BENVIDOS AO NOVO CURSO!

Ola, rapaces e rapazas:
Quero darvos a benvida ao cole, despois das vacacións de verán.
Eu xa tiña ganas de volver vervos. Supoño que vós tamén tiñades xa ganas del volver...


O vindeiro mes comezarán as actividades da biblioteca. Agardovos!
Vide todos, que quero coñecer aos novos.
Picolindo

BENVIDAS E BENVIDOS TODOS AO NOVO CURSO ESCOLAR 2011/2012.

Onte, 12 de setembro, deu comezo o curso escolar 2011/2012. Para darvos a benvida, no salón de actos celebrouse un pequeno acto de inauguración, no que se presentou a todo o Equipo Docente, lembraronse algunha das normas de funcionamento da escola e aproveitamos a ocasión para lembrar os mellores momentos do curso pasado. Puxemos dúas presentacións. Na primeira lembramos o gran traballo da Comunidade Educativa para conseguir a construcción da nova escola e na segunda algúns dos mellores momentos dos nosos rapaces en distintas tarefas e actividades escolares.
Para todos aqueles que non puidestes asistir, aquí tedes os traballos de presentación. Esperamos que vos guste.
O Equipo Docente.

É IMPORTANTE QUE AS FAMILIAS SAIBAN QUE...

Benqueridas familias:

Con motivo da nova orde que a Consellería de Educación pretende sacar adiante, o claustro de mestr@s do CEIP Virxe do Rocío quere poñer no voso coñecemento o porque do seu total rexeitamento  á devandita orde.

Segundo a Consellería  “o cambio de xornada lectiva, que se vai aplicar o vindeiro curso e coa que pretendemos levar a cabo as actuacións que apoien e reforcen a calidade a través da atención á diversidade, labores de apoio, desdobramentos, substitucións breves ou apoio a outros mestres, entre outros,  redundarán en beneficio do alumnado”

Isto non é certo. Explicamos por que:

*    O cambio na xornada lectiva dos docentes, que non aumento, vai supoñer un descenso no número de mestr@s que desenvolven o seu labor no centro.

  *O descenso no número de docentes vai supoñer, á súa vez, a imposibilidade de realizar as actividades que se viñan desenvolvendo en cursos anteriores (biblioteca, TIC, festivais, saídas…), por non haber persoal abondo.

  *A actividade da biblioteca do centro, verase grandemente reducida ou mesmo anulada.

* As horas de docencia na aula TIC(informática) terán que ser suprimidas.

*   Os alumnos, en xeral,  van ver diminuída a calidade docente, nomeadamente os alumnos con dificultades específicas (alumnos con NEAE) xa que non van poder contar cos apoios precisos.

*   A escaseza de persoal vai supoñer un “baile” de docentes nas distintas aulas.

*   A obriga de desenvolver labores que non son propias do profesorado, a máis de supoñer a perda de postos de traballo, vai redundar na deficiencia da atención docente dos alumnos.

Todas estas cuestións atinxen tanto aos docentes como ás familias, xa que estas van constatar un empeoramento na calidade do ensino, cuestión esta que supoñemos non será do seu agrado, como tampouco é do noso.

Como podedes ver, todo isto non vai supoñer unha mellora na calidade do ensino, como dende a Consellería nos queren facer crer, senón un claro deterioro da mesma.

O Claustro de mestres do CEIP Virxe do Rocío

Imaxes da obra "A maxia da reciclaxe"

Teatro 5 anos - presentacion imagenes

Un vídeo sobre a búsqueda da vocación

Descubre a túa vocación e desenvólvea!! É a mellor maneira de sentirse cheo...

VISITA Ó CLUBE HÍPICO"ALAZÁN".

FOI EMOCIONANTE.

QUEREMOS VOLTAR O ANO QUE VEN.

GRAZAS ÓS PROFES POR LEVARNOS A UN SITIO TAN ESPECIAL E TER UNHA EXPERIENCIA INOLVIDABLE.

NON SE PODER DECIR "ADEUS",A ESTE CURSO,DUNHA MELLOR MANEIRA.

