Hoxe visitounos Paula, nai dos alumn@s Estela e Roi, para levar a cabo un obradoiro de artesanía. Explicounos como manipula, coce e decora o barro no seu taller de cerámica e a continuación tivemos a oportunidade de experimentar co barro e decorar uns vasiños agasallo de Paula, que posteriormente cocerá no seu forno e traerá rematados.
Moitísimas grazas, Paula, por esta experiencia tan gratificante!. Encantounos!
Como vén sendo tradicional na escola, hoxe celebramos conxuntamente a Festa dos Maios mailo Día das Letras Galegas que este ano dedícase a Luisa Villalta.
A estrutura do noso maio, ten forma de pirámide e o alumnado do sexto curso coa axuda da súa mestra titora Begoña, o profe Juan, o mestre Jesús, a profe Ana, o profe Rafa, entre outros, cubrironno coas herbas e elementos naturais verdes.
Nas aulas dos outros cursos, fixeronse grilandas cos pampillos e flores aportados polas familias. O obxectivo é decorar o noso maio para que se vexa moi fermoso e alegre.
Unha vez montado o maio, cantamos entre tosos as "coplas dos maios" e tamén desfilamos co maio polo patio da escola.
Celebrar os maios é unha maneira de manter vivas as tradicións culturais da nosa terra e tamén é unha oportunidade para ser creativos, traballar en equipo e divertirse moito!
Para rematar a festa, o alumnado do cuarto curso de primaria bailou o "Baile das Fitas" acompañados en directo polo profe Juan tocando a gaita acompañado por Luis Piñeiro, a profe Rebeca tocando o bombo, a profe Ana tocando a Pandeireta e a alumna Alexandra Estevez coas cunchas.
Todos eles acompañaronnos con música en directo mentres faciamos o crebacabeas cooperativo de Luisa Villalta e contamos o Himno Galego..
O alumnado do terceiro curso de primaria, xunto coa súa titora, Susana estiveron a elaborar papel reciclado. Para poder facelo precisaron os seguintes materiais:
A rapazada rompeu pepel usado en anacos pequenos e os puxeron nunha tina con auga.
Logo drenaron a auga presionando lixeiramente cunha esponxa.
Colocaron un pano de cociña sobre a pasta para absorber a auga restante.
Finalmente, deixaron secar completamente antes de retirar o papel do marco.
E este é o resultado obtido.
Neste proxecto traballamos a concienciación ambiental, explicándolle aos cativos a importancia da reciclaxe e o coidado do medio ambiente. Ademáis desenvolvemos a motricidade fina e a coordinación a través da elaboración do papel.
A actividade de facer papel reciclado foi moi divertida e gratificante para os nenos e nenas.
Dende a escola participamos no concurso da Deputación de Pontevedra E ti, que pensas da igualdade?
Un bo traballo de reflexión sobre o que é para nós a igualdade e unha representación en forma de debuxo ou cómic. O sexto curso de primaria participou con poema musicado.
Obtivemos varios premios:
3º premio categoría primeiro ciclo de primaria para:
ANDREA BLANCO CORTÉS
.jpg)
3º premio categoría terceiro ciclo de primaria para:
LETICIA FERNÁNDEZ MARÍA
1º premio categoría terceiro ciclo de primaria para:
IVÁN GAMALLO GÓMEZ
2º PREMIO GRUPAL POEMA
GRUPO AULA SEXTO PRIMARIA
Para rematar a festa, gozamos dun concerto con UXÍA LAMBONA e a BANDA MOLONA.
Deixámosvos aquí o programa de Radio Resío do mes de maio, dedicado á celebración das Letras Galegas. Este ano 2024, a autora homenaxeada é Luísa Villalta.
 |
| PREME NA IMAXE PARA ESCOITAR O PROGRAMA |
Aproveitamos para compartir un Genially sobre a autora que nos cede Afundación.
Na escola, no Club de Lectura do libro "Cuando brillan las estrellas"; libro no que os protagonistas son dous nenos que viven nun campo de refuxiados. A súa vida é moi dura, nunca teñen comida suficiencia, o acceso aos médicos non é sinxelopor esto e outras cousas máis, a rapazada sentiu a necesidade de saber máis. A familia Folgar, indicounos que un familiar traballaba na Rede ACOGE, e viñeron a dar un faladoiro moi interesante aos cursos cuarto, quinto e sexto de primaria.
A Rede Acolle é un grupo de persoas que axudan a aqueles que veñen doutros países a vivir en Galicia. Eles axudan aos nenos e ás súas familias a aprender o idioma, a atopar un lugar onde vivir e a facer novos amigos na escola. Así, todos poden sentirse benvidos e felices no seu novo fogar.
Grazas por colaborar con nós!
Hoxe tivemos outra fermosa visita: Andrea García Martínez veu falarnos do seu primeiro libro "Animais fantásticos de aldea" da Ed. Xerais. Contounos que o escribiu e ilustrou ela todiño no tempo da Covid. Unha gran escritora, ilustradora e estudante de Deseño de interiores que aos seus 24 anos ten moito por ensinarnos.
Falamos dos seus protagonistas, animais e humanos, e doutros que poderían ter aparecido na historia.
Antes de dedicarnos os libros, debuxou algún deles.
Grazas, Andrea. Xa nos tarda a seguinte aventura.
Moitísimas grazas!
O noso porteiro Carlos fabricou un novo Brinquedo para facernos pensar. Que ben o pasamos xogando en grupo!
.webp)
.webp)
Hoxe visitounos Jorge Campos, ilustratecto (como se define a si mesmo). Contounos detalles moi divertidos do Capitán Lentella, e ademais, avanzounos alguna cousiña da segunda parte de esta historia. Moitas grazas pola túa visita, Jorge.
Hoxe o alumnado do primeiro e segundo curso de primaria fixeron unha saída didáctica para coñecer a súa contorna máis próxima: O río Lagares e a praia de Samil.
.png)
