20 DE NOVEMBRO DÍA DOS DEREITOS DOS NENOS E NENAS.

O 20 de novembro do 1959, e xa van alá moitos anos, proclamouse a DECLARACIÓN DOS DEREITOS DOS NENOS E NENAS e seguimos vivindo múltiples situacións  nas que eses dereitos están ameazados ou simplemente non existen.

Malia  estar en castelán, aquí tedes unha listaxe dos dereitos dos nenos e nenas.

DEBUXAMOS A PRIMEIRA MARABILLA.

Picolindo enviounos a postal e nos debuxamos o noso particular Coliseo. Este anfiteatro deunos moito traballo. Todos os debuxos son marabillosos e o mellor de todo, todos son distintos e igual de bonitos. Tedes uns fill@ e nos uns alumn@s que son marabillosos.

MAGOSTO 2014

  Coa  chegada do outono, chega o tempo de celebracións tan tradicionais coma o MAGOSTO. O pasado martes día 11, DÍA DE SAN MARTIÑO, celebramos na escola esta festa tan tradicional. Ornamentada a escola para a ocasión, coa colaboración das familias celebramos unha festa que estivo presidida pola nosa castañeira.

Xunto ás castañas asadas que o noso porteiro Quique, xunto coas familias prepararon no centro para a ocasión, sumáronse ao programa   desta festa unha morea de obradoiros polo que pasaron tódalas aulas. Puideron xogar aos trompos, á culler-castaña, carreiras de zancos, tragacastañas con fisgas, camiño de castañas e incluso un karaoke.

E a choiva cesou. Despois de facer estes obradoiros nos corredores da escola, pasamos a gozar do magosto no patio, xa que o sol decidiu sumarse a esta festa tan " marabillosa".

TEMPO DE MEDO, TEMPO DE SAMAÍN NO ROCÍO.

Nas últimas datas, a entrada da nosa escola convertiuse nun corredor terrorífico coa vosa colaboración. Unha festa tradicional celta que ano tras ano fai o deguste do noso alumnado.
Agora xa estamos agardando polo tempo do MAGOSTO!.

Os nenos e nenas de sexto prepararon unha cantiga de ... Meeeddoooo.

OS NENOS E NENAS DE PRIMEIRO E SEGUNDO VISITAMOS O ZOO.

Dado que os animais adoitan motivar moito os alumnos, propuxose unha saída ao zoo para poder observar directamente aos animais, o que nos vai a axudar a distinguilos, a recoñecer as súas principais funcións vitais e clasificalos. A saída foi todo un éxito.

PLAN PROXECTA: PONLLE AS PILAS AO TEU BOCATA.

Por segundo ano consecutivo, desenvolvemos na escola o programa PONLLE AS PILAS AO TEU BOCATA. Este programa consta desta actividade formativa destinada a sensibilizar ao noso alumnado de Educación Primaria sobre a importancia de levar unha vida saudable e ensinar unhas pequenas pautas moi sinxelas para levar a cabo unha alimentación sa . Un xeito é a través da explicación da industria conserveira, que en Galicia está moi arraigada.

Os nosos alumnos nunha sesión fixeronse un bocata con leituga, tomate, cenoria, millo, olivas, sardiñas e atún, que logo degustaron no seu tempo de lecer e foron partícipes dun obradoiro na que se lle axudaba a coñecer os distintos grupos de alimentos e as cantidades que se deben tomar cada día para estar sans. En definitiva aprenderon a crecer de xeito saudable.

ONDE SE ATOPA PICOLINDO? 2º POSTAL

Parabéns polo voso traballo de investigación!!

Sodes uns grandes investigadores!!

A 1º MARABILLA foi sinxela de adiviñar, 

pero este lugar é moito máis lonxano e diferente...

Sería moi interesante que ademais de  

escribir o lugar onde me atopo

busquedes información sobre ese lugar,

contedes a vosa experiencia ou a  dalgún dos vosos familiares ou amig@s ou

acheguedes webs ou ligazóns para investigar XUNTOS!!