ATA O CURSO QUE VEN E QUE PASEDES UN BO VERÁN!

OS NENOS/AS DE EDUCACIÓN INFANTÍL.

VISITA Ó CLUBE HÍPICO"ALAZÁN" 1

VISITA Ó CLUBE HÍPICO"ALAZÁN"2

VISITA Ó CLUBE HÍPICO"ALAZÁN"3

VISITA Ó CLUBE HÍPICO "ALAZÁN" 4

APRENDEMOS COUSAS SOBRE OS CABALOS.

Sabedes que o martes,21 de xuño,imos de excursión ao "Clube hípico Alazán".Por esta razón,os nenos/as de 4 anos estamos a aprender moitas cousas sobre os cabalos: as súas partes, as monturas, os seus movementos, a rapa das bestas...

Mirade que manda, de cabaliños e de eguas,temos na clase.

Sabíades que ALAZÁN é o nome dunhas das razas máis puras dos nosos cabalos?

E PARA QUE APRENDADES ALGO DOS CABALOS...

ALGUNHAS COUSAS AS SABEN MOI BEN OS NOSOS RAPACES E RAPAZAS.

MIRADE ESTE VÍDEO SOBRE AS RAZAS E ALGUNHAS COUSAS MÁIS SOBRE O CABALO DE PURA RAZA ESPAÑOLA.

QUE PRECIOSIDADE!

AÍNDA QUE NÓS PREFERIMOS QUE ESTEAN  EN LIBERDADE, COMO OS QUE TEMOS AQUÍ, PRETO DE MOUGÁS E BAHIÑA, NO CONCELLO DE BAIONA(Pontevedra) E OS DE SABUCEDO, QUE SON MOI FAMOSOS.

 RECOMENDAMOSVOS UNHA PRECIOSA PELÍCULA DE CABALOS,"SPIRIT", DA QUE VOS DEIXAMOS ESTE RESUMO DO ARGUMENTO COA MÚSICA DA GAITA ELECTRÓNICA DE HEVIA COMO  FONDO.

LEMBRAMOS ÁS FAMILIAS QUE O MÉRCORES,22 DE XUÑO, A PROFE MARICRUZ FARÁ ENTREGA DOS TRABALLOS DOS VOSOS FILLOS/AS, DOS INFORMES E ALGUNHAS COUSAS DE INTERESE, NA SÚA AULA, DE 9h A 13h.

TRAEDE UNHA BOLSA PARA LEVAR O COXÍN E AS CARPETAS.

ESE DÍA OS RAPACES NON VIRÁN Á ESCOLA,POLO QUE NON HABERÁ COMEDOR NIN TRANSPORTE.

OS INFORMES E CARPETAS SE DARÁN  EXCLUSIVAMENTE AOS FAMILIARES DOS RAPACES.

UNHA APERTA AFECTUOSA DA PROFE MARICRUZ.

ANIVERSARIOS 3º TRIMESTRE.

VISITAMOS AS INSTALACIÓNS DE VITRASA

Os rapaces e rapazas do 2º ciclo, fomos visitar as instalacións de vitrasa. Vimos moitísimas cousas: autobuses en reparación, taller de pintura, taller mecánico, almacén de repostos, oficinas, panel de mandos...

Os alumn@s de 4º mailas profes con Bussy

Os rapaces/as de 3º con Bussy e os profes

Tamén aprendemos moitísimas cousas sobre as liñas de autobús, paradas, recadación... Ata coñecemos a Bussy, a mascota de Vitrasa. Aquí estamos nunhas fotos con ela.

AS NOSAS LENTELLAS II.

NA ANTERIOR ENTRADA,"AS NOSAS LENTELLAS", FIXEMOS A NOSA PROPIA PLANTACIÓN DE LENTELLAS.

QUEREMOS AGORA COMPARTIR CONVOSCO O SEU DESENVOLVEMENTO NESTA PRESENTACIÓN.

AS NOSAS LENTELLAS II 

OS NENOS/AS DE 4 ANOS COIDAREMOS DELAS MOI BEN NAS NOSAS CASAS.

