NAIS CIENTÍFICAS QUE TRABALLAN EN PROL DO PLANETA

A nai de Antón, Sonia veu contarnos o que foi facer a Serra Leona hai unhas semanas. Amosounos onde está e como é a vida nesa zona: como son as casas, os alimentos, os seus costumes e as súas músicas. Sabiades que os nenos de Serra Leona son coma nós? So pensan en xogar e pasalo ben; aínda que eles xogan máis fóra da casa e en grandes grupos. E o que máis lles gusta é bailar!

Tamén falamos dos 17 obxectivos de desenvolvemento sostible para o 2030 e en particular do 7 e do relacionado coa súa labor en África: a enerxía sostible. O 86% da poboación de Serra Leona non ten acceso á enerxía. A organización coa que traballa (UNOPS) está a instalar placas solares para que poidan funcionar os 44 centros de saúde nas zonas rurais.

PREME NA IMAXE PARA VER FOTOGRAFÍAS DA ACTIVIDADE

11 DE FEBREIRO DIA DA MULLER E A NENA NA CIENCIA

O alumnado de 6º de primaria da escola  dobrou ao galego, o curso pasado, este video no que se visibilizan 12 MULLERES CIENTÍFICAS en diferentes campos e de diferentes épocas que abriron o camiño  da ciencia para todos e todas . Agardamos que servan de modelo para outras que virán.

OBRADOIRO O MAR NO CAMIÑO

Os nenos e nenas de 2º tivemos a sorte de disfrutar deste obradoiro da man da Fundación para a Pesca e o Marisqueo Fundamar. Primeiro escoitamos as aventuras de catro personaxes moi simpáticos que deciden facer o camiño de Santiago. Despois, por grupos fixemos unha actividade de papiroflexia dirixida por  MIMADRIÑA, (educadora social, recoñecida polos seus traballos de artesanía en origami) que poderedes visitar nun par de meses no M

PREME NA IMAXE PARA GOZAR DAS IMAXES DO OBRADOIRO

useo do Mar de Vigo. 

OBRADOIRO, APRENDEMOS A PODAR

Dentro das actividades do Proxecto anual, o alumnado de 5º de Ed. Primaria iniciámonos no traballo da poda de árbores froiteiras. Aproveitamos os coñecementos de Emilio Pérez, que amablemente viu a axudarnos e que nos guiou nesta tarefa seguindo as seguintes pautas:

 

- Levar sempre luvas para protexermos as mans.

- Ter as ferramentas ben afiadas (tesoiras e serra)

- Temos que imaxinar como queremos que medre a árbore, para darlle a forma que nos interese.

- Non cortar nunca á beira dunha póla nova, sempre no medio da máis grosa.

- A mellor época para podar é no inverno, cando non chova. 

- O mellor tempo para podar é en cuarto minguante para que non sufran as árbores.

 

Emilio tamén nos recomendou facer a poda na fase lunar de cuarto minguante, para reducir o sufrimento da árbore por mor da poda.

A experiencia foi moi divertida. Agardamos non esquecer o aprendido para a poda do próximo ano!

SE QUERES VER COMO O FIXEMOS, PREME NA IMAXE.

XORNADA LÚDICA MULTIDEPORTIVA

O alumnado de 4º, 5º E 6º de Ed. Primaria acudiu o xoves 6 de febreiro a unha xornada lúdica ao CUVI, organizada polo Servizo de Deportes.

Os alumnos de 4º participaron en actividades de Loita Olímpica, os de 5º tiveron unha xornada de Atletismo e os alumnos de 6º Xogos Tradicionais. Foi unha xornada moi completa e divertida, na que compartimos actividades con outros centros de ensino da cidade.

PREME NA IMAXE PARA VER QUE BEN O PASAMOS

POESÍA POLA PAZ

Durante toda a semana os  nenos e nenas de primaria que quixeron, escolleron poesías que falaran de paz,  aprendéronas e viron pola biblioteca nos recreos a participar no MARATON  DE POESÍA POLA PAZ . 

Así nos agasallan coas súas voces.