MONICREQUES NA CASA DE LEO

  As mochilas viaxeiras non paran de visitar as casas do noso alumnado. Esta semana fixeron unha parada na casa de Iago e... así de ben o pasaron.

MONICREQUES NA CASA DAS IRMÁS ABELLEIRA

 As mochilas viaxeiras non paran de visitar as casas do noso alumnado. Esta semana fixeron unha parada na casa de Olivia e Martina e... así de ben o pasaron.

 

OBRADOIRO EN FAMILIA, DÍA INTERNACIONAL DO NENO

 

Hoxe martes 19, ás 16.30h, desenvolveuse un obradoiro de profesorado e familias de Ecopercusión. Adultos e nenos traballando xuntos e, pais e nais sendo quen de ver a realidade a través dos ollos dos seus fillos. Que ledicia gozar dun obradoiro xuntos e poder "desconectar" da rutina diaria con nada máis que a música no centro da nosa atención. Primeiro foi a quenda dos máis cativos da escola, 30 minutos de batucada e logo os de primaria, 90 minutos nos que todos quedamos convertidos en verdadeiros músicos dirixidos por Diddier.

 Diddier, fixonos conscientes de como unha  gran cantidade de obxectos que nos rodean poden converterse en instrumentos de percusión.

 

Logo,... con botes de pintura baleiros e baquetas...que máis contar, gozade coas imaxes.

Unha gran experiencia da que gozamos grazas a colaboración do CFR de Vigo, e por suposto grazas familias por colaborar e asistir, esta é a primeira "quedada" do ano, agárdannos moitas máis.

 

MAGOSTO

 Polo San Martiño, magosto no Resío.

Fermoso día de festa, e convivencia. Grazas as familias colaboradoras, sen eles este Magosto non sería posible. 

Unha mañá que comezou con obradoiros nas aulas e que logo dun pequeno tempo de lecer, a rapazada gozou de diferentes obradoiros interniveis. 

TIRO DE CORDA 

PEÓNS

CARREIRA DE SACOS

 

ZANCOS

 

UNHA FERMOSA CASTAÑEIRA

 

E COMILONA DE CASTAÑAS ENTRE AMIGOS

Preme na seguinte ligazón para gozar coas imaxes da festividade. 

Os máis cativos, gozaron de:

CIRCUÍTO DE CASTAÑAS

TRAGACASTAÑAS

 

 

 

VARRECASTAÑAS 

DEBUXAR O MAGOSTO 

Logo, papamos moitas castañas! Que día máis divertido!

ROBÓTICA EDUCATIVA COS MÁIS PEQUENIÑOS DA ESCOLA

 O alumnado do cuarto curso de Educación Infantil, traballaron na aula STEAM co xogo "Code&Go Robot Mouse"

Os cativos programan os movementos do rato, quen lle permite aprender os fundamentos da codificación sen necesidade dun computador ou pantalla. 

Foi unha actividade moi divertida! Fixemos túneles e creamos laberintos para o noso rato.

 

MICRORRELATOS DE MEDO

Esta foi unha semana terrorífica. Na escola apareceron bruxas, demos, morcegos, esqueletos,...

Preme na seguinte ligazón para ver todas as imaxes do evento.

 Na biblioteca gozamos dunha fermosa exposición de libros de Samaín, en plástica debuxamos cabazas, na casa baleiramos e creamos orixinais, terroríficas e imaxinativas cabazas e no tempo de lecer grabamos esconxuros de medo.

Unha festa tradicional que nos gusta moito e na que gozamos de actividades conxuntas con outros nenos e nenas da escola. Nesta festa final, viñemos disfrazados e pintados, tiramos fotos, e logo de descubrir os gañadores do concurso de microrrelatos, a rapazada o quinto e sexto curso de primaria deron un terrorífico concerto. 

 

 Xa nos tarda a vindeira festa, o Magosto!

