OS BOOKTUBERS DE MARZO

VIDEOCLIP DO ROCÍO

Os nenos e nenas da escola presentan o  noso traballo á comunidade educativa dun xeito moi especial. 

GÚSTAVOS?

HOXE CELEBRAMOS O DÍA DE ROSALÍA

Hoxe celebramos en todo o país o aniversario de ROSALÍA DE CASTRO.
 Na escola, encadrada entre o aniversario de Rosalía e o mes da poesía, marzo, acordamos centrar a campaña de posta en valor desa figura, tan familiar e importante para todos:

 OS AVÓS E AVOAS

 Os nenos e nenas levaron onte un agasallo para eles: recitarlles uns versos de Rosalía de Castro que levan escritos nuns documentos como os de abaixo. Que xeito tan bonito de celebrar un aniversario!

Xa chegan as primeiras imaxes. Algúns teñen que recitalos a través do teléfono, outros de xeito presencial.

NO ENTROIDO... FILLOAS

O Entroido rematou, e as nosas familias gozaron deste tempo de descanso facendo un postre tradicional:
AS FILLOAS.
Iremos subindo os vídeos das familias pouco a pouco, e...
comezamos con DORA e familia.

PRECIOSO O PASARRÚAS DE ENTROIDO

 Estupenda actividade colaborativa de toda a comunidade educativa. O Entroido, é algo máis cunha festa.
O alumnado, logo de días traballando arreo na confección do seu disfrace, e as familias gozaron dun estupendo día, que comezou algo anubrado e con moita poalla, pero tal e como indicaban as prediccións, pasadas ás dez da mañá, deunos tregua para que,

A COLMEA de 4º EI 

 A CAPOEIRA de 5º EI,

OS NOSOS PORCOS CELTAS de 6º EI

AS VACAS FESTEIRAS de 1º EP

  

OS BOLOS DO RESÍO de 2º EP 

As FROITEIRAS GALEGAS de 3º EP 

GRANXEIROS E APEIROS de 4º EP

 TROMPOS, PEONS OU BUXAINAS de 5º EP e,

ESPANTAR, ESPANTAREI...de 6º EP 

puidesen sair da escola de pasarrúas escoltados pola Policía e mailo meco D. Patacón, que por ser revelde tivo que ser levado tumbado enrriba do coche. 
Se queres ver as imaxes do pasarrúas pica no seguinte enlace: 
https://photos.app.goo.gl/D27cmRtvcjTXF4Dz2


Chegando á escola, foi xulgado polas falcatruadas que nos fixo ao longo da semana.

 A sentencia: "morrer queimado"

As imaxes de grupo, do xuizo e queima do meco e a degustación das saborosas sobremesas podedes descargalas no seguinte enlace:
https://photos.app.goo.gl/bS33bnxZUmV9SDZE2

PROGRAMA DE ENTROIDO

OS BOOKTUBERS DE FEBREIRO

Os nosos alumnos e alumnas non paran de ler, encántanlles os libros, e este mes, nos recomendan...

DON PATACÓN CHEGA AO ROCÍO

Hoxe, a Comunidade Educativa do Rocío, xuntouse pouco antes das dúas para dar a benvida ao...

Meco Don Patacón

É a figura máis importante do entroido, é o que manda e ordena e... todos debemos obedecer se queremos gozar desta festa tan divertida.

Este luns, un mandil, dos da cociña!

CELEBRAMOS O DÍA DA PAZ NO RESÍO

30 DE XANEIRO DÍA DA PAZ E A NON VIOLENCIA

 Hoxe martes 30 de xaneiro celebramos o día da Paz. Durante esta semana cada clase coloreou bonecos con mensaxes de paz que tiñan que ver co respecto ás persoas, respecto á naturaleza, as emocións e os sentimentos ou palabras de paz.

Hoxe os empregamos para facer unha cadea de persoas e mensaxes. Os alumnos/as de 6º de primaria recitaron unhas poesías de paz.  

