Benqueridas familias, imos comezar este trimestre cun cico de CINE EN FAMILIA. Levarase a cabo durante cinco luns ás 16h.
Esperámosvos!
Lembrade que o alumnado de Educación Infantil e primeiro ciclo de primaria deberá vir acompañado dun adulto e de terceiro de primaria en adiante poden acudir sós.
Un fermoso momento para compartir.
Hoxe, Ana, a nosa Xefa de Estudos, acompañada de catro alumnas do quinto curso de primaria Emma, Xoana, Ariadna e Olivia, participaron no programa Quen anda aí? da TVG
Mirádeo para saber que contaron!
Grazas ás súas familias por apoiarnos e por permitir que asistiran e colaborar neste proxecto tan bonito.
Picolindo empresta ao alumnado un libro relacionado co tema anual "Un planeta cheo de vida" e agora espera os vosos fermosos traballos desexando que a súa elección fora do voso agrado.
Boa Semana Santa!
Esta semana tivemos a sorte de contar con Marcos Cabrera Riande, pai de Mateo e Martíño. Este físico, nos ofreceu un faladoiro moi ameno e enriquecedor para o alumnado do quinto e sexto cursos de primaria, no que nos aprendeu que son as startups.
Grazas Marcos por falarnos de cousas tan interesantes!
Agora que chega a Semana Santa, imos a construír moitas trampas na casa.
Grazas familias!
Ademáis, no centro da biblio montamos unha gran cesta con libros de poesía en galego que tiñan que ver co tema anual: animais, ,plantas, ecosistemas, paisaxes... Todo o alunado de primaria pasou por alí, elixiu o seu poema e gravouno na Radio Escolar. Os máis chulos foron incluídos nun podcast.
Co gallo da celebración do DÍA DO CÓMIC, na escola, dentro do PDI anual e dende o Laboratorio das Artes, levamos a cabo unha actividade creativa de invención de personaxes en equipos colaborativos e creación de cómics xa de xeito individual coas personaxes creadas en equipo, no que poden aparecer entre outros, a mascota da escola, Picolindo ,e cunha temática ecolóxica.
Fermosos traballos os realizados polo alumnado do quinto e sexto curso de primaria. Podedes gozar deles nesta presentación ou no libro/cómic preparado con tódolos traballos na escola.
Esta é a súa portada.
.png)
Hoxe é o Día do Pai, un xeito de agasallalos e de recordarlles o importantes que son para nós.
Hoxe tivemos na escola a primeira visita de autor@s do curso grazas a, Edicións Xerais. Pablo Nogueiras, falou do seu libro "Ringo, memorias dun Coello fedello", que está cheo e palabras antigas rescatadas das memorias dos avós, coma se dun tesouro se tratara, ou das diferenzas, como algo que nos une.
Tamén nos lembrou a importancia de reler sempre o que escribimos para poder producir textos fermosos.
Desexando estamos de ler o seguinte libro que está a piques de saír e que é de POESÍA.
Grazas pola túa dedicatoria, e grazas por asinar tantos libros.
Grazas Pablo pola túa visita!
Feliz día das Matemáticas!
A pasada semana gozamos cos talleres manipulativos e mañá cos tecnolóxicos.
O quinto curso de primaria, traballa este trimestre o bloque "Te lo cuentan las cónicas, te lo cuenta una astrónoma" e o sexto curso " Te lo cuentan los movimientos, te lo cuenta una artista".
O alumnado de quinto participará no lanzamento dun satélite artificial e os de sexto crearán un gif animado, creado grazas a unha sucesión de maxes en movemento.
Uns fermosos obradoiros grazas a unha moi boa iniciativa da Universidade de Vi
Aquí podedes ver todo o que fan. Son marabillosos!
https://telocuentanlasmatematicas.webs.uvigo.es/
https://telocuentanlasmatematicas.webs.uvigo.es/recursos/
Grazas!
No segundo curso de primaria, iniciaronse no mundo da papiroflexia, creando peixiños para o río que están a crear no corredor. Un gran traballo creativo e manipulativo!