E ti, por que non o falas?

Como podedes ver neste vídeo, as persoas teñen diferentes motivos para falar a nosa lingua. Hai moitos.

 Cal é o teu para non falala?

A INSOPORTABLE LEVIDADE DAS BIBLIOTECAS ESCOLARES GALEGAS

Ante a previsible retirada de formadores específicos no ámbito das bibliotecas escolares no  Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

        Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente  de persoas que senten que é posible compartir e facer viable o proxecto xuntos. Así naceu o movemento que cristalizou na  iniciativa que todos coñecemos como PLAMBE. De xeito que dende hai algúns anos,  esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes  en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativa, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son  seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

     Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos  incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada  centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino  xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro  será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros en Santiago despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propia Consellería a que nos invisibiliza?.

Colectivo dos equipos das bibliotecas escolares integradas no PLAMBE (Plan de Mellora das Bibliotecas Escolares Galegas)

GUYI-GUYI. IMOS O TEATRO!

GUYI-GUYI

GUYI-GUYI AUDITORIO NOVACAIXAGALICIA.

GÚSTANOS O TEATRO!

AS NOSAS LENTELLAS.

ESTA SEMANA FIXEMOS A NOSA PRANTACIÓN DE LENTELLAS, APRENDIMOS AS PARTES DUNHA PRANTA, AS SÚAS FUNCIÓNS, O QUE PRECISAN PARA VIVIR, QUE É UNHA SEMENTE, UNHA FLOR, UN FROITO, E A FACER UNHA GRÁFICA PARA MIRAR COMO MEDRAN DE AGORA EN DIANTE, APUNTANDO OS RESULTADOS .

CONTAMOS A HISTORIA DE SEMENTIÑA.

MIRADE COMO TRABALLARON OS RAPACES DA PROFE MARICRUZ.

ESTE É UN DOS VÍDEOS QUE TRABALLARON NA AULA.

E PARA QUE VOS DIVIRTADES MIRADE COS VOSOS FILLOS/AS, "A SEMENTIÑA DE POCOYÓ"...

LOGO MEDRARÁN E OS RESULTADOS E AS MEDIDAS ESTARÁN  AQUÍ, NO NOSO  BLOGUE. OS NENOS/AS LEVARÁN A PRANTA PARA A SÚA CASA E SEGUIRÁN COIDANDO DELAS COAS SÚAS FAMILIAS.

OS MONSTROS SON COUSA DA NOSA IMAXINACIÓN.

SABEMOS QUE OS MONSTROS SON COUSA DA NOSA IMAXINACIÓN,POR ISO, ADEMÁIS DE TRABALLAR CO CONTO,"O MONSTRO PELUDO",E PASALO FENOMENAL,INVENTAMOS,ENTRE TODOS,UN MONSTRO CHAMADO "TROMPI",PARA ASÍ AMOSALO.

Nunha cova húmida e gris, no medio dunha escura fraga, vivía un monstro peludo. Era feísimo!. Tiña unha cabeza enorme sobre peiños ridículos, o que lle impedía moverse moito e saír da súa cova.

Así comeza esta aventura que terá como protagonistas ao monstro que, e citando o editorial, "canso para comer ratos decide probar sorte coas persoas", e Lucila que será a súa primeira vítima, aínda que é princesa, resulta un pouco respondona. Ao monstro non lle gusta que lle tomen o pelo, sobre todo porque ten moitos. A princesa, con todo, non ten nin un de boba e está máis que disposta a demostralo.Queres saber que ocorre entre eles?Achégate a esta monstrosa historia e descubrirás un final sorprendente,como o fixeron os nenos/as  de 4 anos cando lles contou o conto a profe Maricruz.

QUEREDES COÑECER CANTOS TROMPIS FIXEMOS?

TANTOS COMO NENOS/AS, COA SÚA IMAXINACIÓN,TEN A PROFE MARICRUZ.



DE AGORA EN DIANTE,OS NOSOS NENOS/AS NON TERÁN MÁIS MEDO AOS MONSTROS.