Hoxe, 13 de outubro, celebramos o DÍA DAS ESCRITORAS. Esta efeméride celébrase desde o ano 2016, sempre o luns máis próximo á data de pasamento de Teresa de Jesús, co obxectivo de destacar o legado e a contribución das mulleres á literatura ao longo da historia.
Durante séculos, as escritoras foron silenciadas, e os seus nomes contábanse cos dedos dunha man: Rosalía de Castro, Emilia Pardo Bazán, entre outras poucas. Hoxe, por sorte, a lista medra e enchémonos de orgullo ao nomear autoras como Ledicia Costas, Fina Casalderrey, María Oruña, Susana Fortes, Lucía Solla, Iria Misa, Andrea Maceiras...
Algunhas escriben exclusivamente en galego, outras transcenden as nosas fronteiras coas súas obras. Pero todas teñen algo en común: escriben historias fermosas que nos emocionan, nos fan pensar e nos conectan co mundo.
Estade atentos! Esta semana seguiremos a contar historias das nosas escritoras!
Ningún comentario:
Publicar un comentario