membros da comunidade educativa, construír unha charca. O principal obxectivo é o de promover o respecto polo medio ambiente espertando a curiosidade e o traballo cooperativo. Desenvolver a observación é outro dos obxectivos pois para coñecer as caractrerísticas dos ecosistemas acuáticos, temos que saber identificar as plantas e animais que viven na charca, comprender o ciclo da auga, e aprender sobre a biodiversidade e as relacións entre os seres vivos. 

O proceso de construcción foi sinxelo. Primeiramente planificamos e deseñamos cómo queriamos a charca, mercamos o material necesario, buscamos o espazo onde colocala e coa axuda duns albaneis, fixemos a excavación e preparamos o terreo. Cando estaba todo preparado, enchemos a charca e so quedaba facer a plantción das plantas acuáticas e introducir a fauna.

Metemos cágados, tritóns, peixes,... que trouxeron as familias; pero,... ao cabo dos días non observamos a ningún. O acontecido o saben as gaivotas. Tivemos que volver a  traballar activamente, volvemos a meter cágados, tritóns e peixes, pero desta vez, protexemos a charca cunha rede que tiña o profe Juan no ximnasio. Agora estamos a facer un seguimento da charca, elaboramos un diario de campo e facemos debuxos e anotacións.

 

ESTE LUNS, NA BIBLIO

 

CELEBRAMOS O DÍA DO LIBRO INFANTIL E XUVENIL

Celebramos o Día do Libro Infantil e Xuvenil.

Ilustramos a proposta que este ano é Xapón que difunde a mensaxe de Eiko Kadono e o cartel de Nana Furiya co lema "Navega polos mares coas alas da túa imaxinación".

 

CICLO DE CINE EN FAMILIA: LUNS DE CINE ECOLÓXICO

Benqueridas familias, imos comezar este trimestre cun cico de CINE EN FAMILIA. Levarase a cabo durante cinco luns ás 16h.

Esperámosvos!

 

Lembrade que o alumnado de Educación Infantil e primeiro ciclo de primaria deberá vir acompañado dun adulto e de terceiro de primaria en adiante poden acudir sós.

A TVG, FAISE ECO DO NOSO PDI. SAÍMOS NO QUEN ANDA Aï?

 Un fermoso momento para compartir.

 

 

Hoxe, Ana, a nosa Xefa de Estudos, acompañada de catro alumnas do quinto curso de primaria Emma, Xoana, Ariadna e Olivia, participaron no programa Quen anda aí? da TVG

Mirádeo para saber que contaron!

Grazas ás súas familias por apoiarnos e por permitir que asistiran e colaborar neste proxecto tan bonito.

ENCONTRO ÁS CEGAS CUN LIBRO

 

Picolindo empresta ao alumnado un libro relacionado co tema anual "Un planeta cheo de vida" e agora espera os vosos fermosos traballos desexando que a súa elección fora do voso agrado. 

Boa Semana Santa!

COMO CONVERTIR UNHA IDEA NUN PROXECTO

 Esta semana tivemos a sorte de  contar con Marcos Cabrera Riande, pai de Mateo e Martíño. Este  físico, nos ofreceu un faladoiro moi ameno e enriquecedor para o  alumnado do quinto e sexto cursos de primaria,  no que nos aprendeu que son as startups.

Grazas Marcos por falarnos de cousas tan interesantes!

Un pracer contar con pais que nos axudan tanto!

 

CHEGAN NOVAS TRAMPAS DE VELUTINAS

 Agora que chega a Semana Santa, imos a construír moitas trampas na casa.

Grazas familias!

DÍA DA POESÍA, 21 DE MARZO

 

AGASALLA POESÍA, todos escollen e agasallan poesías e, para ver se algúen se acordou de ti, tes que ir á biblioteca e preguntar aos encargados: Hai versos para min?, entón mirarán na caixa e chos darán.

Ademáis, no centro da biblio montamos unha gran cesta con libros de poesía en galego que tiñan que ver co tema anual: animais, ,plantas, ecosistemas, paisaxes... Todo o alunado de primaria pasou por alí, elixiu o seu poema e gravouno na Radio Escolar. Os máis chulos foron incluídos nun podcast.

17 DE MARZO, DÍA DO CÓMIC

 Co gallo da celebración do DÍA DO CÓMIC, na escola, dentro do PDI anual e dende o Laboratorio das Artes, levamos a cabo unha actividade creativa de invención de personaxes en equipos colaborativos e creación de cómics xa de xeito individual coas personaxes creadas en equipo, no que poden aparecer entre outros, a mascota da escola, Picolindo ,e cunha temática ecolóxica.

Fermosos traballos os realizados polo alumnado do quinto e sexto curso de primaria. Podedes gozar deles nesta presentación ou no libro/cómic preparado con tódolos traballos na escola.

Esta é a súa portada.

 

DÍA DO PAI

 Hoxe é o Día do Pai, un xeito de agasallalos e de recordarlles o importantes que son para nós.

TRAMPAS DE VELUTINAS

  

 

 

 

HOXE VISÍTANOS: PABLO NOGUEIRA

 Hoxe tivemos na escola a primeira visita de autor@s do curso grazas a, Edicións Xerais. Pablo Nogueiras, falou do seu libro "Ringo, memorias dun Coello fedello", que está cheo e palabras antigas rescatadas das memorias dos avós, coma se dun tesouro se tratara, ou das diferenzas, como algo que nos une. 

Tamén nos lembrou a importancia de reler sempre o que escribimos para poder producir textos fermosos.

 

Desexando estamos de ler o seguinte libro que está a piques de saír e que é de POESÍA.  

Grazas pola túa dedicatoria, e grazas por asinar tantos libros.

 

 

Grazas Pablo pola túa visita!

OBRADOIRO " TE LO CUENTAN LAS MATEMÁTICAS" COA UVIGO

Feliz día das Matemáticas!

A pasada semana gozamos cos talleres manipulativos  e mañá cos tecnolóxicos.

 

O quinto curso de primaria, traballa este trimestre o bloque "Te lo cuentan las cónicas, te lo cuenta una astrónoma" e o sexto curso " Te lo cuentan los movimientos, te lo cuenta una artista".

O alumnado de quinto participará no lanzamento dun satélite artificial e os de sexto crearán un gif animado, creado grazas a unha sucesión de maxes en movemento.

Uns fermosos obradoiros grazas a unha moi boa iniciativa da Universidade de Vi

go.

Aquí podedes ver todo o que fan. Son marabillosos!

https://telocuentanlasmatematicas.webs.uvigo.es/ 

https://telocuentanlasmatematicas.webs.uvigo.es/recursos/ 

Grazas!