Rematado o torneo de Xadrez, toca facer entrega dos agasallos tanto aos gañadores como aos participantes. A impresora 3D, non para de producir.Os gañadores son...
1º posto e campión... Miguel Sevilla
2º posto e subcampión... Mateo Torres
3º posto... Luis Quintá
 |
| Campión: Miguel Sevilla |
 |
| Subcampión: Mateo Torres |
 |
| Semifinalistas |
 |
| Oitavos de final |
 |
| Participantes |
Hoxe, ás 12h o alumnado da escola xuntouse no ximnasio da escola para celebrar o Día Escolar da Paz e a Non Violencia. A rapazada levaba días traballando nas aulas e hoxe, fixemos o acto común de celebración. Reflexionamos sobre a paz, buscamos onde existen conflitos armados e entre todos fixemos unha pomba de paz.
En plástica, basándonos no libro DENTRO DO GUERNICA, de Ana Alonso, da Colección Pizca de Sal, ANAYA, reflexionamos sobre o que aconteceu na Guerra Civil Española e como o ilustrou Pablo Picasso.
.JPG) |
| O Guernica do Resío, basado no Guernica de Pablo Picasso |
Xa, nas sesións de Biblioteca, coa profe Ana, a rapazada buscou información, indagou, e creou un Genially, onde aparecen os maiores conflitos armados da actualidade.
Na aulas prepararon a canción de paz de Pablo Diaz, "TIC, TAC, TOC" e decían unha verba relacionada coa paz os mais cativos e unha frase de paz os maiores. Un bo momento para que a rapazada comprenda o que significa a guerra e o gran valor da PAZ. Esperemos que o noso alumnado, tralos días de reflexión, teñan pulos de cambiar o mundo no que vivimos para mellor.
O acto foi presentado polos alumnos de quinto, Ane Cid e Daniel Fernández.
Aquí tedes un pequeno video da celebración do día de hoxe.
Deixamos aquí o cartaz da Xunta dedicado a Siro, autor homenaxeado este 2026.
.jpg)
Explicaronnos que é un zoco, quen o usa, onde comezou a usar. Como eran os zocos de antes, como son os de agora,...
Faláronnos dos materiais e ferramentas que se utilizan para elaboralo. Agora xa sabemos que é a subela, o sacabocados, o can, pois o martelo e a coitela xa os coñeciamos.
Tamén nos explicaron o nome de tódalas pezas que o conforman.
Foi unha mañá moi entretida, deixounos pampos ao aprendernos como se fan os amallós, os cordóns do zoco.
Explicounos que na súa tenda non so fan zocos, traballan co coiro e fan chaveiros, pendentes, carteiras, marcapáxinas,... son artesáns do coiro.
Grazas á Fundación da artesanía Galega por achegarnos os oficios tradicionais á escola.
Sanín, contoulles que hai moitos anos, a música formaba parte da vida cotiá dos agricultores. As pandeiretas comezaron a usarse polas labregas e labregos como instrumento de acompañamento nas foliadas, reunións festivas que se facían despois das xornadas de traballo máis importantes do ano, como a recolleita e a esfollada do millo.
Sanín dixo que falar cos rapaces do Resío era todo un reto, pois son rapaces que viven na cidade e para eles, esta cultura nosa, está moi alonxada da súa realidade. Preguntoulles se coñecían instrumentos tradicionais de percusión. Como non foron quen de dar unha resposta, Sanin explicou que a percusión tradicional galega naceu da imaxinación e do aproveitamento dos materiais que había á man. Así, botellas de anís, botes de pemento ou outros recipientes cotiáns convertéronse en instrumentos musicais cheos de son e ritmo. Estes obxectos, ao seren axitados ou golpeados, producen sons que acompañan os cantos e as danzas, demostrando que a música pode xurdir de calquera lugar cando hai creatividade.
Contoulles que pandeireta é un dos instrumentos máis emblemáticos da nosa cultura e ía construír unha diante deles. Sanín explicou que a partir da madeira dos piñeiros, o artesán vai dándolle forma ao marco, un traballo lento que pode durar meses e que require paciencia. Unha vez feito o aro, fanse uns buracos nos que se colocan as ferreñas, pequenas pezas metálicas responsables do seu son tan característico.
Sobre ese marco colócase a membrana, que na pandeireta galega tradicional se elabora con pel de cabra. A pel tensase e axústase con coidado para conseguir o son axeitado. Sorprendidos quedaron tod@s, ao poder tocar a pel da cabra.
Tentou aprenderlle aos nenos e nenas as diferencias entre a pandeireta galega e outras que están polo mundo adiante e indicoulles que él tamén fai pandeiretas para fóra da nosa comunidade e fóra do noso país.
Grazas!
A prensa fíxose eco da nosa actividade que se desenvolveu no salón de actos do edificio antigo da nosa escola.
.jpg)
