O ALCALDE TAMÉN CONTA

Encadrada na actividade "Contos na lareira" tivemos hoxe a visita do alcalde de Vigo, D. Abel Caballero Álvarez, que pasou pola nosa lareira para contar ao alumnado antigas historias da cidade e recordos de infancia.

Como avó de tódolos nenos/as (xa que non ten netos), abraiou á rapazada coa historia dos templarios nas Cíes e contou aos máis cativos recordos da súa infancia.

Animou ao alumnado a seguir estudando para medrar como persoas e para poder chegar a ser Alcaldesa / Alcalde da cidade nun futuro.

CHARLA DO ALCALDE COS PEQUENOS. 

"RECORDOS DA SÚA INFANCIA"

CHARLA DO ALCALDE COS MAIORES DA ESCOLA.

"HISTORIAS DOS TEMPLARIOS NAS CÍES" 

AS PREGUNTAS DOS MÁIS CATIVOS AO ALCALDE

AS IMAXES DO EVENTO 



PARA REMATAR, UN AGASALLO AO ALCALDE

A canción do videoclip da escola "a capela"

Asinou no libro de visitas de Picolindo

A visita do  Alcalde na prensa:

https://www.vigoe.es/vigo/local/item/21251-quince-colexios-de-vigo-solicitan-a-cubricion-dos-seus-patios?platform=hootsuite

AVÓS, AVOAS E ROSALÍA

Grazas a todalas familias da escola que participaron na actividade "Contando a Rosalía". Fermoso o mural e marabillosa a actividade levada a cabo polas familias.

OS TRES PORQUIÑOS E MARÍA JOSÉ

Por fin, chegou a inauguración do recuncho que os mestres da escola prepararon con moito esmero. Dna. MªJosé, a avóa de Clara Silva Frias do quinto curso de Educación Infantil, tivo a honra de estrear a LAREIRA DOS AVÓS. Elexiu un conto precioso, "Os tres porquiños", e a súa neta xunto cos seus compañeiros e compañeiras gozaron dunha fermosa experiencia.

Á PROCURA DE AVÓS E AVOAS

Dentro do noso proxecto anual DA EIRA Á CAPOEIRA, o claustro decide destacar a importancia que tiña a figura dos avós dentro da casa e nas eiras. Por ese motivo dende a escola decidimos dedicarlle un pouco do tempo dos nosos alumn@s a facer unha serie de actividades onde se recoñeza a sua importante labor no proceso educativo dos nosos alumnos e alumnas.

Invitamos aos avós e avoas a visitar a escola, para contarnos historias, aprendernos oficios, cantarnos cantigas ou amosarnos fotos antigas onde nos poidan amosar como era a vida na súa nenez. Queremos que visiten a nosa leira e que nos acompañen na importante viaxe de lembrar a música, os bailes, os xogos e o estilo de vida do seu tempo.

Chamade ou enviade un e-correo, whatsapp (658715569), e concertade co profesorado a hora da vosa visita.

SESQUINCENTENARIO DE JULES VERNE

 

Co gallo da celebración dos 150 anos da publicación de "20000 leguas de viaxe submarina", o alumnado de sexto de primaria desenvolveu difeentes actividades tanto dentro da escola como fóra dela. Investigaron e leron sobre o autor francés, os seus libros e a súa relación coa nosa cidade. Visitaron diferentes monumentos dedicados ao autor e maila súa obra, realizaron un mural, miraron a película (do ano 1954) e organizaron unha exposición que todos os interesados poden visitar. 

OS BOOKTUBERS DE MARZO

VIDEOCLIP DO ROCÍO

Os nenos e nenas da escola presentan o  noso traballo á comunidade educativa dun xeito moi especial. 

GÚSTAVOS?

HOXE CELEBRAMOS O DÍA DE ROSALÍA

Hoxe celebramos en todo o país o aniversario de ROSALÍA DE CASTRO.
 Na escola, encadrada entre o aniversario de Rosalía e o mes da poesía, marzo, acordamos centrar a campaña de posta en valor desa figura, tan familiar e importante para todos:

 OS AVÓS E AVOAS

 Os nenos e nenas levaron onte un agasallo para eles: recitarlles uns versos de Rosalía de Castro que levan escritos nuns documentos como os de abaixo. Que xeito tan bonito de celebrar un aniversario!

Xa chegan as primeiras imaxes. Algúns teñen que recitalos a través do teléfono, outros de xeito presencial.

