A NOSA BIBLIOTECA

Iniciado o presente curso escolar 2017/2018, e logo duns días de traballo, a biblioteca da escola está xa case lista para botar a andar. 

  A pasada semana tivo lugar o MERCADO DE LIBROS USADOS E DE OCASIÓN, na que o alumnado adquiriu libros cos PIKEUROS acadados con moito esforzo o pasado curso. 

Esta semana xa está aberta na xornada matinal é a partir do luns día 2 de outubro, de 16 a 18h, comezarán os préstamos ás familias. Podedes pasar  pasar e acompañar aos vosos  fillos na súa aventura do saber, e por qué non tamén na vosa aventura do saber.

Temos ademáis un rechuncho de lectura para as familias 

NON PODES PASAR DE LELO.

ANIMÁDEVOS!

PICOLINDO PRESENTANOS AOS SEUS NOVOS AMIGOS.

Picolindo, a mascota da nosa biblioteca, quere presentarnos a uns amigos, que xa levan días nas aulas da escola. Estes catro amiguiños acompañarannos e guiarannos ao longo do tempo para que sexamos quen de levar a cabo a difícil tarefa de traballar cooperativamente.

O debuxante vigués, Jacobo Fernández Serrano, concedeunos a honra de debuxar para nós os distintos roles da aprendizaxe cooperativa con personaxes das súas bandas deseñadas:

• PORTAVOZ
• SECRETARIO
• AXUDANTE
• COORDINADOR

 Dende o pasado curso escolar,   a Aprendizaxe Cooperativa integrouse nas aulas do Rocío, chegando a converterse nun recurso imprescindible para as mestras e mestres. A finais do curso 2015/2016 decidimos participar nun proxecto de formación en centros para a implantación da Aprendizaxe Cooperativa nas aulas, porque nos parecía un instrumento ideal para  lograr a inclusión e a cohesión social, e  permitíanos o desenvolvemento de estratexias de atención á diversidade na aula, facilitando o desenvolvemento das competencias básicas no alumnado. O profesorado pensa que os contidos traballados con esta metodoloxía afianzanse máis.

 En resumo podemos decir que nas aulas  do Rocío,  o traballo cooperativo forma parte das dinámicas das aulas o que permite acadar unha aprendizaxe eficaz, respectando as individualidades e os distintos ritmos de desenvolvemento e aprendizaxe. O traballo desenvólvese en grupos pequenos de alumn@s heteroxéneos para lograr obxectivos comúns de aprendizaxe. Deste xeito lograremos que os nosos alumnos sexan  persoas capaces de cooperar e de establecer boas relacións humanas.

BENVIDOS E BENVIDAS A ESTA NOVA AVENTURA DO SABER

Durante o seu desenvolvemento aprenderedes e afianzaredes coñecementos de todo tipo, facéndoos xirar sempre arredor do tema anual

DA EIRA Á CAPOEIRA

Tamén exploraredes as vosas posibilidades, as vosas capacidades e os vosos recursos. Tentaremos, pois, que espremades ao máximo o voso espírito cocoperativo e que avancedes no voso densenvolvemento persoal. 

E esta é unha importantísima e grande tarefa, na que non estaredes sós para desenvolvela; contaredes coa axuda e colaboración dos mestres e o que é máis importante, coas vosas familias, que son sempre unha inestimable axuda.

 Con todo isto, dispoñemos dos mellores vimbios para fabricar a gran CESTA DO SABER E DO COÑECEMENTO.

E tratando de construir esta cesta do saber, levamos xa dúas semanas, coñecemos a novos mestres, a novos compañeiros e compañeiras, e os máis cativos da escola, acaban de rematar o seu período de adaptación. 

 

REMATA O VERÁN... VOLTA Á ESCOLA

A piques de comezar o novo curso, xa traballamos nas ideas a desenvolver para que cando volvades á escola, atopedes multitude de actividades divertidas que vos axuden a continuar a aprender...

En poucos días todo listo para recibirvos!

Lembramos con este vídeo como rematou o curso. Parece que as actividades eran divertidas,... pois esperade ás que estamos a artellar!

VOLTAMOS EN SETEMBRO

EXCURSIÓN FIN DE CURSO: PARQUE ARQUEOLÓXICO DE ARTE RUPESTRE CAMPO LAMEIRO

Para rematar o curso escolar, o alumnado de primaria gozou cunha saída ao Parque Arqueolóxico de Arte Rupestre de Campolameiro. Unha gran experiencia sensorial no mellor recorrido pola arte rupestre.

