martes, 22 de febreiro de 2022

OS MANDADIÑOS DO MECO PARA O MÉRCORES 23

Un aviso, quero darvos, antes de comezar:

O que non cumpra coas ordes, un castigo vai levar.

Para mañá mércores queridiños, este encargo vouvos dar:

Se no colexio queres entrar, de gótico vestirás.

pois quen a orde non cumpra, algún castigo terá.

luns, 21 de febreiro de 2022

OS MANDADIÑOS DO MECO PARA O MARTES 22

Un aviso, quero darvos, antes de comezar: se o meu mandado non vas cumprir un castigo vas sufrir.

Mañá martes, se queredes aprender, unha bolsa diferente á mochila deberedes traer.

Pois quen non as traia...

TRABALLO PUBLICITARIO DE ENTROIDO

O alumnado do sexto curso de primaria, vén de facer un anuncio publicitario. Tanto na modalidade televisión como na de radio para publicitar as súas orellas de Entroido. Deixamos unha mostra do seu marabilloso traballo.

sábado, 19 de febreiro de 2022

PROGRAMA DE ENTROIDO

venres, 18 de febreiro de 2022

OS MANDADIÑOS DO MECO PARA O LUNS 21

Para que comecedes ben a semana de Entroido, vouvos mandar uns cantos mandadiños, e ai de aquel que non cumpra!!! Sufrirá o meu castigo!!!

Un aviso, quero darvos, antes de comezar: se o meu mandado non vas cumprir un castigo vas sufrir.

Para o luns algo na cabeza teredes que levar e quen non a traia, un castigo vai levar.

xoves, 17 de febreiro de 2022

DONA ABELINA CABALLERA, CHEGA AO RESÍO

Quen é a persoa que posa no noso recuncho fedelleiro no fondo do mar?

Ela é o Meco da escola neste ano tan pandémico.

Chega á escola para divisar "ALÉN DO RESÍO"

Vén decidida a coller o mando da cidade!

Acadarao?

Xa colleu posición, situouse no alfeizar da ventá, o mellor lugar para otear a cidade.

mércores, 16 de febreiro de 2022

NAIS E CIENTÍFICAS

Investigamos sobre as nais científicas da escola, vos enviamos a ligazón da presentación de todas elas. NAIS E CIENTÍFICAS DO RESÍO.

domingo, 13 de febreiro de 2022

4º EI, CELEBRA O DÍA INTERNACIONAL DA MULLER E A CIENCIA

Hoxe , Día das Mulleres na Ciencia, o alumnado do cuarto curso de educación infantil, estivemos no laboratorio do cole experimentando coa auga e a mestura de cores. Tamén probamos a capilaridde da auga. Gustounos moito facer experimentos, pero máis ir ao laboratorio.

venres, 11 de febreiro de 2022

11 DE CANDEAS: DÍA INTERNACIONAL DA MULLER E A NENA NA CIENCIA

Hoxe, 11 de febreiro, conmemorase o Día Internacional da Muller e a Nena na Ciencia co obxectivo de visibilizar o traballo das mulleres que se dedican ás areas STEM.

Con este motivo, na escola comezamos unha nova aventura investigando sobre as mulleres científicas presentes nas rúas de Vigo. Se acudimos ao plano de Vigo, vemos que, das case 2000 rúas e prazas que o compoñén, arredor de 40 se lle dedican a mulleres, e delas 3 son científicas.

Na entrada da escola, convertemos o laboratorio do Doutor Bacilus nun gran fondo submariño, no que hoxe apareceu o barco de Ángeles Alvariño. Coñecemos aspectos da súa vida e a aprendemos algo dela e do seu traballo. Con Ángeles investigamos sobre a auga e a relación que ten co noso corpo e coa contorna. Hoxe, no tempo de lecer, a rapazada, presentou ante os seus compañeiros de escola distintos experimentos nos que a auga é fundamental.

Investigamos sobre as nais científicas da escola, vos enviamos a ligazón da presentación de todas elas. NAIS E CIENTÍFICAS DO RESÍO

Tamén investigamos a:

Ángeles Alvariño, Científica galega recoñecida internacionalmente. Estudou Ciencias Naturais e
foi a primeira muller en viaxar como científica nun buque de investigación británico. Os seus traballos tiveron especial relevancia e aplicación na oceanografía e na bioloxía mariña.çEn Vigo traballou no IEO (Instituto ESpañol de Oceanografía), logo marchou aos Estados Unidos a seguir investigando. Descubriu 22 especies novas de ZOOPLANCTO. Os seus estudos foron de grande importancia para mellorar a pesca, que tanto depende da presenza do plancto.Hai unha rúa que leva o seu nome na urbanización de Cabo Estai en Canido.
Olimpia Valencia. Foi a primeira galega que fixo un doutoramento. Foi en Medicina en Madrid. Exerceu de xinecóloga na cidade olívica durante décadas, sendo a primeira médica con consulta propia.
Madame Curie. Naceu en Polonia e dá o seu nome a unha praza da Universidade. Descubriu un comportamento estraño nos átomos duns materiais, e chamoulle: Radioactividade. Foi a primeira muller en recibir o premio Nobel e... por dúas veces, en 1903 de física e en 1911 de Química.