NO ENTROIDO... FILLOAS

O Entroido rematou, e as nosas familias gozaron deste tempo de descanso facendo un postre tradicional:
AS FILLOAS.
Iremos subindo os vídeos das familias pouco a pouco, e...
comezamos con DORA e familia.

PRECIOSO O PASARRÚAS DE ENTROIDO

 Estupenda actividade colaborativa de toda a comunidade educativa. O Entroido, é algo máis cunha festa.
O alumnado, logo de días traballando arreo na confección do seu disfrace, e as familias gozaron dun estupendo día, que comezou algo anubrado e con moita poalla, pero tal e como indicaban as prediccións, pasadas ás dez da mañá, deunos tregua para que,

A COLMEA de 4º EI 

 A CAPOEIRA de 5º EI,

OS NOSOS PORCOS CELTAS de 6º EI

AS VACAS FESTEIRAS de 1º EP

  

OS BOLOS DO RESÍO de 2º EP 

As FROITEIRAS GALEGAS de 3º EP 

GRANXEIROS E APEIROS de 4º EP

 TROMPOS, PEONS OU BUXAINAS de 5º EP e,

ESPANTAR, ESPANTAREI...de 6º EP 

puidesen sair da escola de pasarrúas escoltados pola Policía e mailo meco D. Patacón, que por ser revelde tivo que ser levado tumbado enrriba do coche. 
Se queres ver as imaxes do pasarrúas pica no seguinte enlace: 
https://photos.app.goo.gl/D27cmRtvcjTXF4Dz2


Chegando á escola, foi xulgado polas falcatruadas que nos fixo ao longo da semana.

 A sentencia: "morrer queimado"

As imaxes de grupo, do xuizo e queima do meco e a degustación das saborosas sobremesas podedes descargalas no seguinte enlace:
https://photos.app.goo.gl/bS33bnxZUmV9SDZE2

PROGRAMA DE ENTROIDO

OS BOOKTUBERS DE FEBREIRO

Os nosos alumnos e alumnas non paran de ler, encántanlles os libros, e este mes, nos recomendan...

DON PATACÓN CHEGA AO ROCÍO

Hoxe, a Comunidade Educativa do Rocío, xuntouse pouco antes das dúas para dar a benvida ao...

Meco Don Patacón

É a figura máis importante do entroido, é o que manda e ordena e... todos debemos obedecer se queremos gozar desta festa tan divertida.

Este luns, un mandil, dos da cociña!

CELEBRAMOS O DÍA DA PAZ NO RESÍO

30 DE XANEIRO DÍA DA PAZ E A NON VIOLENCIA

 Hoxe martes 30 de xaneiro celebramos o día da Paz. Durante esta semana cada clase coloreou bonecos con mensaxes de paz que tiñan que ver co respecto ás persoas, respecto á naturaleza, as emocións e os sentimentos ou palabras de paz.

Hoxe os empregamos para facer unha cadea de persoas e mensaxes. Os alumnos/as de 6º de primaria recitaron unhas poesías de paz.  

POESÍAS DE PAZ

Liga Escolar de Bádminton

Como continuación á campaña de bádminton que realizou o club RACHAPLUMAS no noso centro o pasado mes de decembro, vaise disputar unha liga escolar de bádminton, na que poden participar todos os alumnos de 3º a 6º da Educación Primaria que o desexen.

Esta competición desenvolveráse unha vez ao mes, comezando o domingo 25 de febreiro, no Pavillón Municipal da ETEA (Avda. Marina Española, s/n, TEIS-Vigo).

Para poderen participar deben encher o impreso de autorización que se adxunta, envialo por ecorreo a cbrachaplumas@yahoo.es e entregar o orixinal o primeiro día da competición na que participen. Este impreso é imprescindible para poder participar e tramitar o seguro deportivo. O custo desta actividade é 0,00 € e o único que teñen que traer á instalación é roupa deportiva e raqueta, se a teñen.

AUTORIZACIÓN PARA PARTICIPAR (Hai que enviala antes do 9 DE FEBREIRO)  

O calendario de xornadas é o seguinte:

        - Domingo 25 de febreiro de 2018.

        - Domingo 18 de marzo de 2018.

        - Domingo 22 de abril de 2018.

        - Domingo 13 de maio de 2018.

        - Domingo 20 de maio de 2018 (Remate)

  Pódese participar nunha, varias ou todas as xornadas.

    - Horario:de 09:30 h. a 14:30 h.

        - A derradeira xornada é posible que se xogue todo o día.