TRABALLAMOS CON STOP MOTION. IMAXINAR PARA CREAR HISTORIAS

 

LEDICIA COSTAS VISITA A NOSA ESCOLA

 Hoxe é un día moi especial, pois a nosa escritora, a viguesa, LEDICIA COSTAS, visitou a nosa escola trala lectura do seu libro ESCARLATINA, A COCIÑEIRA DEFUNTA, polo alumnado do quinto curso de primaria.

 

Que emocionados estaban tod@s!,

 Que festa tan grande tiñan argallada!

O recibimento por parte da nosa mascota Picolindo, un gran cartaz con todas as súas obras e unha magnífica mesa chea de sobremesas, sobremesas das receitas do seu libro. As receitas de Román.

L

Ledicia falounos de moitas cousas que fan que a poidamos coñecer mellor. Unha persoa moi achegada a nós, que nos contou, que lle encantan as historias de bruxas, pantasmas e mortos.  Di que escribe moito pero que tamén lé moito. Encántalle escribir e neste momento todo o que escribe, gusta. Ela pensa que lle queda moito por escribir e que pensa que as mellores historias son as que se escriben co corazón. Contou que moitas das receitas do seu libro, eran receitas feitas pola súa irmá, pois ela é larpeira pero na cociña....

Tamén falamos de como chegou a porlle escarlatina ao personaxe do seu libro, tamén nos convidou a ir hoxe ás 18h. á presentación en sociedade do seu novo libro, e nos emprazou a que dentro dun mes, presentaría con nós un novo conto, cun personaxe coñecido por todos nós. Adiviñades de que se trata?

Para rematar, asinounos o libro e no gran libro da biblioteca da escola.

Grazas Ledicia, esperamos volver a verte axiña!

Para finalizar, no tempo de lecer, tomamos unha gran e merecida merendola na biblioteca.

 

FESTA DE ENTROIDO NO RESIO, UN ENTROIDO INTERCENTROS MOI INCLUSIVO

 Entroido, festa tradicional con grande arraigo na nosa escola. Entroido, provén do termo latino entroitus que significa entrada ou comezo da primavera. Pola calor que pasamos no pasarrúas parecía que xa estabamos nela.

 Na nosa escola mantemos este costume e contamos cun carnaval moi vistoso. 

 

O pasado venres fixemos a entronización do meco, o MONSTRO COMELIBROS, que ao longo da semana non fixo máis que dar mandadiños, e aliouse cos Merdeiros, os malos do Carnaval de Vigo, e atemoroizou a mestres e rapaces ao longo da semana.

Os merdeiros son a figura tradicional do entroido da nosa cidade tamén foron os malos na nosa escola e castigaron a todos aqueles que coas non fixeron caso ás ordes do Sr. Meco.

Deixamos voar a nosa imaxinación e cada curso, relacionado coa temática do proxecto interdisciplinar anual, elaborou o seu disfraz e entre todos fixemos da nosa escola maila súa contorna unha gran festa.

 4º EI. AS PICTO ABELLAS. OS PICTOGRAMAS

 

5º EI. LÁPIS E PAPEL. INSTRUMENTOS DE ESCRITURA

6º EI. ASTERIX, OBELIX E OS GALOS SAIRON DA BANDA DESEÑADA

1º EP. FIGURAS EN MARCHA. LINGUAXE MUSICAL

 

2º EP. SOMOS CINE

3º EP. OS XEROGLIFICOS

4º EP. ESCRITORES, FORMATOS DE ESCRITURA

 

5º EP. HARRY POTTER. MÉTODOS ALFABÉTICOS DE ESCRITURA

 

6º EP. RADIO

 Fixemos carteis anunciadores.

 Solicitamos o acompañamento da policía, para o traxecto e convidamos a Álcaldía. O Alcalde viu pero a escolta policial non. Cando quedaban uns minutiños para que as comparsas sairan da escola, apareceu, a saudar a tódolos presentes, o Sr. Alcalde, D. Abel Caballero quen foi recibido por parte do Equipo Directivo e logo de entablar unha conversación fluída dirixiuse aos rapaces da escola saudandoos un a un. Destacou a gran creatividade nas creacións dos disfraces por parte do alumnado e desexounos que o pasasemos ben.

 Pais, nais, avós, avoas, veciños e veciñas acompañaron a nosa comparsa dende a nosa escola ata a alameda de Bouzas, sen quitarlle protagonismo ao noso Meco, figura que fixo rabear a todos e cada un dos membros da comunidade educativa do Resío esta semana.

A saída da escola foi complicada, houbo que cortalo tráfico, pois no comezo da  Rúa Marín esperábannos o alumnado mailo profesorado da Escola de Educación Especial San Francisco, incorporándose no pasarrúas.

 

Ata asistiu a mesmísima ... Emilia Pardo Bazán.

Gozamos da música, das amizades, durante todo o percorrido. Ao chegar á Alameda, gozamos dunha chocolatina e volvimos cara a escola pensando no xuizo que iamos facerlle ao Meco.

