O BLOGUE DE PICOLINDO

sábado, 26 de febreiro de 2011

O NOSO LIBRO DAS MÁQUINAS.

CADA NENO/A DE 4 ANOS FIXO UN CADERNO COAS MÁQUINAS MÁIS IMPORTANTES E AS FERRAMENTAS QUE AXUDAN A FACER O NOSO NOVO COLE.

AQUÍ TEDES A PRESENTACIÓN DO LIBRO.

ESCOLLÉRONSE PÁXINAS DALGÚNS NENOS/AS.

TAMÉN APRENDEMOS COUSAS IMPORTANTES SOBRE A SEGURIDADE NO TRABALLO NUNHA OBRA.

O NOSO LIBRO DAS MÁQUINAS. - diapositivas

xoves, 24 de febreiro de 2011

Estamos a preparar o Entroido dende hai tempo no cole, e na aula de 3 anos os máis pequeniños estamos moi ilusionados porque imos ser os carpinteiros que poñerán as fiestras e portas do novo cole . Estamos a coñecer e practicar coas ferramentas que eles usan e fainos moita ilusión.
Benvido, Entroido!!

ADIVIÑA QUEN SOMOS

luns, 21 de febreiro de 2011

ADIVIÑA QUEN SON...

A TRAVÉS DE SINXELAS MONTAXES COAS NOSAS FOTOS,PODEMOS TROCARNOS EN PERSONAXES OU COUSAS DIFERENTES.É MOI DIVERTIDO.PEKY,A NOSA AMIGA FOTÓGRAFA E EXPLORADORA,ADEMÁIS DA PROFE MARICRUZ,FIXERON POSIBLE ESTA MONTAXE PARA QUE RIADES UN POUQUIÑO NESTE ENTROIDO FOTOGRÁFICO NA AULA DE 4 ANOS.

ADIVIÑA QUEN SON. on PhotoPeach

UN E SETE. UN CONTO DE PAZ.

UN E SETE. NENOS DE PRIMEIRO. - diapositivas

domingo, 20 de febreiro de 2011

Ao chegar o Entroido,,, chegan as orellas!

IMOS FACER UNHAS SABOROSAS ORELLAS

ORELLAS DA VICENTA
( receita tradicional )

INGREDIENTES:

* 800 g. de fariña

* 100 g. de manteiga cocida

* 2 ovos

* 1 vaso de auga morna

* 1 copa de anís

* un chisco de sal

* aceite para fritilas e azucre para salferir por riba.

PREPARACIÓN:

Comezaremos mesturando a manteiga derretida coa auga nunha cunca, a seguir, engadimos os ovos mailo anís e o sal.

Onde vaiamos amasar, facemos un volcán coa fariña e alí envorcamos a mestura da cunca. Traballamos ben a masa. Unha vez rematado o traballo cortamos, coa man, a masa en anacos pequenos e estiramos estes coa axuda dun rolo (está ben rematar de estiralas coa man antes de poñelas na tixola, xa que canto máis finas, máis crocantes e saborosas).

Fritímolas en aceite ben quente e poñémolas a escorrer de pé enrriba de papel absorbente ou papel de cociña.

Unha vez todas fritidas e ben escorridas poñémolas nunha prata e salferimos azucre por riba.

QUE VOS SAIBAN!

SINXELA RECEITA DAS FILLOAS,PARA FACER COS VOSOS FILLOS/AS NO ENTROIDO.

INGREDENTES:

-200 g. de fariña.

-5 ou 6 ovos.

-2 vasos de leite.

-manteiga ou unto para a tixola.

