Dende o Equipo Docente do centro queremos lembrarvos que as vacacións de Nadal comezarán o día 22 de decembro (incluído) e voltaremos ás aulas o luns día 10 de xaneiro.
Aproveitamos para desexarvos a todos unhas FELICES FESTAS.
Imaxes dos máis pequenos polo Nadal
Este martes, aproveitando o día entre festivo e festivo, o alumnado do sexto curso A, acompañados pola súa titora Begoña, baixaron ao Laboratorio das artes e das ciencias para cociñar. Dende primeira hora da mañá arrecendía polos corredores a pizza. Primeiro elaboraron a masa, e logo fixeron pizzas individuais botándolles os ingredientes que máis lle sabían. Eso sí, os ingredientes foron moi naturais.
Unha vez preparadas as pizzas, as enfornaron e... logo as paparon.
O alumnado do terceiro e cuarto curso de primaria, puido volver a gozar dunha visita didáctica. Nesta ocasión foron a NATURNOVA, centro de educación ambiental. Aquí a rapazada puido despertar a súa curiosidade no coñecemento do mundo e gozar a través da ciencia da natureza.
Aproveitaron para ver algun dinosaurio a través da realidade aumentada, descubriron como se forma un tornado, e incluso se adentraron no fondo mariño dentro dun simulador de submarino.
Na nosa escola festexamos que todas as persoas, homes e mulleres, vivimos en igualdade.
Este curso, queremos facer coñecedora a toda a comunidade educativa do sinal de axuda . Este sinal de socorro é unha iniciativa dixital que xurdiu durante a pandemia para casos de violencia doméstica. Tamén é recoñecida como un sinal de axuda contra a violencia de xénero, a violencia machista, e calquera tipo de maltrato.
Agradecemos a vosa participación neste vídeo tan significativo. Esperamos que vos guste tanto como a nós.
O pasado venres día 12 celebramos na escola o MAGOSTO!
Esta festa tradicional unida ao bo tempo e as ganas de troula fixeron que todo saíra estupendamente!
O primeiro que fixemos foi montar a castañeira.
Moitas grazas ás familias e ao noso porteiro, Carlos, polas saborosas castañas.
Fixemos obradoiros nas aulas, xogos populares no patio e compartimos unha estupenda merenda de castañas. Logo deixamos todo recollido.
Aquí vos deixamos un resumo en imaxes desta fantástica xornada!
Tamén fixemos un programa de radio especial. Aquí tedes a ligazón.
Logo de dous meses traballando con Legos, seguindo instruccións, chegou o momento de crear. Tivemos que crear soportes para apoiar o noso dispositivo móbil e non lesionar as cervicais.
Estes foron os seus inventos:
E fixeron unha presentación e defensa dos mesmos diante dos seus compañeiros, analizando as debilidades e fortalezas do grupo de traballo.
Parabéns rapaces!
Como manda a tradición, xa están aquí, todos os esconxuros das meigas e meigos do Resío no Samaín.
Porque na nosa terra, moitos males os solucionamos coa maxia.
Non todo ía ser cabazas e traxes!
Ao longo destas dúas semanas, o alumnado da escola gozará dun ciclo de actividades de igualdade patrocinadas pola ANPA da escola e levadas a cabo polo gabinete da Psicóloga Andrea Sieiro Paz. Os técnicos implicados en Igualdade foron Abraham Herrero e Tereixa Paz.
O alumnado de infantil gozou dunha sesión de contacontos cunha duración aproximada dunha hora. Traballaron o conto Arturo e Clementina. Traballouse a prevención da violencia e a necesidade de ter un trato adecuado e respectuoso entre persoas.
O alumnado de primaria gozou dun obradoiro de multixogos reunidos pola Igualdade. Estiveron dúas horas traballando a diversidade e a corresponsabilidade.
O Equipo Docente agradece a colaboración da ANPA nesta actividade.
Para rematar a celebración do Samaín, no 6º A de primaria desenvolveron un obradoiro de cociña, no que elaboraron unhas boísimas chulas de cabaza.
Animádevos a cociñar na vosa casa!
Xornada divertida a vivida no primeiro curso de primaria traballando co robot OZOBOT. Debuxar trazos e acadar que o robot siga a liña, é moi divertido!
Hoxe, o alumnado do sexto curso de Educación Infantil, estivo repasando os trazos de números co robot Ozobot, que seguía o camiño que debuxabamos cambiando de cor e copiando o que nós debuxamos. Foi un obradoiro moi divertido!
Pasámolo fenomenal!
