RETO CONSEGUIDO!!!

 

PROVOCACIÓN DE INVERNO

Os/as nenos/as de 5° de E.I gozamos moitísimo con esta provocación de inverno, onde descubrimos o efecto que provoca a agua quente sobre o frío xeo. 

 

 

 Conseguimos liberar todos os animais!

RETO 100 NIÑOS PARA PAXARIÑOS: GRAZAS, IMOS CAMIÑO DE CONSEGUILO!

 Acadaremos o reto?

Grazas familias!

 

Grazas CEE San Rafael! 

Grazas Monte Vivo! 

Grazas CFR!

Quedan 3 días!

 

OBRADOIRO DE TEATRO RADIOFÓNICO CON PAULA CARBALLEIRA

Hoxe, na escola tivemos a sorte de contar con Paula Carballeira para realizar un obradoiro de teatro radiofónico, unha experiencia única onde o alumnado explorou a creación e representación de historias a través da voz e os efectos sonoros.

Que é iso de radioteatro? RADIOTEATRO  é un contido teatral ou fantástico emitido por radio. Isto foi o que fixeron os alumnos e alumnas do cuarto e quinto cursos de primaria, coa inestimable axuda da gran Paula Carballeira.

 Este obradoiro permitiulles desenvolver a creatividade, mellorar a expresión oral e gozar do teatro dunha forma diferente e divertida.

Agradecemos a Paula Carballeira por compartir connosco o seu talento e paixón polo teatro e a narración oral.  Ela ten unha gran capacidade para contar historias e transmitir emocións a través da palabra falada e escrita.

Próximamente nas ondas de Radio Resío! 

 

DANIEL NOVOA, COA NOSA COMUNIDADE EDUCATIVA.

 

Esta tarde tivemos a sorte de contar con Daniel Novoa nun faladoiro cos pais/nais do alumnado do centro. O faldoiro ( moi concurrido) versou sobre educación afectivo-emocional e sexual.

Resultou moi interesante e puidemos extraer aprendizaxes e conclusións realmente aplicables á relación cos nos@s fill@s e alumn@s.

 

Grazas a todas as familias que vos unistes, foi un pracer compartir este espazo de aprendizaxe e reflexión.

Agardámosvos na próxima  xornada para seguir gozando desta gran aventura. A vosa participación é clave para construir un futuro máis responsable e consciente.

Deixamos a continuación unhas pequenas recomendacións de lecturas emocionais e afectivo-sexuais das que dispomos na biblioteca da escola.

UN GRAN COLOMBÓFILO NA ESCOLA. HOXE FALAMOS DAS POMBAS.

 Ao abeiro do reto "100 niños de paxaros" o alumado do centro gozou hoxe da visita dun colombófilo no centro.

 

 

Con el aprenderon moitas cousas das pombas mensaxeiras e puideron ver e tocar dous exemplares que Fito Fernández, trouxo con el ( logo soltamolas no patio, para que volveran ao seu pombal)

 

 

 

COÑECEMOS Á POMBA

 

Agora que xa coñecemos á pomba , poderemos facer un pequeno test para comprobar todalas cousas que xa sabemos.

O alumnado do primeiro ciclo, realizou a seguinte actividade e debuxou unha pomba.

 

O alumnado do segundo e terceiro ciclo, encheu esta, un pouquiño máis longa. 

COÑECEMOS OS NOSOS PAXAROS

 Ao longo destas semanas, iremos coñecendo aos seguintes paxaros.

 Para coñecelos, facemos esta proposta de xogo, colle a túa papeleta e deixa o encrucillado cuberto no buzón de Picolindo.

Comezamos coa pomba. Esta semana teremos na escola a un colombófilo. 

OBRADOIRO DE CARTÓN CON TON ARENAS E A BIBLIOTECA CREATIVA. OBRADOIRO DE CABEZUDOS.

 

Canto divertimento tivemos hoxe na escola! Ninguén podía imaxinar que unhas simples caixas de zapatos puidesen dar tanto xogo.

Grazas á participación no programa de BIBLIOTECA CREATIVA, na escola puidemos contar con TON ARENAS, pertencente á Compañía MIRCROMINA TEATRO DE TÍTERES. Él dí que é un artesán dos Muiños en Mondoñedo. Crea, constrúe teatriños, bonecos, títeres e cabezudos.

