Comezamos a mañá facendo unha selección do fiuncho, xestas, pampillos e outras flores, aportadas polas familias, que foron distribuídas polas aulas coa axuda do alumnado do sexto curso. De 9 a 11.30, fixeronse as cadeas de pampillos, a preparación do maio, e cada aula preparou as pezas do crebacabezas que lle correspondían.
Logo do tempo de lecer, concentrámonos no patio de infantil, montamos o maio coas grilandas preparadas nas aulas.
Cantamos unha canción ao maio e fixemos a tradicional procesión polas instalacións da escola acompañados polos músicos.
Logo montamos entre todos o crebacabezas.
E amenizados pola Banda de Música do Resío, tivo lugar o tradicional Baile das Fitas, levado a cabo, coma sempre, polo alumnado do cuarto curso de primaria.
Que ben o fixeron!
Grazas á axuda de , dos antigos alumnos Gabriel e Kayim, e dos musico mestres da escola, puidemos bailar unhas pezas, e para finalizar o acto, cantamos entre todos o Himno Galego.
Grazas familias por participar!
As imaxes da festa están todas na seguinte ligazón:
IMAXES LETRAS GALEGAS E MAIOS 2023
Ningún comentario:
Publicar un comentario