V XORNADAS EXPERTOS.

Na última quincena do mes de marzo, celebraronse na escola as

 V XORNADAS DE EXPERTOS,

que nesta ocasión foron

 EXPERTOS NAS MARABILLAS DO MUNDO.

Os nen@s da escola, tentaron amosar parte do  aprendido ao longo deste curso e explicaron, como conferenciantes EXPERTOS,  diante de todo  alumnado e profesorado da escola.

Todos eles, e do mellor xeito posible, expresaron as súas ideas en público, vencendo en moitas ocasións o medo e a vergoña de falar diante de tanta xente.

Cada clase especializouse nalgunha das

  MARABILLAS DO MUNDO 

• 4º EDUCACIÓN INFANTIL: MACHU PICCHU
• 5º EDUCACIÓN INFANTIL: PIRÁMIDE DE EXIPTO (Mención honorífica)
• 6º EDUCACIÓN INFANTIL: COLISEO ROMANO
• 1º EDUCACIÓN PRIMARIA: TAJ MAHAL
• 2ºEDUCACIÓN PRIMARIA: MURALLA CHINESA
• 3ºEDUCACIÓN PRIMARIA: CRISTO REDENTOR
• 4ºEDUCACIÓN PRIMARIA: PETRA
• 5ºEDUCACIÓN PRIMARIA: Antigas marabillas do mundo
• 6º EDUCACIÓN PRIMARIA: CHICHÉN ITZA

PLAN PROXECTA: ALIMENTATE BEN.

DISTRIBUCIÓN DA FROITA NA ESCOLA.

Hoxe comezou unha das catro semanas nas que se distribuirá froita fresca ao alumnado.
Levamos xa tres anos incorporados ao Plan de consumo de Froitas na Escola, que subvencionado con fondos europeos pretende incidir nos bos hábitos alimentarios de consumo de froitas e verduras dende as pequenas idades dos nosos alumnos e alumnas.
O plan englobado nun proxeto a nivel europeo, ten por obxecto familiarizar á totalidade dos escolares co consumo habitual de froita. A froita ofrécese no momento do recreo, á totalidade do alumnado, agás que por motivos de saude non sexa recomendable. A intención é que os nenos coman a froita en lugar do bocata que habitualmente traen da casa. Por este motivo pregamos que adecuedes as merendas do 23 ao 27 de marzo. O éxito do plan depende moito da vosa colaboración.
 Os mestres traballaremos aspectos da alimentación, animaremos aos nosos alumnos, organizaremos actividdes de ambientacikón e traballo en equipo, e comezaremos a traballar na horta escolar...
E as familias precisamos que levedes unha alimentación equilibrada e rica en froitas e verduras. Soamente así, poderá ter éxito este programa.

A ECLIPSE DE SOL DO 20 DE MARZO DE 2015.

 

O pasado venres día 20, tivo lugar unha eclipse solar total, a Lúa cubriu o Sol. O eclipse puido verse na nosa cidade ao igual que en diferentes países de Europa. Dentro de quince días, viviremos unha eclipse lunar.

Na escola traballouse este acontecemento. Proba delo a explicación e os debuxos dos rapaces do sexto curso de educación infantil.

HOXE VISITOUNOS.... VICENTE MUÑOZ PUELLES.

O escritor Vicente Muñoz Puelles, visitou hoxe a nosa escola. Os nenos e nenas de primeiro e segundo de primaria tiveron unha fermosa experiencia cun grande escritor.

Trala lectura do libro OSCAR E O LEÓN DE CORREOS, coñecer ao autor espertou grande interese no alumnado.
Vicente Muñoz Puelles nado en Valencia, recibiu multitude de premios, gañando no 1999 o Premio Nacional de Literatura Infantil con este libro.

HOXE VISITA A NOSA ESCOLA... GONZALO MOURE.

