CONCURSO:"AMOR NA NOSAS LENDAS",DOS NENO@S DE 3 Anos.

SE QUEREDES MIRAR OS TRABALLOS DAS FAMILIAS DOS NOSOS NEN@S DE 3 ANOS, PREMEDE NA FOTO.

ANIMÁDEVOS AO CONCURSO!

O ENTROIDO 2013 DO ROCÍO.

Benqueridas familias, un ano máis levamos a cabo na nosa escola a celebración do ENTROIDO. Durante máis de tres semanas estivemos traballando "a todo tren" para poder deseñar os disfraces cos que os nosos alumnos e alumnas desfilaron o pasado venres.

Esta é unha das celebracións sinaladas no currículo para que os vosos fillos e fillas coñezan as principais festas e tradicións da nosa comunidade. Nenos, nenas, mestres, mestras, pais, nais, avós e avoas colaboraron  para que esta festa fora unha nova ocasión na que todos nos xuntasemos e con moito esforzo, e coa colaboración de todos gozaramos con todas e cada unha das actividades realizadas.

• O Meco mecón, deu ordes ao longo de toda a semana, e conseguíu que todos e todas obedeceramos.

• Tivemos OBRADOIROS DE ORELLAS E FILLOAS. A totalidade do alumnado de educación primaria gozou dun obradoiro de cociña na sesión de expresión plástica esta semana. Pasáronno fenomenal.

OBRADOIRO DE ORELLAS.

OBRADOIRO DE FILLOAS.

• Desfilamos ata a Alameda de Suarez Llanos. Ao chegar comemos pan con chocolate para recuperar forzas.
•  GRAZAS ,QUIQUE, POR ACOMPAÑARNOS COA MEGAFONÍA, ESTABAS GUAPÍSIMO CON ESE        DISFRACE.

OS MÁIS PEQUENOS DISFRAZARONSE DE BOUCENSES, ERAN OS OESTRYNMIOS.

 

OS DE CATRO ANOS ERAN OS POLBOS DO MAR DE BOUZAS.

OS DE CINCO ANOS ÍAN DE FOGUETES, LEMBRANDO AOS TRADICIONAIS FOGOS DE BOUZAS.

 




                 OS DE PRIMEIRO ERAN OS FALUCHOS.

 




       OS DE SEGUNDO,  CABALEIROS DAS CUNCHAS.






  EN TERCEIRO REPRESENTABAN A TRABALLADORES    DO MAR: REDEIRAS E MARIÑEIROS.

 



                             OS DE CUARTO, MEDUSAS.


 





OS DE QUINTO, MÚSICOS DA BANDA O SON DE BOUZAS.



               E OS DE SEXTO, PIRATAS DE BOUZAS.

Grazas á POLICÍA MUNICIPAL por acompañarnos no traxecto, e tamén aos pais e nais colaboradores.

• Xa de volta na escola fixemos o xuizo do Meco. Colaboraron os nenos e nenas do 6º curso de Educación Primaria. Estiveron fastásticos!

 

• Finalmente, degustamos orellas, filloas, flores,... produtos típicos da nosa terra. GRAZAS PAIS E NAIS COLABORADORES.

UN ENTROIDO DE HISTORIA:"OS PRIMEIROS BOUCENSES"

O  tema central deste curso é “Bouzas”.

A nosa aula,  a dos nen@s de tres anos, está a traballar cómo eran os seus primeiros habitantes, cómo vestían, cómo vivían, cómo se alimentaban…estamos a facer un traballo de investigación.

O noso disfrace de entroido baseouse na vida e costumes destes primeiros boucenses.

Se queredes saber algo da historia de Bouzas, como fixemos os nosos disfraces, e sorprendervos con cousas que non sabiades antes...só tedes que premer na foto e veredes qué interesante.

FELÍZ ENTROIDO A TOD@S E UNHA APERTA MOI FORTE DOS NEN@S DE 3 ANOS E A PROFE MARICRUZ.