Mostrounos a súa técnica e con tan só caixas, cinta de papel, tesoiras maila nosa imaxinación creamos...

DESEÑANDO NAS IMPRESORAS 3D

 O alumnado do terceiro ciclo de educación primaria embarcouse nun fascinante proxecto de deseño e impresión 3D, onde as matemáticas e a creatividade camiñaron da man. A partir dos coñecementos xeométricos adquiridos na aula, os nenos e nenas deseñaron chaveiros, medallóns e mesmo unha reprodución da mascota da biblioteca escolar, Picolindo, aplicando conceptos de dimensións e proporcións con gran destreza.

Pero o proxecto non quedou só no deseño! O espírito investigador e colaborativo guiou a busca de obxectos para imprimir nas impresoras 3D da escola. 

 

Entre os deseños seleccionados destacaron os renos de Nadal, pensados como agasallos para os finalistas do concurso de postais, e os paxariños sonoros, creados para os participantes no concurso de escritura de cartas de amor, enmarcado no reto "100 niños de paxaros" e na celebración do Día da Candelaria.

 

Para levar a cabo este traballo, o alumnado explorou programas dixitais como Thingiverse, Tinkercad e MakerWorld, desenvolvendo habilidades de busca de información e coñecemento tecnolóxico. Ademais, tiveron a oportunidade de experimentar coa montaxe e configuración da impresora  Creatily. 

DANIEL NOVOA CO ALUMNADO DA ESCOLA

 

No día de hoxe, o alumnado do 4º, 5º e 6º cursos de primaria, tiveron un faladoiro con Daniel Novoa, con quen aprenderon moitas cousas sobre xestión emocional, relacións persoais e sexualidade.

Aprenderon moito, investigaron sobre as súas emocións e iniciáronse no camiño de falar de todo con naturalidade e consciencia.

 

PRECISAMOS A TÚA AXUDA! TEMOS UN RETO

 Achégase o Día da Candelaria. Os nenos e nenas da escola do Resío, xunto cos seus mestres maila mascota Picolindo, precisan a axuda de todos vós.

DESCUBRIMOS O KAPLA

 Á escola chegaron varios xogos de Kapla. Este é un xogo de construción baseado en pequenas táboas de madeira de pino, todas do mesmo tamaño, que se apilan sen necesidade de cola nin fixacións. O principal obxectivo deste xogo é fomentar a creatividade, a precisión e o equilibrio a través da construción libre ou guiada (existen varios libros con exemplos de construción).

 

En primeiro lugar, deixeille o xogo aos rapaces para que experimentaran e  puideran  crear as estruturas que quixeran. Ao estar xogando en equipo tiveron que planificar antes de construír. Experimentaron e xogaron coas simetrías, o equilibrio e as proporcións. 

Traballaron de dous xeitos: primeiro ideando e construíndo un deseño libre e logo seguiron os modelos dos manuais Kapla a través dunha construción guiada.

 

FALADOIRO CON DANIEL NOVOA

 

O vindeiro martes 28 de xaneiro, ás 16.30h, na sala de usos múltiples da escola teremos o pracer de contar co psicólogo DANIEL NOVOA, nun faladoiro co título:

O FUTURO NA MAN DOS NOSOS FILL@S no que se tratarán temas do voso interese sobre a educación dos vosos fill@s.

 

Este é un faladoiro ao que todos deberedes asistir, xa que é unha honra contar con este prestixioso psicólogo na nosa escola, froito da colaboración escola, ANPA, CFR de Vigo.

Por favor, confirmade a vosa presencia no seguinte formulario https://forms.gle/WZw3gc62PwKAb7za9yourdesignpanel

 

EXPERIMENTAMOS COS NOVOS MATERIAIS DA AULA STEAM

 

Korbo é un xogo de construción baseado en engrenaxes e rodas dentadas, que permite aos nenos e nenas crear estruturas que se moven.

Poderiamos dicir que é un xogo que permite a aprendizaxe e que desenvolve a creatividdade e a imaxinación nos cativos. Eles poden construír libremente ou seguir o manual do libro explicativo.

Permite mellorar a motricidade fina e a coordinación ollo-man, pois teñen que encaixar de xeito preciso as pezas. Aprenden xa dende tan cativos como funcionan as engranaxes a través da proba-erro.