Os nenos e nenas de cuarto curso de educación Primaria, tiveron a ocasión de coñecer a Gonzalo Moure, autor do libro recomendado pola mestra de lingua para a lectura neste trimestre.

Gonzalo Moure naceu en Valencia no ano 1951, estudou Ciencias Políticas, exercendo o xornalismo, fundamentalmente en radio, a principios dos anos setenta. En 1989, pasou a dedicarse integramente á escritura. En 1991 publicou a súa primeira novela, Geranium, que foi incluída na Lista de Honra do IBBY. Desde entón obtivo numerosos premios polas súas obras de literatura infantil e xuvenil.

•  O bocexo do puma (2000), 
• Palabras de Caramelo (Xerais, Sopa de Libros 2003), 
• Eu, que matei de melancolía ao pirata Francis Drake (Xerais, Fóra de Xogo 2004),
•  A noite do Risón (Xerais 2007), 
• Cama e conto (Xerais 2010). 

En lingua castelá publicou,

•  ¡A la mierda la bicicleta! (premio Jaén 1993), 
• Lili Libertad (Premio Barco de Vapor 1995),
•  Maíto Panduro (premio Ala Delta 2001),
•  El síndrome de Mozart (Premio Gran Angular 2003).

ODAIKO PERCUSIÓN.

O alumnado do quinto e sexto curso de educación primaria asistiron ao Auditorio NovaCaixaGalicia para gozar do espectáculo musical "Invención a cargo de Odaiko Percussion Group.

Proxecto didáctico onde Odaiko se centra en axilizar o enxeño e a curiosidade dos máis pequenos a través dunha divertida escenificación en directo chea de creatividade.

ONDE SE ATOPA PCOLINDO? 5º POSTAL

Ola rapaces!!! estou emocionado nesta MARABILLA!!

Encántanme todos os países que vou visitando!! pero neste lugar síntome un verdadeiro EXPLORADOR!! 

Aínda que abandonar INDIA foi triste.. Sabedes que cando os INDIOS moven a cabeza de lado (como nós diríamos NON) eles queren dicir que SÍ... Imaxinádevos as confusións!!

Parabéns polo voso traballo de investigación!!

Sodes uns grandes investigadores!!

  A  5º marabilla podes atopala no continente asiático pero esta vez non estou na China, nin India.

A cultura do país da 5º MARABILLA tamén é singular.

  INVESTIGA 

e

 escribe o lugar onde me atopo nun COMENTARIO

Busca información sobre a cultura e as diferencias e similitudes con nós. Conta a túa experiencia ou dalgún dos vosos familiares ou amig@s ou achegua webs ou ligazóns para investigar XUNTOS!!

Os nen@s que escribiron COMENTARIOS conseguiron PIKEUROS cos que gañarán agasallos ao final do curso!!

Moita sorte!!

A quinta POSTAL xa chegou a escola...

Se as pistas de PICOLINDO non son dabondo

utiliza estas ligazóns para descubrir ONDE SE ATOPA 

NO ENTROIDO AS MARABILLAS ENCHEN O ROCÍO.

Este ano, o ENTROIDO na escola representou as 

SETE MARABILLAS DO MUNDO.

Estupenda festa coa que gozou toda a comunidade educativa.

 O entroido foi unha vez máis o rei da escola. 

A pesares da choiva,

 soubemos seguir as bromas do noso meco mandón. 

Enfrascarnos no máxico mundo das marabillas sacou o mellor de nós. 

Que máis dicir?

Grazas papis e mamis por acompañarnos nesta data tan nosa!

As imaxes falan por nós. Non hai verbas para describir o ben que o pasamos.

CORES DE PAZ

 Chegou o día da estrea do noso vídeo da PAZ

Imaxinas 200 nen@s sentados facendo voar 200 globos de cores? 

SERÁN CAPACES DE AGUANTAR O RETO?