POESÍAS DE PAZ

Liga Escolar de Bádminton

Como continuación á campaña de bádminton que realizou o club RACHAPLUMAS no noso centro o pasado mes de decembro, vaise disputar unha liga escolar de bádminton, na que poden participar todos os alumnos de 3º a 6º da Educación Primaria que o desexen.

Esta competición desenvolveráse unha vez ao mes, comezando o domingo 25 de febreiro, no Pavillón Municipal da ETEA (Avda. Marina Española, s/n, TEIS-Vigo).

Para poderen participar deben encher o impreso de autorización que se adxunta, envialo por ecorreo a cbrachaplumas@yahoo.es e entregar o orixinal o primeiro día da competición na que participen. Este impreso é imprescindible para poder participar e tramitar o seguro deportivo. O custo desta actividade é 0,00 € e o único que teñen que traer á instalación é roupa deportiva e raqueta, se a teñen.

AUTORIZACIÓN PARA PARTICIPAR (Hai que enviala antes do 9 DE FEBREIRO)  

O calendario de xornadas é o seguinte:

        - Domingo 25 de febreiro de 2018.

        - Domingo 18 de marzo de 2018.

        - Domingo 22 de abril de 2018.

        - Domingo 13 de maio de 2018.

        - Domingo 20 de maio de 2018 (Remate)

  Pódese participar nunha, varias ou todas as xornadas.

    - Horario:de 09:30 h. a 14:30 h.

        - A derradeira xornada é posible que se xogue todo o día. 

Campionato Provincial de Campo a Través

Finalmente, a nosa escola tan só puido enviar unha representante ao Campionato Provincial de Campo a Través, Olyvia Fernández de 5º de Ed. Primaria, quen realizou unha extraordinaria carreira na que se mediu coas mellores corredoras da provincia de Pontevedra. O resultado foi máis que satisfactorio, xa que competía con xente que se dedica ao atletismo desde hai anos, adestrando varios días á semana. Foi unha grande alegría que a nosa compañeira Olyvia se clasificase no 12º posto da carreira. Unha grande experiencia para a nosa compañeira, que de certo terá os seus froitos en futuros eventos deportivos. 

Parabéns e un enorme aplauso para ela!!!

Xornada de Loita Olímpica

Onte 17 de xaneiro os rapaces e raparigas de 4º de Ed. Primaria fomos ao CUVI  realizar unha xornada de Loita Olímpica. Alí practicamos diversos xogos, xa traballados nas aulas de Ed. Física, nos que nos medimos cos nenos doutros centros cos que compartimos esta actividade: CEIP A Dobrada, CEIP Carballal e o CEIP Sobreira. Foi unha xornada moi intensa, pasámolo xenial!!!

PREME NA IMAXE PARA VER AS FOTOGRAFÍAS

OS BOOKTUBERS DE XANEIRO

Esta iniciativa, que propón Picolindo, fascina a nenos e nenas. É un xeito ameno de compartir os seus gustos lectores entre a comunidade educativa. Gonzalo, o noso mestre de audición e linguaxe, colabora coa nosa mascota e nas súas gravacións difunde as paixóns lectoras do  noso alumnado.

Os booktubers de xaneiro son... !

Campionato Provincial de Campo a Través

Tras a participación do noso centro no Cross Zonal de Zamáns, no mes de novembro, varios dos nosos alumnos conseguiron a clasificación para o Campionato Provincial de Campo a Través, que terá lugar o próximo martes 23 en Portas (Caldas de Reis).

Parabéns para os nosos atletas:
ALEJANDRO FERNÁNDEZ LABAJO (Benxamín Masculino)
OLYVIA FERNÁNDEZ LIM (Alevín Feminino)
NOA GROBA COMESAÑA (Infantil Feminino)

BO TRABALLO RAPACES!!!! 

@S BOOKTUBERS EN DECEMBRO

Hoxe presentamos o segundo vídeo do mes de decembro. 

O vindeiro luns 15 de xaneiro volveremos a xuntarnos para gravar mais recomendacións. Achégate a biblioteca e ven contarnos a túa lectura recomendada!!