SOBREMESAS DE ENTROIDO

IMOS FACER  ORELLAS

   ORELLAS DA VICENTA

         ( receita tradicional )

INGREDIENTES:

      * 800 g. de fariña

      * 100 g. de manteiga cocida

      * 2 ovos

      * 1 vaso de auga morna

      * 1 copa de anís

      * un chisco de sal

      * aceite para fritilas e azucre para salferir por riba.

 PREPARACIÓN:

Comezaremos mesturando a manteiga derretida coa auga nunha cunca, a seguir, engadimos os ovos mailo anís e o sal.

 Onde vaiamos amasar, facemos un volcán coa fariña e alí envorcamos a mestura da cunca. Traballamos ben a masa. Unha vez rematado o traballo cortamos, coa man, a masa en anacos pequenos e estiramos estes coa axuda dun rolo (está ben rematar de estiralas coa man antes de poñelas na tixola, xa que canto máis finas, máis crocantes e saborosas).

 Fritímolas en aceite ben quente e poñémolas a escorrer de pé enrriba de papel absorbente ou papel de cociña.

 Unha vez todas fritidas e ben escorridas poñémolas nunha prata e salferimos azucre por riba.

  

  QUE VOS SAIBAN!

                                                   

ORGULLOSOS DA NOSA ESCOLA

Este ano celebramos o DIA DA PAZ dun xeito diferente!!

Traballando todos xuntos,

 sentindo que pertencemos a un grupo, 

e tendo claro o máis importante:

SORRIR

Elaboramos un vídeo amosando algunhas estancias da nosa escola mentres bailabamos e cantabamos todos xuntos a cantiga de Macaco: "Una sola voz"

Para a celebración  do evento tamén invitamos ás familias que gozaron dun día de festa xunto con todo o alumnado da escola.

Cunha camiseta branca e as mans brancas simbolizamos o noso desexo por un mundo pacífico.

FELIZ DIA DA PAZ

Comparte con nós como te sentiches e deixa os teus comentarios escritos no blogue.

Queredes repetir esta experiencia???     

A ESCRITORA FINA CASALDERREY NA REAL ACADEMIA GALEGA

A RAG (Real Academia Galega) acaba de elixir a Fina Casalderrey como académica numeraria. Con Fina entra na Academia unha muller (por méritos propios) pero tamén a literatura infantil e xuvenil. Diso vai tratar o seu discurso de entrada, escoitaremos esas palabras que tratan desta literatura non sempre asumida como LITERATURA (con maiúsculas).

Realmente estamos de noraboa, pois sentímonos moi ben representadas por esta muller que entre outros conta con Premio Nacional de Literatura Infantil e Xuvenil. Unha muller que ademais é mestra (acaso se deixa de ser por non ir xa á escola?) e, polo tanto, mediadora do libro. Unha académica de luxo! Publicado Yesterday por Asesoría Bibliotecas Escolares

Como vedes aquí enriba somos moitas as bibliotecas escolares que queremos celebrar esta boa nova. Fina Casalderrey ten visitado xa o noso centro en máis dunha ocasión, a última no curso pasado. Todos os nosos PARABÉNS para ela e para a Literatura Infantil e Xuvenil nela representadas.

ANIMÁDEVOS a escoller libros dela na nosa biblioteca . Aí van algúns dos seus títulos:

Pesadilla en el tren Chocolate . Chamizo . Eu son eu . Filla das ondas . Ás de mosca para Anxo. Puag, que noxo!.  Quen me quere adoptar? Unha Raíña negra . Bicos de prata. Derradeira carta aos Reis Magos. Xela volveuse vampira. Desventuras dun lobo namorado. O estanque dos parrulos pobres. Dúas bagoas por Máquina. O neno can.

A NOSA ESCOLA É UN DOS CENTROS SELECCIONADOS.

O noso centro educativo é un dos 60 colexios que no día de onte asinou un contrato-programa coa Xunta de Galicia. Neste acto estivemos presentes a meirande parte dos directores xunto co Conselleiro de Educación,  Jesús Vázquez Abad, acto no que estivo acompañado pola delegada da Xunta en Vigo, María José Bravo Bosch.
O conselleiro salientou o gran labor levado a cabo nos centros educativos, para  acadar o mellor de cada un dos alumn@s.
A nosa escola participa con dous programas de reforzo e tres grupos de traballo.