GRADUACIÓNS 2017

Fermoso día, e boas actuacións do alumnado do sexto curso de E.I. e E.P.
Comezaron os máis cativos cunha cantiga moi coñecida por todos nós.

A seguir os nen@s de sexto de primaria protagonizaron unha obriña de teatro.

E finalmente tivo lugar os actos de graduacións. Momentos de moita emoción e sentimentos a flor de pel. Despedimos da escola a unha gran promoción de alumn@s e recibimos aos novos alumn@s de primaria,  coa entrega simbólica da leira que coidarán ao longo destos seis anos que durará a súa etapa educativa. Un legado, simbolizado polo legón que lle entregaron @s alumn@s que se marchan ao instituto.

II PICOLIMPIADAS DO SABER

Por segundo ano consecutivo, tiveron lugar as Picolimpíadas do Saber na escola, nas que o alumnado de primaria ten que demostrar os coñecementos adquiridos ao longo do curso e que se viron afianzadas nas Xornadas de Expertos na temática anual, neste caso PaseArte polo tempo.

O día 20, os equipos finalistas, competiron a un gran nivel, e foron agasallados pola ANPA da escola OS IRMANDIÑOS, cunha entrada para o Cine no CC. Gran Vía.

Fútbol Gaélico no Resío

Nas aulas de Educación Física xa levamos anos no noso cole practicando un deporte chegado de Irlanda, o fútbol gaélico. Este ano os alumnos de 4º, 5º e 6º de Ed. Primaria fixemos uns vídeos con exercicios para aprender este deporte.

RECIBIMOS O VERÁN DUN XEITO ESPECIAL

Coa calor dos últimos días, decidimos facer un tempo de lecer especial. Celebramos a chegada do verán cunha FESTA DA AUGA.
As imaxes o contan todo.

COMEZA A COLLEITA

Despois de moito traballar na leira.... chega o momento desexado por todos: 

A COLLEITA



Hoxe foi a quenda dos rapaces de primeiro. 

Que contentos marchan para a súa casa coas leitugas!

Mañá de primeiro... ENSALADA

URBANIZARTE

O alumnado do quinto curso de educación primaria e varios alumnos de sexto participaron nun TALLER DE ARTE URBANA, que pretendía achegar aos nosos rapaces ao proxecto "VIGO CIDADE DE COR" que se desenvolve e transforma desde 2015 a cidade de Vigo.

Aos rapaces se lles trasmitiron as normas que non están escritas nnos creadores desta arte e que se basea fundamentalmente no RESPECTO.

Ademáis, fíxose moito fincapé en que o "STREET ART", non ten nada que ver co vandalismo.

Estupenda a iniciativa de MINGOS TEIXEIRA coa colaboración do Concello de Vigo para acercar o graffiti á escola.

PROCESO DE CAMBIO DE NOME

Dende o centro, queremos informar a toda a comunidade educativa, do proceso de cambio de nome do mesmo.

Como ben sabedes, levamos xa un tempo con este trámite. Chegados xa ao derradeiro paso, o Concello anímanos a recuperar a toponimia tradicional da zona; polo que propón que repensemos o nome e tomemos unha decisión definitiva.

Os órganos competentes do centro; CONSELLO ESCOLAR e CLAUSTRO, informados  da proposta do Concello, deciden tomala en consideración e apostar maioritariamente por ela.

Así pois, queda decidido, recuperar a toponimia tradicional e oficial e renomear o noso centro como:

                                                                     CEIP O RESÍO

Supoñemos que o cambio agradaravos tanto coma a nós. Enseguida nos afaremos a el.

Sentímonos satisfeitos por poñer en valor a nosa lingua e os nosos costumes e cultura e esta decisión, é un pasiño máis nese camiño.

A XESTEIRA

Os alumnos e alumnas do sexto curso de primaria non sabemos se serán capaces de coller hoxe o sono perante o gran día que lles espera mañá, a ansiada excursión de despedida da escola, no centro Multiaventura de a Xesteira no Concello de A Lama.

Os nosos alumnos irán acompañados polo seu mestre titor, a xefa de estudos e a mestra de música.

As súas experiencias serán marabillosas!.

Grazas Juan, Ana e Cris, pola vosa predisposición altruista de acompañamento e por facer posible esta saída.

OS EXPERTOS EN ARQUITECTURA VISITAN O PAZO DE CASTRELOS

O alummado do primeiro e segundo curso de primaria visitan o Pazo de Castrelo que foi doado por D. Fernando Quiñones de León, Marqués de Alcedo, á cidade de Vigo para ser dedicado a museo no ano 1924.

Os seus xardíns franceses os deixaron abraiados.