Os nen@s que escribiron COMENTARIOS conseguiron PIKEUROS cos que gañarán agasallos ao final do curso!!

Moita sorte!!

A segunda POSTAL xa chegou a escola...

Se as pistas de PICOLINDO non son dabondo

utiliza estas ligazóns para descubrir ONDE SE ATOPA

Le máis info sobre a MURALLA CHINESA

  Mira este documental sobre a MURALLA CHINESA

Goza con estes debuxos

Xoga con estes QUEBRACABEZAS

Pide axuda a un adulto e descubre o secreto da MURALLA CHINESA nesta ACTIVIDADE INTERACTIVA

 Investiga con estes VÍDEOS

O SAMAÍN DOS NEN@S DE 6º DE ED. INFANTÍL(5 ANOS).

É TEMPO DE OUTONO ,DE CASTAÑAS,DE NOCES,DE VENTO,DE FOLLAS VERMELLAS,DE DÍAS CURTOS E NOITES LONGAS E ESCURAS.

NOS CAMPOS RECÓLLENSE AS CABAZAS E NALGUNHAS ALDEAS DE GALIZA,AÍNDAN TALLAN ARREPIANTES CAVEIRAS.DENTRO MÉTENLLES CANDEAS ACESAS E PÓÑENAS NO ALTO DUN VALADO PARA QUE,AO ESCINTILAR POLA NOITE,DEAN MEDO.

É A FESTA DAS MEIGAS E PANTASMAS.OS RATOS ESTÁN MOI CONTENTOS PORQUE,COMO SE POÑEN AS PEBIDAS DAS CABAZAS A SECAR,TEÑEN ONDE RILLAR.

OS NEN@S DISFRÁZANSE CON COUSAS QUE TEÑEN NAS SÚAS CASAS E SAEN ÁS RÚAS E CARREIROS,PETANDO NAS PORTAS DOS SEUS VECIÑOS.CANDO ESTES ABREN AS PORTAS DAS SÚAS CASAS ELES PÍDENLLES"CHULAS DE CABAZA OU PESETAS",SENON,

 SERÁN ASUSTADOS NO MOMENTO MÁIS INESPERADO.

OS NEN@S DE 5 ANOS FIXERON O MESMO,TENTANDO MANTER VIVA ESTA TRADICIÓN ANCESTRAL.

SE QUEREDES SABER COMO VIVIRON ESTA FESTA OS NENOS E NENAS DE 6º DE ED. INFANTÍL,PREMEDE NA FOTO DE PERECHO.

A WEBMIX,DOS NEN@S DE 5 ANOS,SOBRE OS ROMANOS E O COLISEUM.

OS NEN@S DE 5 ANOS E A PROFE MARICRUZ ESTANSE A FACER EXPERTOS NOS ROMANOS E NO COLISEUM,POLO QUE ESTÁN A CONFECCIONAR UNHA ESCOLMA DE WEBS INTERESANTES PARA TODOS OS NIVEIS EDUCATIVOS.

DESEXAMOS  QUE TODA A COMUNIDADE EDUCATIVA POIDA BENEFICIARSE DO NOSO TRABALLO.
PARA CONSULTALA TEDES QUE PREMER NO DEBUXO ON-LINE DO COLISEUMQUE FIXERON OS RAPACES DE 5 ANOS.

TEDE EN CONTA QUE PODEREDES CONSUTALO SEMPRE QUE QUEIRADES E QUE É UNHA ESCOLMA DINÁMICA QUE SE PODE AMPLIAR DURANTE O CURSO.

ADMITIMOS SUXERENCIAS QUE SE PODERÁN ENVIAR ,POR E-CORREO ,Á PROFE MARICRUZ AO SEU ENDEREZO:

macusanbla@gmail.com
UN BIQUIÑO MOI FORTE A TOD@S.

24 de outubro, Día das Bibliotecas Escolares.

Dende o blogue das bibliotecas escolares de Galicia, nos recordan que o día 24 de outubro está sinalado, no Calendario do Libro de Galicia, como o 

Día das Bibliotecas. 