ODAIKO

CONCURSO ESCOLAR. QUE É UN REI PARA TI?

Un ano máis participamos neste concurso que permite ao noso alumnado cun tema sinxelo dar roda solta a súa imaxinación.

Traballachedes moito nas vosas vacacións de Nadal. Os traballos son estupendos. 

SODES UNS ARTISTAS!!!

CALENDARIO ANUAL 2013

O Apalpador | A canción e o baile

 Aquí tedes un vídeo do Apalpador e maila súa canción. 

A ver se a aprendedes e a cantamos todos á volta das vacacións...

          

FESTA DE NADAL 2012

O derradeiro día de escola foi especial.

Festexamos o Nadal cun programa de actividades pensado para que os nen@s puideran divertirse e sentir os costumes desta festa tan popular.

  Comezamos coa visita do Paxe Real para que todos os nen@s puideran entregar as súas cartas e contarlle en persoa os seus desexos para o vindeiro ano.

As 10 da mañá xuntámonos todos no ximnasio da escola para formar grupos mesturados con nen@s de tódalas idades dende 3 a 12 anos. Despois comezaron os obradoiros.

Obradoiros de maquillaxe

 Obradorios de contacontos

Obradoiros de panxoliñas

 Obradoiros de Bingo

Mira na presentación todas as imaxes

 

Despois da visita do Paxe Real e os obradoiros chegou o momento da tradicional CHOCOLATADA e AS BADALADAS que marcan o comezo do novo ano. Para rematar, bailamos e cantamos no ximnasio gozando dun fantástico día de festa!!

  
Vive connosco as 12 badaladas!!

Mira a presentación de imaxes e descubre como o festexamos!!

 

Felices festas!!

Vémonos o vindeiro martes 8 de xaneiro!!

FEITIZOS E ESCONXUROS

Durante o mes de novembro emerxemos no mundo da maxia.

Moitos nen@s achegáronse a biblioteca e xogaron con conxuros e apócemas máxicas secretas.

Preme nos vídeos e escoita algún deles. Tamén podes lelos e practicalos!!   

TEMPO DE NADAL.

Chegadas estas datas, comeza o momento de decorar a nosa escola de Nadal. Comezabamos decorando os cristais dalgún corredor e dalgunha aula e continuamos facendo unha árbore de Nadal moi colorista. Sabedes onde está?. Esperamos que xa a atoparades. De tódolos xeitos e para os máis despistados, aquí vai unha foto. Quedou preciosa.

Na aula de plástica estivemos a facer uns debuxos para o CONCURSO ANUAL de POSTAIS de NADAL.

Os debuxos amosan a creatividade de cada nen@. A preselección foi difícil para os mestres encargados e agora chega o proceso democrático. Tódolos nen@s votarán polos tres debuxos que máis lle gustan correspondentes aos ciclos educativos nos que non están matriculados. Dezaseis son os debuxos elixidos, catro por nivel. Estes son os afortunados. 

 NORABOA RAPACES!. TODOS SODES GAÑADORES.

Mañá coñeceremos os catro nenos e nenas que terán a honra de ser os máis votados. Os seus debuxos servirán para  felicitar o Nadal ás familias da nosa comunidade educativa.

Por outra banda, nas aulas estase a traballar arreo no CALENDARIO ANUAL que recibiredes como agasallo de Nadal,

BOUZAS,

12 MESES, 12 LUGARES.

E... xa iredes descubrindo todo o que estamos a traballar para coñecer a vila de BOUZAS .

De momento, GRAZAS A TODOS E TODAS POLA VOSA PARTICIPACIÓN NA DECORACIÓN DAS CUNCHAS E ESTRELAS. 

O NOSO CABALEIRO DAS CUNCHAS XA ESTÁ ENGALANADO.

Continuamos a traballar no noso proxecto anual "BOUZAS", polo que antes de facer un roteiro por Bouzas,  imos traballar diversos lugares significativos da vila onde se atopa situada a nosa escola. Tódolos nenos e nenas de primaria fixemos a nosa representación, con algún destes debuxos as profes farán a portada do noso calendario anual. Que vos parece?