FESTA DO SAMAÍN

 

24 DE OUTONO, DÍA DA BIBLIOTECA

 

Hoxe, ás 12 da mañá, todos os nenos e nenas, mestres e mestras, xuntámonos no patio de Educación infantil para conmemorar esta data tan importante para a biblioteca.

Alumnado voluntario do sexto curso de primaria levou a cabo unha pequena representación teatral  titulada "Recortes"

O resto do alumnado gozou moito con esta pequena actuación. Picolindo animou a festa e fixo a entrega das mochilas viaxeiras de aula, carnets para os novos usuarios e presentou aos colaboradores da bibliteca mailos participantes dos clubs de lectura.

 

Dende 1997 celébrase o Día das Bibliotecas o 24 de outubro,  unha conmemoración impulsada pola Asociación de Amigos del Libro Infantil y Juvenil á que se foron sumando, xa dende hai algún tempo, o propio Ministerio de Cultura e todas as administracións autonómicas.

 

O lema deste ano, "Por un futuro sostible", pretende destacar o papel fundamental que desempeñan todas as tipoloxías de bibliotecas (públicas, escolares, universitarias, especializadas e nacionais/rexionais) na consecución dos Obxectivos de Desenvolvemento Sostible da Axenda 2030.

A biblioteca da nosa escola está ao servizo de tódala comunidade educativa ofrecendo recursos, información e apoio. Abre todas as tardes de 4 a 6, agás os martes. Papá, mamá, avoa,... animaste a abrirla ese día?.

Pola biblioteca pasan todas as nenas e todos os nenos da escola. 

Aquí tedes a guía de uso:

 

 

O PROGRAMA DO OUTONO. VOLVE... RADÍO RESÍO

 Deixámosvos aquí o primeiro programa de Radio Resío deste curso, no que falaremos das actividades que fixemos desde que comezamos, así como das próximas festas que imos celebrar no cole.

Agardamos que vos guste!!!

 

PREME NA IMAXE PARA ESCOITALO

VII CONCURSO MICRORRELATOS DE MEDO E DE MISTERIO

Xa estamos no outono e a primeira festa do ano xa se achega: O Samaín! Como todos os anos, convocamos ao alumnado e ás súas familias para que participen no CONCURSO DE MICRORRELATOS DE MEDO E MISTERIO, que este ano fai a súa sétima edición.

As diferentes CATEGORÍAS nas que poden participar os vosos relatos son: 

- AUDIO: Poderán presentarse a esta categoría os microrrelatos gravados nun audio. 

Animámosvos a participar nesta categoría! É moi sinxelo: pensa nun bo tema, escribe o guión e grávate! A túa historia publicaráse nos programas de Radio Resío que se emitan durante este outono.

- VÍDEO: Participarán nesta categoría os relatos que fagan un pequeno relato audiovisual en formato Vídeo.

Fai a túa curta! Móstranos o Alfred Hitchcock que levas dentro. 

Fíxate ben nas normas que hai establecidas para ambas as dúas categorías. Que non quede fóra a túa historia por un pequeno despiste!

NORMAS para os relatos: 

1- Estes pavorosos microrrelatos terán que estar elaborados en Lingua Galega. 

2- O tema ten que ser de medo ou de misterio. 

3- Deben de ter unha duración máxima de DOUS MINUTOS. 

4- Poden realizarse nas modalidades de Audio e de Video. 

5- Tedes que envialos por unha destas canles: 

· E mail: juanlf@colexiorocio.com 

· WhatsApp da nosa escola 658715569 

· Traer á escola nun Pen drive 

6- A data límite para entregar os vosos relatos será o LUNS 28 de outubro ás 23:59h. 

Os microrrelatos de misterio e medo serán avaliados tendo en conta os seguintes criterios: 

CRITERIOS DE PUNTUACIÓN

-A corrección idiomática 

-A participación do alumnado 

-A entonación e interpretación

-A estrutura do relato: inicio, nó, e desenlace. (Non  ten que ser necesariamente nesa orde!)