"Había unha vez a radio, como narrar historias só para as orellas", é o título do magnífico obradoiro levado a cabo por Soledad Felloza co alumnado do cuarto e quinto curso de educación primaria, coa finalidade de mellorar a nosa pronunciación e entonación canto desenvolvemos un programa de radio escolar.Soledad Felloza é unha recoñecida narradora oral e actriz uruguaia que vive en Galicia, coñecida polos seus obradoiros creativos de radio escolar. De feito, é unha das recomendacións que se fai dende a Consellería, no dossier de radio escolar. Soledad gañouse aos cativos. Traballou con eles a dicción, a entoación e a modulación da voz. Explicoulles que para contar historias o máis importante é captar a atención dos participantes. Polo que fixemos exercicios de quecer a voz, entoación, o ritmo, o ton... Traballou con nós o conto en voz alta. Practicamos a narración de textos curtos e logo xeramos ideas e creamos as nosas propias historias.
Hoxe, contamos coa TVG na nosa escola. Fixeron un par de conexións en directo co programa A REVISTA para mostrar, na primeira conexión, parte do obradoiro de booktrailers e na sgunda, o obradoiro de creación de chapas. Non só amosaron o traballo que se estaba a realizar senón que tamén quixeron coñecer as impresións do noso alumnado.
Grazas por contar connosco!
Hoxe é un día de reivindicaciós, unha data necesaria para poñer en valor a figura da feminina ao longo da historia, un recoñecemento ao seu traballo e o gran papel que desenvolve e desenvoleu sempre na sociedade. Celebramos quehoxe en día a sociedade avanza na igualdade de dereitos entre as persoas. Este contido trabállamolo tódolos días, pero hoxe visibilizamolo a través de distintas actividades e obradoiros.
Ao longo a semana, propúxose un "traballo en familia" co título
ECO-MULLERES DO RESÍO
Este traballo consiste en destacar unha muller da nosa contorna (familiar, veciña, coñecida...) que sobresae, ao noso parecer, polo seu compromiso co planeta, e explicar cal é a súa acción ecolóxica.
Con tódolos documentos recibidos, elaboramos un libro que estará situado nun lugar importante da nosa biblioteca, e do que vos daremos conta con esta presentación.
Paralelamente, o alumnado do quinto e sexto cursos de educación primaria, desenvolve ao longo de toda xornada un obradoiro de creación de BOOKTRAILERS,da man da empresa GINKO, con Roi Guitián e María Lobo. Os libros utilizados son, todos eles, relacionados coa igualdade. Este obradoiro desenvólvese grazas a participación da escola no programa de BIBLIOTECAS CREATIVAS.
No tempo de lecer, no Recuncho Fedelleiro, houbo un obradoiro de elaboración de chapas; no que o alumnado, de xeito libre e voluntario, acodíu para facer a súa chapa. Moitos dos cativos, levaron a chapa como agasallo para as súas nais.
Doutra banda, na hora de ler, un grupo de alumn@s voluntarios do quinto curso de primaria ofreceu ao resto do alumnado, unha micro representación teatral do libro, ROSA CARAMELO.
Nas aulas os mestres fixeron tamén pequenas actividades significativas do gallo do Día Internacional da Muller.
O alumnado do segundo curso elaborou pulseiras.
Este obradoiro levouse a cabo co alumnado do quinto cursso de educación primaria.
Hoxe, tivemos a sorte de saír en directo no programa da TVG ATMOSFÉRICOS, contando o noso proxecto "CONSTRUÍMOS NIÑOS DE PAXAROS" para tentar que os paxariños aniñen neles.
Moitísimas grazas por colaborar con nós neste proxecto tan fermoso!
Grazas ATMOSFÉRICOS!
Grazas Irene!
Hoxe tivemos o pracer de contar na nosa escola con Caruncho e Pinto de Herbón para traballar as regueifas co alumnado do quinto e sexto curso de primaria.
As regueifas son unhas disputas dialécticas improvisadas en verso entre dúas ou máis persoas, sobre un tema particular.
A rapazada, pasouno en grande! Velaquí algún exemplo do traballado.
Grazas Caruncho e Pinto de Herbón!, foi unha marabillosa mañá!
.png)
.png)