A maxia da PAZ é descubrir que non se precisan ÓRDES (para que non se levanten absortos pola emoción) senón EXPLICACIÓNS (para comprender que necesitámolos a tod@s)

ALBA PÉREZ GAÑADORA DO CONCURSO VIGOLANDIA 2015.

A alumna do terceiro curso de educación primaria, ALBA PÉREZ VILLA, recibiu de mans do alcalde ABEL CABALLERO, un agasallo por ser unha das gañadoras do concurso de Vigolandia deste ano.

Noraboa!!!. 

Continúa a traballar así.

O MECO MANDA

Moitas horas de traballo, moitos nenos e nenas artellando na aula de plástica ao longo do mes de xaneiro, para que todos e todas quedasemos sorprendidos do meco siamés deste ano. 

Si, señores e señoras!,

 é un meco con dúas cabezas!!

A meca ordea, 

o meco condena e castiga aos desobedientes.

Estade atentos, dende este venres día 6 o meco manda na escola.

COMEZA O PROCESO DE ADMISIÓN 2015/2016.

INFORMACIÓN IMPORTANTE PARA AS FAMILIAS.

PICA NA IMAXE PARA OBTER MÁIS INFORMACIÓN.

PAZ 2015. AS MARABILLAS DA PAZ.

Fermosa celebración do DÍA DA PAZ.

Moitas grazas familias!

Grazas por participar e traballar connoscol!

Traballando en equipo, o traballo é máis sinxelo.

Tal e como dixo un grupo A PAZ É GRATIS!!!!

 

PACO NOGUEIRAS, e a súa composición do BRINCA VAI, APERTAS QUE VOAN, acompañounos neste acto tan festivo.

ONDE SE ATOPA PICOLINDO? 4º POSTAL

Ola rapaces!!! xa estou de volta despois das vacacións de NADAL!! 

Viaxar é unha MARABILLA!!

Encántame todos os países que vou visitando. Gozar do Nadal en Brasil foi unha LEDICIA. Sabedes que en Brasil é verán durante o Nadal e como non hai neve PAPÁ NOEL usa un trampolín para repartir os agasallos!!

Parabéns polo voso traballo de investigación!!

Sodes uns grandes investigadores!!

  Para visitar a 4º marabilla tiven que voltar o continente asiático pero esta vez non estou na China. Este país ten unha cultura moi diferente a nosa. Conviven con moitas relixións e todas son moi interesantes!!

A cultura do país da 4º MARABILLA tamén é singular.

  INVESTIGA 

e

 escribe o lugar onde me atopo nun COMENTARIO

Busca información sobre a cultura e as diferencias e similitudes con nós.

Conta a túa experiencia ou dalgún dos vosos familiares ou amig@s ou

achegua webs ou ligazóns para investigar XUNTOS!!

Os nen@s que escribiron COMENTARIOS conseguiron PIKEUROS cos que gañarán agasallos ao final do curso!!

Moita sorte!!

A cuarta POSTAL xa chegou a escola...

Se as pistas de PICOLINDO non son dabondo

utiliza estas ligazóns para descubrir ONDE SE ATOPA 

A civilización India

A historia do TAJ MAHAL

Tour virtual

Las 3 Mellizas en la India

Vivir en el AHORA

Conto infantil "Vacaciones en la India"

NAMASTÉ

ACTUACIÓNS NO FESTIVAL DE NADAL.

Estupendas foron as actuacións dos nenos e nenas da escola. Esta é unha pequena mostra das mesmas. Tedes que desculpar pola calidade do son, pois diante da cámara atopabanse 73 alumnos de educación infantil e detrás dela, que vos vou contar!!. De tódolos xeitos, un fermoso recordo.

EDUCACIÓN INFANTIL.



PRIMEIRO CURSO DE PRIMARIA. Colaboraron cos cativos os nenos e nenas de sexto de primaria.




SEGUNDO CURSO DE PRIMARIA.



TERCEIRO CURSO DE PRIMARIA.




CUARTO DE PRIMARIA.


QUINTO DE PRIMARIA.