Preparación:
Bátense tódolos ingredentes e obtemos un amoado bastante líquido. Se os ovos son moi grandes é mellor utilizar cinco e probar se o amoado que queda é o suficientemente líquido para que se estenda ben pola tixola e ademais calle ben.
Cocción:
As filloas prepararanse nunha tixola, preferiblemente das que son para as filloas porque teñen o bordo máis baixo e a filloa será máis fácil de voltear cando estea lista. Se non se dispón desta tixola ou ferro especial calquera tixola serve. Ponse ao lume e úntase coa axuda dun pano de mesa mollado en aceite, para que non quede moito aceite na tixola e as filloas non salgan graxentas. Unha vez que a tixola estea ben quente bótase unha cucllerada do amoado nela e cóbrese o fondo da tixola coa mestura de modo que quede unha película moi delgada. As filloas a diferenza das panquecas ou tortitas son moi delgadas. Cando os bordos da filloa comecen a dourar se voltea e cocíñase polo outro lado. Colócase nun prato e apíanse unhas enriba das outras, así conservarán mellor a calor e quedarán máis suaves.
Consellos:
As filloas cocíñanse moi rápido polo que non debemos descoidar en ningún momento a tixola e debemos controlar o lume para que non as queime.
Se queres filloas doces podes botar un pouco de azucre na mestura ou salferir azucre enriba da filloa acabada de facer.

QUE FAME! ÍMOLAS FACER AGORA MESMO.

BO PROVEITO.

PICOLINDO,PERECHO E MARICRUZ.

venres, 18 de febreiro de 2011

OS NENOS/AS DE 4 ANOS PREPARAN O SEU DISFRACE.

MOITÍSIMO,MOITÍSIMO TRABALLO,CASE UN MES E MEDIO QUE LEVO MIRANDO COMO TRABALLAN ESTES NENOS/AS E A PROFE MARICRUZ, CON ALGUNHA QUE OUTRA AXUDIÑA.AGORA A ESPERAR QUE NON CHOVA,PARA GOZAR DO ENTROIDO.

Bicos,PERECHO.
ESQUECÍASEME!
A PROFE MARICRUZ DIXO QUE SE NON ATOPADES O XERSEI E OS PETERPÁNS
NEGROS,O DÍA DO PASARÚAS,PODEDES TRAER OS NENOS/AS CO CHANDAL DO COLE,QUE TAMÉN VAI MOI BEN CO DISFRACE.

xoves, 17 de febreiro de 2011

CANTIGA "EL TREN DEL CARNAVAL"

O Entroido achégase!!

Preme a imaxe e ponte cantar!!

TREN DE CARNAVAL

Chucu chu súbete al tren, chucu chu ven.

Chucu chu súbete al tren, tren del carnaval

En carnaval la gente se pasea,

Enseña sus disfraces y a bailar.

Y con los niños les pones una fiesta

Y todo el mundo canta en carnaval

Muévete, gira otra vez, que tu cuerpo aguanta

Saluda y vuelve a girar, déjate llevar.

Muévete, gira otra vez, que tu cuerpo aguanta

Saluda y vuelve a girar en el carnaval.

Chucu chu súbete al tren, chucu chu ven.

Chucu chu súbete al tren, tren del carnaval

mércores, 16 de febreiro de 2011

SILUETAS

Os rapaces/as de 3º:

Xa sabemos describir trazos físicos e psíquicos...!

Xa sabemos usar o metro e a cinta métrica.!

Para demostralo, medímonos e medimos as nosas siluetas, describímonos e debuxámonos segundo os nosos trazos.

Aquí tedes a proba:

Siluetas - foto montaje

Siluetas - presentacion imagenes

A que o fixemos ben?

luns, 14 de febreiro de 2011

"Yo, TE AMO"

Hoxe, 14 de febreiro, traballamos o AMOR na aula dos nenos e nenas de 5 anos.

Para todas as persoas que sodes importantes para nós, agasallámosvos con este vídeo. Esperamos que vos guste!!
Contárnolo!! Escribide un comentario e publicarémolo!!

domingo, 13 de febreiro de 2011

PROXECTO LEMBRANZAS.

Este é o resultado de parte do traballo realizado polos nenos e nenas do primeiro curso do primeiro ciclo de educación primaria en colaboración coas familias. Esperamos que vos guste.