 Coa celebración deste día, preténdese destacar a importancia das Bibliotecas como lugares de encontro coa cultura, como ferramentas de formación e espazos para a convivencia e o aprendizaxe.

Como cada ano, a Consellería de Educación e Cultura fainos chegar os carteis conmemorativos deste día. Nesta ocasión,  co lema  

Biblioteca escolar... Matemático!!! 

 o cartel é obra de David Pintor. 

Nós queremos aproveitar esta data tan sinalada para dar  a saída oficial das 

MOCHILAS VIAXEIRAS 

e facer a entrega oficial dos carnets dos novos usuarios e o tríptico de funcionamento da mesma.

Picolindo, a nosa mascota , visitou todas as aulas e lles informou aos nenos e nenas da escola como é o funcionamento das mochilas. 

Bo Día das Bibliotecas!!!!

CHEGA O SAMAÍN

HALLOWEEN O  SAMAÍN?

De Halloween o Samain de emmaprofesora

                   


                                               O Samain EN GALICIA


                              

O Samain en Galicia desde PaulaReySilva

   


                                       CONTO DO Samain

                          

en do samain de Silvia López


Actividade LIM SOBRE O Samain

CANTINFLAS NOS ENSINA O COLISEO ROMANO.

ONDE SE ATOPA PICOLINDO? 1º POSTAL

Como todos xa sabedes, PICOLINDO está a viaxar polo mundo.

Para aprender con nós todos os seus descubrementos

vai enviarnos POSTAIS dos lugares que coñece.

Todos podemos participar no xogo 

"ADIVIÑA ONDE SE ATOPA PICOLINDO"

Escribe no blogue un COMENTARIO coa resposta 

e se queres conseguir moitos PIQUEUROS engade información (datos, vídeos, imaxes, o webs de interese...)

ANÍMATE 

A primeira POSTAL xa chegou a escola

 Se as pistas de PICOLINDO non son suficientes...

Utiliza estas ligazóns para descubrir ONDE SE ATOPA

CHEGARON OS ROMANOS AO AULA DE 5 ANOS.

COMO XA SABEDES,O PROXECTO ESTRELA DESTE CURSO É..."AS 7 MARABILLAS DO MUNDO MODERNO" E NÓS,OS NEN@S DE 5 ANOS,IMOS FACERNOS ESPECIALISTAS EN 
ROMA-"O COLISEUM".

SE QUEREDES SABER COMO PRINCIPIAMOS COA TEMÁTICA,PREMEDE NA FOTO DA NOSA BONECA "BURBIDA".

ÍDEVOS SORPRENDER!

UN SAUDIÑO DOS NEN@S DE 5 ANOS,PERECHO E A PROFE MARICRUZ.

COMEZADO OUTUBRO, PICOLINDO EMPRENDE A SÚA VIAXE.

Benqueridas familias, a mascota da nosa biblioteca quere comunicarvos que se atopa de viaxe.

Picolindo emprendeu unha viaxe en busca dunha marabilla.

Para poder facelo tivo que preparar a súa maleta maila súa documentación. 

Non lle chega con dispor do DNI, tamén tivo que facer o seu PASAPORTE.

O pasaporte é un documento, expedido na Comisaría da Policía Nacional, que acredita a nosa identidade noutro Estado, para poder viaxar a moitos países.

O PASAPORTE é un documento imprescindible. 

Agora, que xa está lonxe, agardamos novas, polo que se queremos viaxar con él tamén temos que preparar todos nós, o noso pasaporte. Divertirémonos moito facendoos. Temos moitas ganas de aprender coas viaxes de Picolindo, coñecer novos países,...

Imos personalizar os nosos pasaportes, sacámonos fotos en TIC, recortamos e traballamos cun programiña de edición de imaxes,  e cubrimos todos os nosos datos persoais (nome completo, data de nacemento, lugar de nacemento e país e número de pasaporte). En pouco tempo poderedes comprobar os nosos avances.

ONDE ESTÁS PICOLINDO?