Agradecer no percorrido a colaboración de dous exalumnos que tocando a gaita e o pandeiro, amenizaron a festa

 

Chegados de novo á escola, fixemos o xuizo ao Sr. Meco, e foi condeado a vivir uns meses atadiño a unha estantería da Biblioteca

Este entroido foi especial, por fin, libre de restriccións trala pandemia, conseguiamos poder ir todos xuntos e tamén ter as sobremesas de entroido.

 

Un entroido que é posible grazas a un grande equipo, e un grupo de pais colaboradores.

Aquí podedes ver tódalas imaxes do festexo https://photos.app.goo.gl/qz9SupVqgkwuBosy9

MENSAXE NUNHA BOTELLA

 

OS MANDADIÑOS DO MECO PARA ESTE XOVES

 

OS MANDADIÑOS PARA ESTE MARTES

 

CREAMOS CON STOP MOTION POR SAN VALENTÍN

PROGRAMA DE ENTROIDO

 

MANDADIÑOS DO MECO PARA O MARTES

 

ADMISIÓN DO ALUMNADO

 

SOLICITUDE DE ADMISIÓN do 1 ao 20 de marzo.

• Organización do Centro:

• 3 UNIDADES de EDUCACIÓN INFANTIL
• 6 UNIDADES de EDUCACIÓN PRIMARIA

• Mestres especialistas:

• Educación Musical
• Educación Física
• Lingua estranxeira: Inglés
• Lingua estranxeira: Francés
• Educación Relixiosa

• Departamento de Orientación:

• Orientadora
• Mestra especialista en pedagoxía terapeútica (PT)
• Mestre especialista en audición e linguaxe (AL)

• Metodoloxías activas
• Traballo por proxectos e centros de interese
• Aprendizaxe Cooperativa
• Horto escolar
• Radio escolar
• Aula Steam, robótica na escola
• Biblioteca, PLAMBE
• E-DIXGAL
• Atención á diversidade. Ensinanza individualizada e intervención específica dos especialistas de PT e de AL dende 4º de educación infantil. Acompañamento respetuoso.
• Proxectos de Innovación Educativa
• Nós tamén creamos
• Proa +
• Inclué-t
• Emociona-t
• Iguala-t
• 
  
   

11 DE FEBREIRO, DÍA DA NENA, A MULLER E A CIENCIA

O día 11 de candeas conmemorase o Día Internacional da muller e a nena na ciencia a través de actividades que visibilizan o traballo das mulleres que se dedican ás areas STEAM, creando así referentes femininos para a rapazada e tamén pretende dar a coñecer os distintos factores que afectan ás mulleres para alcanzar a igualdade de xénero no ámbito científico. 

Esta data celébrase dende o ano 2015. 

No recibidor da escola temos un xogo con grandes mulleres científicas, co que traballaremos ao longo desta semana. Ademáis,   pedimos a colaboración familiar para levar a cabo experimentos científicos. 

Aquí tedes os traballos recibidos. 

 

Moitas grazas familias!

ESTAMOS DE NORABOA, TEMOS SETE PREMIOS NO CONCURSO DE DEBUXO "A SUPERCASA" DO COLEXIO OFICIAL DE ARQUITECTOS DE GALICIA

Estamos moi contentos, estamos de noraboa. Sete dos nosos alumn@s acaban de ser premiados no I CONCURSO DE DEBUXO INFANTIL "A SUPERCASA".

Desde a  Xunta Directiva da Delegación en Pontevedra do COAG acaban de poñerse en contacto con nós para comunicarnos que xa se teñen fallado os premios do Concurso e nos comunican que as obras premiadas son as que seguen:

• CATEGORÍA 2, 1º PREMIO    (vale 250€ en material  de educación plástica  e libros): Lucas Rodríguez, por " A casa da discoteca barbuda". 4º curso de primaria
  
• 
  
   
• CATEGORÍA 3, 3º PREMIO    (vale 100€ en material  de educación plástica  e libros): Irene Bastos, por "A casa verde".6º curso de primaria
  
  
  
• CATEGORÍA 1  Accésit ( vale 75€ en material  de educación plástica  e libros  ) : Javier Fernández. "Casa de Med" 1º curso de primaria.
  
  
  
• CATEGORÍA 1  Accésit ( vale 75€ en material  de educación plástica  e libros  ) : Jimena Dosouto. "Casa faladora" 2º curso de primaria.
  
  
  
• CATEGORÍA 2, Accésit    (vale 75€ en material  de educación plástica   e libros): Hugo Fernández, por "A Casa Hotel Cinco Estrelas". 4º curso de primaria
  
  
  
  
• CATEGORÍA 2, Accésit mención especial COAG    (regalos aportados polo comercio local): Tiago Carid, por "A casa coche"3º curso de primaria
  
  
  
  

• CATEGORÍA 3, Accésit  (vale 75€ en material  de educación plástica   e libros): Julia Rodríguez, por "Dream House", 6º curso de primaria
  
  
  
  

En breve saberemos o lugar, o día e a hora do acto de entrega dos premios que terá lugar na cidade de Pontevedra.

 

Noraboa   Lucas, Irene, Javier, Jimena, Hugo, Tiago e Julia, e tamén a tódolos alumnos e alumnas de primaria por participar. Os vosos traballos son fantásticos. Se queredes coñecelos, preme na imaxe que leva ligazón.