QUERES VIAXAR EN AVIÓN?

Hai uns días, os nenos do primeiro e segundo curso de educación primaria visitaron o aeroporto. Foi unha saída estupenda. Están desexando poder viaxar en avión.

"APRENDÍN DO PASADO, VIVO O PRESENTE E PREPÁROME PARA O FUTURO". CHANO RODRÍGUEZ

Sebastián Rodríguez Veloso, coñecido como CHANO, visitou o pasado martes día 24 a nosa escola para dar unha charla aos rapaces. Estivo cos nenos de cuarto, quinto e sexto curso de educación primaria. Este vigués de adopción, de 58 anos, sorprendeu aos nenos e nenas pola súa gran traxectoria deportiva.

Participou nas paraolimpíadas de Sidney, Atenas, Beijing e London, acadando 16 medallas.

Finalizada a charla, os nenos e nenas do sexto curso de educación primaria, tiveron a sorte de poder facerlle unha entrevista, da que daremos conta máis adiante.

Esta actividade pertence ao grupo de conferencias deportivas do noso ANO PICOLÍMPICO.

MAGOSTO

Un día moi especial, no que na escola se celebra unha das festas máis tradicionais da nosa terra.

POLO SAN MARTIÑO, TROMPOS AO CAMIÑO

GRAZAS ÁS FAMILIAS POLA SÚA COLABORACIÓN.

O EXPERIMENTO CO PICUDO VERMELLO DOS NENOS E NENAS DE SEGUNDO DE PRIMARIA

Continuando co traballo iniciado cando as palmeiras da escola foron taladas e levadas a incinerar,...

Gustouvos?

OS NENOS E NENAS PARECEN ENCANTADOS.

OS NENOS DE SEXTO AMENIZAN A FESTA DO SAMAÍN

Como nos últimos cursos escolares, o día da festa do SAMAÍN, nenos e nenas de sexto curso de primaria tocan unha canción ao resto dos nenos de primaria e posteriormente fanno no túnel do medo.

SODES UNS ARTISTAS!!!

INAUGURACIÓN ANO PICOLÍMPICO

Por fin chegou o momento que todos esperabamos!!

A publicación do vídeo da cerimonia de inauguración do ANO PICOLÍMPICO!!

Para celebrar o DÍA DAS BIBILOTECAS ESCOLARES demos comezo as nosas PICOLIMPÍADAS coa viaxe do facho ata o facheiro olímpico. Un día inesquecible!!

Se che gusta, participa no BLOGUE cos teus COMENTARIOS

e comparte o vídeo!!

INAUGURACIÓN DO ANO PICOLÍMPICO

O presente curso escolar, celebraremos

        O ano Picolímpico,

polo que o pasado luns día 26 de outubro, aproveitando a celebración do DÍA DA BIBLIOTECA, os nenos e nenas da escola, axudados polos mestres e coa colaboración das familias festexamos por todo o alto cun acto de inauguración.

Picolindo chegou á escola a iso das 12:20 h. portando na súa man un facho. Viña camiñando dende Grecia e precisaba comezar unhas remudas co alumnado.

O recibiron os nenos e nenas de tres aniños, que recolleron o facho, e achegáronllo aos de catro anos, estes aos de cinco, e estes os de primeiro,.... e así ata chegar xunta os nenos e nenas de sexto que estaban convertidos nunha tribo helena. Déronlle a benvida e acompañaron a Picolindo na  presentación do evento.

Explicaron a tódolos presentes en que consistían os xogos olímpicos da antigüidade e cales eran os valores fundamentais,

O RESPECTO, A AMIZADE E A EXCELENCIA

estes xogos, teñen un lema, citius, altius, fortius que na nosa lingua significa algo como: máis rápido, máis alto, máis forte. Pois ben, os nosos xogos Picolímpicos tamén teñen un lema:

LER MÁIS, PENSAR MÁIS, SABER MÁIS

O alumnado recibe na pista á tribo helena representando a bandeira olímpica:
Os nenos de educación infantil mailas familias asistentes de branco, simbolizando o fondo da bandeira olímpica, os de primeiro formando o aro verde, os de segundo o amarelo, os de terceiro, o azul, os de cuarto o negro e os de quinto o vermello.

Escoitamos o himno olímpico, izouse a bandeira e deuse por inaugurado este ano Picolímpico coa colocación do facho no facheiro. O facheiro foi elaborado polas familias. Está  formado por tres pés, que simbolizan os tres piares da escola:

• os nenos e nenas,
• os mestres,
• e as familias.

O facho ten nove lapas que simbolizan cada unha das aulas da escola. O facheiro permanecerá na entrada da escola durante todo o curso escolar.

Finalizado o acto, entregáronselle as medallas ao esforzo que farán ao longo do curso ao alumnado e repartíronse as mochilas viaxeiras que darán a coñecer moitos libros e materiais diferentes cos que conta a nosa biblioteca.

REMUDAS PICOLÍMPICAS

DISCURSO PICOLÍMPICO

O FACHO NO FACHEIRO

LER MAIS, PENSAR MAIS, SABER MAIS

O COLE QUEDA SEN AS PALMEIRAS. O CULPABLE: O PICUDO VERMELLO

Na escola estamos algo tristes. O outro día quedamos sen as palmas da escola. Os técnicos municipais decidiron talalas e incineralas. Estaban invadidas polo

PICUDO VERMELLO

No ano 1993,entraba en España, procedente da Arabia Saudí, una praga que dende entón acabou con infinidade de palmeiras. Foi agora, nestepasado verán cando chegou ao Baixo Miño, e hai uns días que percibimos que as palmeiras da escola estaban afectadas polo chamado "picudo vermello".

Os efectos deste bechiño, son devastadores. Cando vai frío, mantense en estado parasitario, e cando chega a calor, convértese nun insecto voraz.

Dende a dirección da escola, tentouse que o Concello tratase as palmeiras con algún  praguicida que permitise que as palmas seguisen a presidir a entrada da escola. A intervención dunha empresa especializada, servíu para  informarnos de que só se podía talalas e incineralas. Non había outra!



PICA NA IMAXE

 A actuación supuxo una atracción para o alumnado que non quería perder nin un só paso do acontecemento, agora que descubriran como é o proceso vital do picudo vermello... Na  investigación directa, souberon que, a larva se envolve nun capullo que constrúen con febras da propia palmeira.  Aquí convértese nun verme e logo, trala metamorfose,  nun insecto adulto.