-Os efectos especiais

O mércores 30 de outubro teremos a estrea oficial dos microrrelatos finalistas e coñeceremos aos gañadores das diferentes categorías do concurso. 

 

ARTELLANDO NA AULA STEAM CO MAKEY MAKEY

Na aula Steam, é tempo de experimentar e artellar. Imos traballar cos Makey Makey.  

 

 MATERIAL NECESARIO:

• 1 placa MAKEY MAKEY
• 1 computador
• 1 cable de conexión da placa co computador
• 7 cables clip caimán
• cable
• cartón
• encuadernadores 

Con este proxecto buscamos que o alumnado aprenda a  conectar diferentes materiais que conducen a electricidade grazas a unha placa que contén unha interface moi sinxela.

 

 https://photos.app.goo.gl/pi6SgpmbPQ1VazzP6

O profesorado elaborou un titorial  que seguirá o alumnado   para experimentar diferentes circuítos eléctricos.

Moi interesante a  aprendizaxe en equipos colaborativos!

Máis interesantes os titoriais que elaboraron entre eles para que outros compañeiros poidan experimentar con este material. 

 

 

A DIRECTORA XERAL DE ORDENACIÓN E INNOVACIÓN EDUCATIVA VISITA A NOSA ESCOLA

 Hoxe foi un día moi especial, Judit Fernández, Directora Xeral de Ordenación e innovación educativa visitou a nosa escola para a presentación oficial do programa de Biblioteca creativa, ao que pertencemos dende hai xa moitos cursos. Esta iniciativa busca a iniciación do alumnado no pensamento computacional a través de actividades manipulativas, entre outras, introducindo un espacio de creación e experimentación. O traballo en equipo é primordial.

 Aproveitou para coñecer os nosos proxectos, compartindo unha sesión de traballo na aula Steam, e comprobar como a rapazada domina o traballo cos MAKEY-MAKEY mailo programa de programación SCRATCH.

 

Desenvolvimos uns obradoiros moi divertidos e deunos os parabéns.

 

Tiramos unha foto xuntos e aproveitou para coñecer as nosas instalacións.

Grazas!

OS ARTÍSTAS DO RESÍO

 

 

Na escola O Resío, cada neno e nena é protagonista do seu propio talento. Neste proxecto educativo, os nosos pequenos artistas idearon un escenario único e adornárono cun marco artístico cheo de creatividade.

 

 

No centro dese escenario, debuxáronse como soñan ser: cantantes que iluminan coas súas voces, futbolistas que xogan con paixón, pintores e debuxantes que enchen o papel de vida, patinadores e esquiadores que deslizan cos seus soños, científicos e científicas que exploraron o descoñecido, modistos que deseñaron estilos únicos…

E para dar vida a eses debuxos, transformáronse en arte! Colocáronse no seu escenario e captaron a súa imaxe, igual que se representaran no papel. Porque no Resío, a creatividade non só se debuxa, senón que se vive.

22 SETEMBRO: DÍA INTERNACIONAL DO MIMO

 Hoxe celebramos na escola o DÍA INTERNACIONAL DO MIMO. Un grupo de cinco alumnas do terceiro curso de primaria interpretou para o resto da escola o contacontos "SED AMIGOS".

 

A iniciativa de celebrar o Día Internacional do Mimo xurde do actor e mimo francés Jean Bernard Laclotte, quen propuxo festexar esta arte cada 22 de setembro en conmemoración á morte de Marcel Marceau.

 

As familias colaboran. Sodes un artístas!

BENVID@S AO CURSO 2024/2025

 Este mércores día 11, voltamos ás aulas. Os mestres estamos preparados, e vos?

Esperamos que vos guste o noso recibimento. Nós pasámolo fenomenal facéndoo!